വടകര: ഫയർ ആൻഡ് റെസ്ക്യൂ ഡിപ്പാർട്ട്മെന്റിലെ അസിസ്റ്റൻ്റ് സ്റ്റേഷൻ ഓഫീസറായ ഗംഗാധരന് ഈ വർഷത്തെ മികച്ച ഉദ്യോഗസ്ഥനുള്ള സർക്കാർ അംഗീകാരമായ ‘ഡിപ്പാർട്ട്മെന്റ് ബാഡ്ജ് ഓഫ് ഓണർ’ ലഭിച്ചു.
2000-ൽ ഫയർമാൻ ഡ്രൈവറായി ഔദ്യോഗിക ജീവിതം ആരംഭിച്ച ഇദ്ദേഹം, നിലവിൽ വടകര ഫയർ ആൻഡ് റെസ്ക്യൂ ഡിപ്പാർട്ട്മെന്റിലാണ് സേവനമനുഷ്ഠിക്കുന്നത്.
കോഴിക്കോട് ജില്ലയിലെ സ്കൂബ ഡൈവിങ് ടീം അംഗം കൂടിയാണ് ഗംഗാധരൻ. ഒതയോത്ത് ബാലൻ നമ്പ്യാരുടെയും ഓമനാമ്മയുടെയും മൂത്ത മകനായ ഇദ്ദേഹം ഭാര്യ ഷീബ, മക്കളായ ശിവാനി, ശബരി എന്നിവർക്കൊപ്പം കുറുമ്പയിൽ താമസിക്കുന്നു.
