🌹 ചിന്താ പ്രഭാതം 🌹 – 2024 | ഒക്ടോബർ 23 | ബുധൻ ✍ ബേബി മാത്യു അടിമാലി

സത്യത്തിന്റെ പൂർണ്ണതയിലാണ് ജീവിതം നീതിപൂർവ്വകവും സൗന്ദര്യത്മകവുമാകുന്നത്.

പാതി സത്യവും പൂർണ സത്യവും കൂടി വഴക്കടിക്കുമ്പോൾ യഥാർത്ഥ സത്യം എവിടെയോ അപ്രത്യക്ഷമാകും.

ശരിയും തെറ്റും സത്യവും അസത്യവുമെല്ലാം വ്യാഖ്യാനങ്ങളെ ആശ്രയിച്ചാണ് നിലകൊള്ളുന്നതെങ്കിൽ, സത്യത്തിന് സ്വന്തം മുഖം നഷ്ടപ്പെടും.

വ്യാഖ്യാനിക്കുന്നവരുടെയും പരിഭാഷപ്പെടുത്തുന്നവരുടെയും മനോഭാവത്തിനും മികവിനും അനുസരിച്ചാണ് പല സത്യങ്ങൾക്കും പുതിയ മാനദണ്ഡങ്ങളും ഭാവങ്ങളും കൈവരുന്നത്.

പറഞ്ഞതിൽ മാത്രമല്ല, പറയാത്തതിലും കൂടി സത്യത്തിന്റെ കണികകളുണ്ട്. പറഞ്ഞ പാതിയെക്കാൾ പ്രസക്തം, പറയാത്ത പാതിയാകും. നുണ പറയാത്തവരെല്ലാം സത്യം പറയുന്നവരല്ല. മുഴുവൻ സത്യങ്ങളും പറയാതിരിക്കുന്നതും അസത്യമാണ്.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി