വോട്ടിംഗ് യന്ത്രങ്ങളുടെ രണ്ടാംഘട്ട റാന്‍ഡമൈസേഷന്‍ പൂര്‍ത്തിയായി
കോട്ടയം ജില്ലയിലെ ഓരോ പോളിംഗ് ബൂത്തിലേക്കുമുള്ള വോട്ടിംഗ് യന്ത്രങ്ങള്‍ ഏതെന്ന് തീരുമാനിക്കുന്ന രണ്ടാം ഘട്ട റാന്‍ഡമൈസേഷന്‍ പൂര്‍ത്തിയായി. കേന്ദ്ര നിരീക്ഷകരുടെയും ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജനയുടെയും രാഷ്ട്രീയ പാര്‍ട്ടി പ്രതിനിധികളുടെയും സാന്നിധ്യത്തില്‍ അതത് മണ്ഡലങ്ങളുടെ വരണാധികാരികളാണ് റാന്‍ഡമൈസേഷന്‍ നിര്‍വഹിച്ചത്.
2887 വീതം ബാലറ്റ് യൂണിറ്റുകളും കണ്‍ട്രോള്‍ യൂണിറ്റുകളും 3128 വിവിപാറ്റ് യന്ത്രങ്ങളുമാണ് കേന്ദ്ര തിരഞ്ഞെടുപ്പ് കമ്മീഷന്റെ വെബ് ആപ്ലിക്കേഷനായ ഇവിഎം മാനേജ്മെന്റ് സിസ്റ്റം മുഖേന വിവിധ മണ്ഡലങ്ങളിലെ ബൂത്തുകളിലേക്കായി നിര്‍ണയിച്ചത്.
ബാലറ്റ് യൂണിറ്റുകളും കണ്‍ട്രോള്‍ യൂണിറ്റുകളും ഓരോ മണ്ഡലത്തിലേക്കും ആവശ്യമായതിന്റെ ഇരുപതു ശതമാനവും വിവി പാറ്റ് മെഷീന്‍ 30 ശതമാനവും അധികമായി ഉള്‍പ്പെടുത്തിയിട്ടുണ്ട്.
തിരഞ്ഞെടുപ്പിന്റെ പൊതു നിരീക്ഷകരായ പണ്ഡാരി യാദവ്, ആലിസ് വാസ്, പ്രദീപ് കുമാര്‍ ചക്രവര്‍ത്തി, സന്ദീപ് കുമാര്‍, പോലീസ് നിരീക്ഷകന്‍ ഹിമാന്‍ഷുകുമാര്‍ ലാല്‍, തിരഞ്ഞെടുപ്പ് ഡെപ്യൂട്ടി കളക്ടര്‍ എസ്.എല്‍. സജികുമാര്‍ തുടങ്ങിയവര്‍ സന്നിഹിതരായിരുന്നു.
ഓരോ മണ്ഡലങ്ങളിലെയും ആകെ പോളിംഗ് ബൂത്തുകളുടെയും റിസര്‍വ് ഉള്‍പ്പെടെ തിരഞ്ഞെടുത്ത യന്ത്രങ്ങളുടെയും എണ്ണം ചുവടെ. മണ്ഡലം, ആകെ ബൂത്തുകള്‍, ബാലറ്റ് യൂണിറ്റ്, കണ്‍ട്രോള്‍ യൂണിറ്റ്, വിവിപാറ്റ് യന്ത്രം എന്ന ക്രമത്തില്‍
പാലാ – 284, 341, 341, 369
കടുത്തുരുത്തി -291, 349, 349, 378
വൈക്കം – 249, 299, 299, 324
ഏറ്റുമാനൂര്‍ -256, 307, 307, 333
കോട്ടയം -241, 289, 289, 313
പുതുപ്പള്ളി -256, 307, 307, 333
ചങ്ങനാശേരി -258, 310, 310, 335
കാഞ്ഞിരപ്പള്ളി -279, 335, 335, 363
പൂഞ്ഞാര്‍ -292, 350, 350, 380
