കോട്ടയ്ക്കൽ:- രണ്ടാഴ്ച മുൻപ് പറമ്പിലങ്ങാടിയിൽ വച്ച് ജോലിക്കിടെ അപകടത്തിൽ മരിച്ച കണ്ടക്ടർ കൊങ്കൻ മൻസൂറിന്റെ നിരാലംബമായ കുടുംബത്തെ സഹായിക്കാനായി പ്രത്യേക സർവീസ് നടത്തി
എഴുപതോളം സ്വകാര്യബസുകൾ. കോട്ടയ്ക്കൽ സ്റ്റാൻഡിൽ നിന്നു മഞ്ചേരി, തിരൂർ, വളാഞ്ചേരി, പെരിന്തൽമണ്ണ, കാടാമ്പുഴ, വേങ്ങര തുടങ്ങിയ ഇരുപതിൽപരം റൂട്ടുകളിൽ സർവീസ് നടത്തുന്ന ബസുകളാണ് ഒരു ദിവസത്തെ വരുമാനം യുവാവിന്റെ കുടുംബത്തിനു നൽകിയത്.
ബസുടമകളും തൊഴിലാളി പ്രതിനിധികളും ചേർന്നെടുത്ത തീരുമാനത്തിന്റെ ഭാഗമായാണ് സർവീസ് നടത്തിയത്. ഗ്യാലക്സി മുഹമ്മദ്കുട്ടി, പൂശലാൻ മൊയ്തീൻ കുട്ടി, പിടിബി ഗഫൂർ തുടങ്ങിയവർ നേതൃത്വം നൽകി.
— – – – – – –
