17.1 C
New York
Wednesday, October 5, 2022
Home Literature അമ്പിളിക്കുട്ടി ഒരു ടീച്ചറുകുട്ടി.(കഥ)-മിനി സജി.

അമ്പിളിക്കുട്ടി ഒരു ടീച്ചറുകുട്ടി.(കഥ)-മിനി സജി.

അനിയേട്ടാ …

കുറെ നാളായി എന്റെ മനസ്സിലിങ്ങനെ ഒരു മോഹം വളർന്ന് വളർന്ന് .

എന്നാ പറയ് .
ആ മോഹം പൂത്ത് തളിർത്ത് കായ്ക്കുന്നതിന് മുമ്പ്.

അനിയേട്ടാ അതേയ്..

എന്താ ആനി.

രണ്ട് ചെക്കന്മാരേം നേരം വെളുത്താ കണികാണാൻ കിട്ടൂല്ല.
ഇന്നലെ വയനാട്ടിൽ പോയിട്ട് ഇതുവരെ വന്നില്ല .

ഹ ഹ ചെക്കന്മാരായാ അങ്ങനെയാ .നിന്റെ ഇഷ്ടത്തിന് വേണമെങ്കിൽ പെൺകുട്ടിയാകണം .

അതു തന്നെയാ എന്റെ പ്രശ്‌നം .ഹോട്ടൽ മാനേജ്മെൻറ് കഴിഞ്ഞാൽ രണ്ട് പേരും പുറത്ത് പോകും .പിന്നെ നമ്മൾ ഒറ്റയ്ക്ക് .

ഞാൻ ഒരു കാര്യം പറയട്ടെ

പറയൂ …..

.നമുക്ക് മൂന്നാമത് ഒരു കുട്ടിക്കൂടി ഉണ്ടാകുമോന്ന് അരവിന്ദൻ ഡോക്ടറോട് ചോദിച്ചാലോ .

ഹ ഹ. നീയെന്താ തമാശ പറയുകയാ .രണ്ട് സിസേറിയൻ കഴിഞ്ഞ് മടുത്തയാളല്ലേ .

എന്താ ചിരിക്കുന്നത് .

ഒരു നാൽപ്പത്താറുകാരിക്ക് ഇത് മോഹിച്ച് കൂടായെന്നുണ്ടോ .എന്റെ ഇഷ്ടമനുസരിച്ച് അവളെ പഠിപ്പിച്ച് ഒരു ടീച്ചറാക്കണം.
വെളളക്കല്ലു വെച്ച കമ്മലും കല്ലുവെച്ച നെക്ക്ലേസും ഇതുപോലെ കല്ലുമോതിരവും ഒക്കെയിട്ട് അവൾ സ്കൂളിൽ പഠിപ്പിക്കുന്നത് എനിക്ക് എന്തിഷ്ടാ. എനിക്ക് സാധിക്കാതെ പോയ ആ സ്വപ്നം മകളിലൂടെ സഫലമാകണം.

തൊണ്ണൂറ് വയസ്സുള്ള സാറായ്ക്ക് കർത്താവ് കുഞ്ഞിനെ കൊടുത്തതല്ലേ.

അതിന് ഞാനൊന്നും പറഞ്ഞില്ലല്ലോ .

അല്ലേലും നിന്റെ തിളങ്ങുന്ന കണ്ണുകളും ചിരിയും കണ്ടാൽ നാൽപ്പത്തിയാറ് പറയില്ല .

തമാശിക്കുവാണോ .

അല്ല സീരിയസ് .

ഏട്ടൻ ഡോക്ടറെ ഒന്ന് വിളിക്ക് ചുമ്മാ …..

തിങ്കളാഴ്ച നമ്മളോട് നേരിട്ട് ചെല്ലാൻ പറഞ്ഞു.

ശരി അടുത്ത മാസം പന്ത്രണ്ടിന് ഓപ്പറേഷന് തെയ്യാറായി വന്നോളു .

ആനിക്കുട്ടി …
നിനക്ക് വേദനിച്ചിരുന്നോ .
ഇല്ല എന്റെ മുന്നിലൂടെ ഒരു കിലുക്കാംപെട്ടി ഓടിക്കളിക്കുകയായിരുന്നു.
അനിയേട്ടന്റെ നിറമുള്ള, ബുദ്ധിയുള്ള ആ അമ്പിളിക്കുട്ടി.

നോക്ക് എത്ര പെട്ടെന്നാ കാലം കഴിഞ്ഞു പോയത് .
നമ്മുടെ അമ്പിളിമോൾ എന്തു സുന്ദരിയാണല്ലേ.

അതേ ആനിക്കുട്ടി നിന്റെ കണ്ണും ആ ചിരിയും .

അനിയേട്ടന്റെ ബുദ്ധിയാ . കാഞ്ഞബുദ്ധി.

രണ്ട് കോളേജിൽ അഡ്മിഷൻ റെഡിയാ. നമുക്ക് ആർട്സ് കോളേജിൽ വിടാം അവിടെ ബി .എഡ്. എടുത്ത് അവിടെ തന്നെ പഠിപ്പിക്കാനും വിടാം .

മോളെ …
ഇത് അമ്മയുടെ ആഗ്രഹമായിരുന്നു. നീ ടീച്ചറായി ഒരുങ്ങി കോളേജിൽ പഠിപ്പിക്കാൻ പോകുന്നത് കാണാൻ .

രണ്ട് ആങ്ങളമാരും പുന്നാരപ്പെങ്ങളെ കെഞ്ചിച്ചു കൊഞ്ചിച്ചു വഷളാക്കിയോന്നാ എന്റെ പേടി.

ഇല്ലമ്മേ…..

ഞാൻ ആനിക്കുട്ടീടെ പുന്നാരമോളല്ലേ .

അനിയേട്ടാ …

തോമസ് മാഷിന്റെ മോൻ ഇന്നലെ പള്ളിയിൽ പോയപ്പം നമ്മുടെ അമ്പിളി മോളെ ഒരു നോട്ടം.

ആനീ …..
ഞാൻ അത് പറയാനിരിക്കുകയായിരുന്നു. നല്ല സ്വാഭാവമുള്ള പയ്യനാ . മാഷിനെപ്പോലെ ശാന്തസ്വഭാവം.

നമുക്ക് ആലോചിച്ചാലോ .

മോളോട് ചോദിക്കാം.

അമ്മേ എനിക്ക് അരുൺ മാഷിനെ ഇഷ്ടാ.

എന്നാ ഞായറാഴ്ച പള്ളിയിൽ പ്രാർത്ഥന കഴിഞ്ഞ് ഞങ്ങൾ അവിടെ പോയി വരാം.

ജനുവരി ഒന്നിന് നിശ്ചയം .
പത്തിന് കല്യാണം .
ഞങ്ങൾ റെഡി .ചെക്കൻ മാർക്ക് ലീവും കിട്ടും.

തോമസ് മാഷേ ഞങ്ങൾ ഇറങ്ങുന്നു.
എല്ലാം പറഞ്ഞതുപോലെ.

ആനിക്ക് ഉറക്കം വന്നില്ല .അപ്പോഴും അമ്പിളിമോൾ പഠിപ്പിക്കുന്നത് നോക്കി ആസ്വദിക്കുകയായിരുന്നു.

മരുമകന്റെ കൈപിടിച്ച് മകളെ ഏൽപ്പിക്കുമ്പോൾ ആനിയുടെ കണ്ണുകൾ നിറഞ്ഞൊഴുകി.
എന്റെ ടീച്ചറുകുട്ടീ. ….
അമ്പിളിയും .അരുണും മാതാപിതാക്കളുടെ അനുഗ്രഹത്തിനായ് ശിരസ്സ് നമിച്ചു.

മിനി സജി.

Facebook Comments

COMMENTS

- Advertisment -

Most Popular

മുന്നോട്ട്…(കവിത)

തനിച്ചാകുമ്പോൾ രാവ് സ്വന്തമാകുമ്പോൾ നിദ്ര തഴുകാതിരിക്കുമ്പോൾ മനസ്സേ, നീയൊരിക്കലും വിതുമ്പരുത്, കണ്ണുനിറയരുത് കൊളുത്തണമൊരു തിരി നഷ്ടമായൊരിഷ്ടമേതായാലും ഉള്ളുതിരഞ്ഞെടുക്കണം ഒരുസ്വപ്നം അതിൽ ചാലിച്ച് ഒന്നുപുഞ്ചിരിച്ച് സുഖമായുറങ്ങണം പിന്നെനാമുണരുന്ന പുലരിയിൽ രണ്ടുകണ്ണിലുമോരോ നക്ഷത്രമുണ്ടാകും മുഖമുയർത്തി നോക്കുന്ന ആകാശത്തിൽ നിറയെ പൂത്തുനിൽക്കുന്ന നക്ഷത്രക്കൂട്ടങ്ങളുണ്ടാകും മുന്നോട്ടുവയ്ക്കുന്ന ഓരോ ചുവടുകളിലും ലക്ഷ്യമുണ്ടാകും അതെ!! നാമുറങ്ങാതെ കാണുന്നസ്വപ്നങ്ങളാണ് നമ്മെ ലക്ഷ്യത്തിലെത്തിക്കുന്നത് മനസ്സേ പതറാതെ മുന്നോട്ട് മുന്നോട്ട് മുന്നോട്ട്... അജിത ടിപി കൃഷ്ണ.

ചിന്നുകുട്ടി (കഥ) ✍ ഡോളി തോമസ്, കണ്ണൂർ

ഗിരി മാമൻ കാനഡയിൽ നിന്ന് വന്നപ്പോൾ കൊണ്ടുവന്ന മഞ്ഞനിറത്തിലുള്ള ആ സുന്ദരൻ കാറും കയ്യിൽ പിടിച്ചു വഴിയിലേക്ക് നോക്കിയിരിക്കുകയാണ് കിച്ചുമോൻ. അമ്മയും അച്ഛനും കൂടി ചിന്നുമോളേയും കൊണ്ട് ആസ്പത്രിയിൽ പോയിരിക്കുകയാണ്. 'പാവം ചിന്നുക്കുട്ടി. വീഴുമെന്നോർത്തു...

വരച്ചു ചേർക്കുന്നത് (കവിത)

പറയാത്ത വാക്കാണ് പ്രണയമെന്നന്നു - ഞാനാദ്യമായറിഞ്ഞതാനേരം വിറയാർന്ന നോട്ടത്തിൻ വേരിനാൽ നീയെന്നെ വരിഞ്ഞു ചേർത്തുള്ളൊരാനേരം വിരിയുന്ന പുഷപം പോലൊരു നറു - പുഞ്ചിരി ചുണ്ടിൽ വിരിയുന്ന നേരം പറയാത്ത വാക്കാണ് പ്രണയമെന്നാമിഴി പറയാതെ പറഞ്ഞതാ നേരം പരിഭവമില്ലാതെ നീ പലവുരുയെന്നോട് മിണ്ടിപ്പറഞ്ഞു നിൽക്കുന്നു ചിന്തകൾ അശ്വവേഗങ്ങളായ് വന്നെൻ്റെ ഹൃദയത്തെ തൊട്ടുണർത്തുന്നു അകലെയാണെങ്കിലും സഖിയെന്നകതാരിൽ തൊട്ടു തൊട്ടാണിരിപ്പെന്നും മൗനവും വാചാലമെന്നറിയുന്നു ഞാൻ ഓമനേ,...

കാർത്തിക വിളക്ക്… (കഥ) ..✍ ലാലി രംഗനാഥ്

ശാന്തി ഭവനിലെ തന്റെ സ്വന്തം മുറിയിലിരുന്ന് പുറത്തേക്ക് നോക്കിയപ്പോൾ അന്തരീക്ഷമാകെ മൂടി കെട്ടിയിരുന്നതു പോലെ ഗായത്രിക്ക് തോന്നി. പെയ്യാൻ കൊതിച്ചു കാർമേഘ കൂട്ടങ്ങൾ ഇരുണ്ടു കൂടിയിരിക്കുന്നു. വൈകുന്നേരം 5 മണിയെ ആയുള്ളൂ എങ്കിലും...
Facebook Comments
WP2Social Auto Publish Powered By : XYZScripts.com
error: