17.1 C
New York
Wednesday, July 28, 2021
Home Literature അംഗനയെത്തീ കുലീനയായി (കവിത)

അംഗനയെത്തീ കുലീനയായി (കവിത)

കൃഷ്ണമോഹൻ✍

വിസ്തൃതമായ ജലാശയ മദ്ധ്യത്തിൽ
വിസ്മയമായി വിരിഞ്ഞു നില്ക്കും
വിദ്യയാം താമര തന്മേലിരിക്കുന്നു വിശ്വംഭരയായ, വാഗീശ്വരി

വിശ്വത്തെ നാദസ്വരൂപമായ് മാറ്റുന്നു
വിദ്യാവിമോഹിനി, വാദനത്താൽ
വിണ്ണവർ ദാഹവും, മണ്ണിൻ്റെ മോഹവും
വിന്യസിപ്പിക്കുന്നു വീണ തന്നിൽ

അങ്ങനെയുള്ളൊരു മാതാവു തന്നുടെ
അംശമായ് ഭൂവിൽ പിറന്നിടുന്ന
അംഗനമാരുടെ ആനനം തന്നിലായ്
അങ്കുരിക്കുന്നൂ, പ്രകാശപൂരം

ദീർഘമാം ചിന്തതൻ പോർക്കളം തന്നിൽ നി-
ന്നാർത്തയായ് കേഴും അബലയല്ല
ഓർത്താലൊടുങ്ങാത്ത ഊർജ്ജസ്വലതയുടെ
നേർച്ചിത്രമാണീ തരുണീമണി

ഉത്തമർ തന്നുടെ ചിത്തത്തിൽ വിങ്ങുന്ന
തത്വങ്ങളെല്ലാം വരച്ചു ചേർത്ത
സത് സൃഷ്ടിയായിട്ടു കാണുന്നു മാധവാ
സത്യം, ഞാനെന്നുമീ പെൺകുലത്തെ

പത്തു കരങ്ങളുമൊത്തു പ്രവർത്തിക്കും
ചിത്രമാം യന്ത്രമായ് മുന്നിൽ നില്ക്കും
സത് ചേതനയുടെ രൂപമല്ലേയവൾ
സങ്കോചമെന്യേ, നിനച്ചു പോകും

പത്മ, പത്മാലയാ,കമല,യെന്നിങ്ങനെ
പത്തു വിധത്തിൽ പറഞ്ഞു പോകാം
ഇന്ദിരയും ലോകമാതാവുമായവൾ
എന്നും മനസ്സിങ്കൽ ശ്രീവിളമ്പും

ഭാർഗ്ഗവിയാണവൾ, ലോക ജനനിയും
ക്ഷീരസമുദ്രത്തിൻ കന്യകയും
മാതാവുമാണവൾ, മംഗല ദേവതാ
ചാരുതയാണീ പ്രപഞ്ചശക്തി

സ്ത്രീണാം ച: ചിത്തം പുരുഷസ്യ ഭാഗ്യ-
മെന്നാരോമൊഴിഞ്ഞതു സത്യമാകാൻ
സ്ത്രീത്വത്തെയാളുന്നയാളുകളും, മെല്ലെ
മോഹതടത്തിങ്കൽ വീണിടൊല്ലാ…..

കൃഷ്ണമോഹൻ✍

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ട്രൈസ്‌സ്റ്റേറ്റ് കേരളാഫോറം: കര്‍ഷകരത്‌നം അവാര്‍ഡ് 2021

ഫിലാഡല്‍ഫിയ: വിളവെടുപ്പിന്റെ ഉത്‌സവം കൂടിയായ ഓണാഘോഷത്തോടനുബന്ധിച്ച് കേരളാഫോറം ട്രൈസ്‌സ്റ്റേറ്റ് ഏരിയായിലെ മികച്ച കര്‍ഷകനെ കണ്‍ടെത്താനുള്ള മത്‌സരം സംഘടിപ്പിക്കുന്നു. ഫിലാഡല്‍ഫിയായിലും പരിസര പ്രദേശത്തുമുള്ള മലയാളി കുടുംബങ്ങളെ ജൈവ കൃഷിയിലേയ്ക്ക് ആകര്‍ഷിപ്പിക്കുവാനും കേരളത്തിന്റെ തനതായ പച്ചക്കറികളും പഴവര്‍ഗ്ഗങ്ങളും...

വ്യാപാര സ്ഥാപനങ്ങൾ കൂടുതൽ സമയം തുറക്കാൻ അനുവദിക്കണം. വ്യാപാരികൾ ധർണ്ണ നടത്തി.

ഭാരതീയ വ്യാപാരി വ്യവസായി സംഘ് നേതൃത്വത്തിൽ സംസ്ഥാന വ്യാപകമായി താലൂക്ക് അടിസ്ഥാനത്തിൽ പ്രതിഷേധ ധർണ്ണ സംഘടിപ്പിച്ചു . വ്യാപാര സ്ഥാപനങ്ങൾ കൂടുതൽ സമയം തുറക്കാൻ അനുവദിക്കുക, വ്യാപാരികളുടെ കുടുംബാംഗങ്ങൾക്കും വാക്സിനേഷൻ സൗകര്യം ഏർപ്പെടുത്തുക, വ്യാപാരമേഖലയിൽ...

പ്രകൃതി സംരക്ഷണ ദിനത്തിൽ കോട്ടയം സിഎംഎസ് ഹയർ സെക്കണ്ടറി സ്ക്കൂളിന്റെ നേതൃത്വത്തിൽ വഴിയോരങ്ങളിൽ പൂച്ചെടികൾ നട്ടു.

കോട്ടയം പ്രകൃതി സംരക്ഷണ ദിനത്തിൽ കോട്ടയം CMS ഹയർ സെക്കണ്ടറി സ്ക്കൂളിലെ മാതൃഭൂമി സീഡ് ക്ളബ് ന്റെ നേതൃത്വത്തിൽ വഴിയോരങ്ങളിൽ പൂച്ചെടികൾ നട്ടു. സ്കൂൾ നടപ്പാക്കുന്ന ഹരിതം സുന്ദരം എന്റെ നാട് ,...

മന്ത്രി വി. ശിവൻ കുട്ടി രാജി വെയ്ക്കണമെന്നാവശ്യപ്പെട്ട് എബിവിപി മന്ത്രിയുടെ കോലം കത്തിച്ചു.

നിയമസഭയിലെ കൈയ്യാങ്കളി കേസിൽ കോടതി വിചാരണ നേരിടണമെന്നാവശ്യപ്പെട്ട മന്ത്രി വി. ശിവൻ കുട്ടി രാജി വെയ്ക്കണമെന്നാവശ്യപ്പെട്ട് എബിവിപി മന്ത്രിയുടെ കോലം കത്തിച്ചു.കോട്ടയം കെ എസ് ആർ ടി സി സ്റ്റാന്റിന് മുന്പിലായിരുന്നു...
WP2Social Auto Publish Powered By : XYZScripts.com