തിരുവനന്തപുരം: സംസ്ഥാനത്തെ ഹയർ സെക്കൻഡറി സ്കൂളുകളിലെ പ്ലസ് വൺ പ്രവേശനത്തിനുള്ള മുഖ്യഘട്ടത്തിൽ ട്രയൽ അലോട്ട്മെൻ്റ് പ്രസിദ്ധീകരിച്ചു. പൊതുവിദ്യാഭ്യാസ വകുപ്പിൻ്റെ ഏകജാലക പ്രവേശന പോർട്ടലായ ‘HSCAP’ വഴി തിങ്കളാഴ്ച രാവിലെ 10 മണി മുതൽ ഫലം ലഭ്യമാണ്.
മെറിറ്റ് ക്വാട്ടയ്ക്ക് പുറമെ മോഡൽ റസിഡൻഷ്യൽ സ്കൂളുകളിലേക്കുള്ള ട്രയൽ അലോട്ട്മെൻ്റും ഇതിനൊപ്പം പ്രസിദ്ധീകരിച്ചിട്ടുണ്ട്. വിദ്യാർത്ഥികൾക്ക് തങ്ങളുടെ അപേക്ഷയുടെ നിലവിലെ അവസ്ഥ പരിശോധിക്കാനും തെറ്റുകൾ തിരുത്താനുമുള്ള അവസാന അവസരമാണിത്.
ലഭിച്ച വിവരങ്ങളിൽ ഏതെങ്കിലും തരത്തിലുള്ള തിരുത്തലുകളോ മാറ്റങ്ങളോ ഉണ്ടെങ്കിൽ 10-ന് വൈകുന്നേരം 5 മണി വരെ സമയം അനുവദിച്ചിട്ടുണ്ട്. ട്രയൽ അലോട്ട്മെൻ്റ് പരിശോധിക്കുമ്പോൾ അപേക്ഷകർ തങ്ങളുടെ ഫലം കൃത്യമായി വിലയിരുത്തേണ്ടതാണ്.
അപേക്ഷയിൽ തെറ്റായ വിവരങ്ങൾ ഉൾപ്പെട്ടിട്ടുണ്ടെങ്കിൽ അത് ഉടനടി തിരുത്തണം. തെറ്റായ വിവരങ്ങൾ നൽകി ശ്രദ്ധയിൽപ്പെട്ടാൽ പ്രസ്തുത അലോട്ട്മെൻ്റ് റദ്ദാക്കുമെന്ന് നിർദ്ദേശം നൽകിയിട്ടുണ്ട്.
സ്വയം വിവരങ്ങൾ പരിശോധിക്കാൻ ബുദ്ധിമുട്ടുള്ള വിദ്യാർത്ഥികൾക്ക് അടുത്തുള്ള സർക്കാർ/എയ്ഡഡ് ഹയർ സെക്കൻഡറി സ്കൂളുകളിലെ ഹെൽപ്പ് ഡെസ്ക്കുകളുടെ സാങ്കേതിക സഹായം തേടാം. വിദ്യാർത്ഥികൾ hscap.kerala.gov.in എന്ന വെബ്സൈറ്റ് സന്ദർശിക്കുക.
വെബ്സൈറ്റിലെ ‘കാൻഡിഡേറ്റ് ലോഗിൻ’ ലിങ്ക് വഴി യൂസർ നെയിമും പാസ്വേഡും നൽകി ലോഗിൻ ചെയ്യുക. ലോഗിൻ ചെയ്ത ശേഷം ‘ട്രയൽ ഫലങ്ങൾ’ എന്ന ലിങ്കിൽ ക്ലിക്ക് ചെയ്ത് അലോട്ട്മെൻ്റ് നില പരിശോധിക്കാം.
മോഡൽ റസിഡൻഷ്യൽ സ്കൂളുകളിലേക്ക് അപേക്ഷിച്ചവർ ‘കാൻഡിഡേറ്റ് ലോഗിൻ-എംആർഎസ്’ വഴി വേണം ഫലം പരിശോധിക്കാൻ. അപേക്ഷയിൽ മാറ്റങ്ങൾ വരുത്താൻ ആഗ്രഹിക്കുന്നവർക്ക് ലോഗിൻ ചെയ്ത ശേഷം ‘അപ്ലിക്കേഷൻ എഡിറ്റ് ചെയ്യുക’ എന്ന ലിങ്ക് വഴി 10-നകം തിരുത്തലുകൾ വരുത്തുകയോ ഐച്ഛികങ്ങളുടെ പട്ടിക ക്രമം മാറ്റുകയോ ചെയ്യാം.
ഈ തിരുത്തലുകൾക്ക് ശേഷമുള്ള ആദ്യ അലോട്ട്മെൻ്റ് പ്രസിദ്ധീകരിച്ചു 15-ന്. മുഖ്യഘട്ട അലോട്ട്മെൻ്റുകൾ ജൂലൈ 1-ഓടെ പൂർത്തിയായി ജൂലൈ രണ്ടാം വാരത്തോടെ പൊതുവിദ്യാഭ്യാസ പ്ലസ് വൺ ഏകജാലകം: ട്രയൽ അലോട്ട്മെൻ്റ് പ്രസിദ്ധീകരിച്ചുവകുപ്പ് ആരംഭിച്ചു.
