മലപ്പുറം: മലപ്പുറം തിരൂർ സ്വദേശിയായ വ്യാപാരിയെ കൊലപ്പെടുത്തി മൃതദേഹം ട്രോളി ബാഗിലാക്കി ഉപേക്ഷിച്ചു. തിരൂർ സ്വദേശി സിദ്ദിഖ് ആണ് കോഴിക്കോട് വെച്ച് കൊല്ലപ്പെട്ടത്. അട്ടപ്പാടി ചോരത്തിൽ നിന്നാണ് ട്രോളി ബാഗ് കണ്ടെത്തിയത് . സംഭവത്തിൽ രണ്ടുപേർ പിടിയിൽ .കോഴിക്കോട് ചിക്ക്ബാക്ക് എന്ന ഹോട്ടൽ നടത്തിവരികയാണ് സിദ്ദിഖ് .
ഹോട്ടൽ ജീവനക്കാരായ ഷിബിലി , ഷിബിലിയുടെ സുഹൃത്ത് ഫർഹാന എന്നിവർ ചേർന്നാണ് സിദ്ദിഖിനെ കൊലപ്പെടുത്തിയത് എന്നാണ് പൊലീസ് വ്യക്തമാക്കിയിരിക്കുന്നത് . തുടർന്ന് അട്ടപ്പാടിയിൽ വെച്ച് മൃതദേഹം ഉപേക്ഷിക്കുകയായിരുന്നു എന്നാണ് പൊലീസ് കണ്ടെത്തിയത് .
ഷിബിലിയെയും ഫർഹാനയെയും ചെന്നൈയിൽ നിന്ന് പൊലീസ് കസ്റ്റഡിയിൽ എടുത്തു .കഴിഞ്ഞ ദിവസം സിദ്ദിഖിനെ ഫോണിൽ ബന്ധപ്പെടാൻ കഴിയാത്തതിനെ തുടർന്ന് മക്കൾ പൊലീസിനെ സമീപിക്കുകയായിരുന്നു
തുടർന്ന് പൊലീസ് നടത്തിയ അന്വേഷണത്തിലാണ് സിദ്ദിഖ് കൊല്ലപ്പെട്ടതായി കണ്ടെത്തിയത് . പക്ഷെ സിദ്ദിഖിന്റെ മൃതദേഹം കണ്ടെത്തിയിട്ടില്ല . ഇതുമായി ബന്ധപ്പെട്ട പരിശോധന അട്ടപ്പാടിയിൽ ഇന്ന് നടക്കും എന്നാണ് പൊലീസ് വ്യക്തമാക്കുന്നത് .
