ഓണത്തിന് ലഭിക്കേണ്ട ബോണസ് ആനുകൂല്യങ്ങള് വിതരണം ചെയ്യാത്തതില് പ്രതിക്ഷേധിച്ച് ഹാരിസന് മലയാളം ലിമിറ്റഡ് കമ്പനിയുടെ കോന്നി അരുവാപ്പുലം കല്ലേലിയില് ഉള്ള തോട്ടത്തിലെ തൊഴിലാളികള് സംയുക്ത സമരസമിതിയുടെ നേതൃത്വത്തില് കമ്പനി ഓഫീസ് പടിക്കല് ധര്ണ്ണ നടത്തി .
എല്ലാ യൂണിയന് തൊഴിലാളികളും ധര്ണ്ണയില് പങ്കെടുത്തു . 242 തൊഴിലാളികള് ആണ് കല്ലേലി തോട്ടത്തില് മാത്രം ജോലി നോക്കുന്നത് . ഇതുവരെയും ഓണം ബോണസ് സംബന്ധിച്ച് കമ്പനിയില് നിന്നും നടപടി ആയിട്ടില്ല .ഇതില് പ്രതിക്ഷേധിച്ചാണ് ധര്ണ്ണ നടത്തിയത് .
വാര്ഡ് മെമ്പര് സിന്ധു യോഗത്തില് അധ്യക്ഷത വഹിച്ചു . ഫെഡറെഷന് സംസ്ഥാന കമ്മറ്റി അംഗം എന് എം മോഹന് കുമാര് ഉദ്ഘാടനം ചെയ്തു . സി ഐ റ്റി യു കല്ലേലി തോട്ടം കണ്വീനര് അനില് കുമാര് സ്വാഗതം പറഞ്ഞു . വിവിധ യൂണിയനുകളില് നിന്നുള്ള ശിവദാസ് ,ജയ കുമാര് ,പളനി സ്വാമി , അജിത്ത് ,ലത , റോയ് , മുരുകേശന് ,മണികണ്ഠൻ എന്നിവര് സംസാരിച്ചു
