75 ഓളം വ്യാപാരസ്ഥാപനങ്ങളിൽ കവർച്ച നടത്തിയ 3 യുവാക്കൾ അറസ്റ്റിൽ

.തൃശ്ശൂർ, പാലക്കാട്, മലപ്പുറം ജില്ലകളിലെ 75ഓളം വ്യാപാരസ്ഥാപനങ്ങളിൽ കവർച്ച നടത്തിയ മൂന്ന് പേരെ തൃശ്ശൂർ സിറ്റി പോലീസ് കമ്മീഷണർ ആർ ആദിത്യന്റെ നിർദേശപ്രകാരം അസിസ്റ്റന്റ് പോലീസ് കമ്മീഷണർ മാരായ ബിജോ അലക്സാണ്ടർ, അനീഷ് വി കോര എന്നിവരുടെ നേതൃത്വത്തിലുള്ള അന്വേഷണ സംഘം തമിഴ്നാട്ടിലെ ആനമലയിൽ നിന്നും ഇന്ന് പുലർച്ചെ അറസ്റ്റ് ചെയ്തു. ഇവരിൽ നിന്നും മോഷണം മുതലുകൾ ആയ വിലകൂടിയ 55 ഓളം മൊബൈൽഫോണുകളും, ടാബ് കളും കണ്ടെടുത്തു. പാലക്കാട് മലപ്പുറം എന്നീ ജില്ലകളിൽ നിന്നും മോഷണം നടത്തിയ മൂന്നു ബൈക്കുകളിൽ പകൽസമയങ്ങളിൽ വ്യാപാരസ്ഥാപനങ്ങളിൽ എത്തി നിരീക്ഷിച്ചശേഷം സ്ഥാപനങ്ങളുടെ ഷട്ടറിന് നടുവിൽ ലോക്ക് ഇല്ലാത്ത കടകൾ ഏതെന്നു മനസ്സിലാക്കി ഷട്ടറിന് നടുവില് പിടിയിൽ തുണി കെട്ടി വലിച്ച്ഗ്യാപ് ഉണ്ടാക്കി അകത്തു കയറി മോഷണം നടത്തുകയാണ് ഇവരുടെ രീതി. ഓരോ ഏരിയ കളും കണ്ടുവെച്ച പരമാവധി സ്ഥാപനങ്ങളിൽ മോഷണം നടത്തിയ ശേഷം അന്ന് പുലർച്ചെ തന്നെ തമിഴ്നാട്ടിലോട്ട് മടങ്ങുകയാണ് ഇവരുടെ രീതി. ഇവരിൽ നിന്നും തിരുവില്ലാമല യിൽ നിന്നും മോഷണം നടത്തിയ മൊബൈൽ ഫോണുകളും ടാബുകളും കണ്ടെടുത്തു