ലോകത്തിലെ മികച്ച സർവകലാശാലകളുടെ മുൻനിരയിൽ നമ്മുടെ സംസ്ഥാനത്തെ സർവകലാശാലകൾ സ്ഥാനം പിടിക്കണം എന്ന് മുഖ്യമന്ത്രി പിണറായി വിജയൻ

കോട്ടയം :ലോകത്തിലെ മികച്ച സർവകലാശാലകളുടെ മുൻനിരയിൽ നമ്മുടെ സംസ്ഥാനത്തെ സർവകലാശാലകൾ സ്ഥാനം പിടിക്കണം എന്ന് മുഖ്യമന്ത്രി പിണറായി വിജയൻ.* *ഇതിനായി ഉന്നത വിദ്യാഭ്യാസ സ്ഥാപനങ്ങളെ മികവിൻ്റെ കേന്ദ്രങ്ങളുടെ ഒരു ഹബ്ബാക്കി മാറ്റുകയാണ് ഇനി സർക്കാരിൻ്റെ ലക്ഷ്യം.* കാലാനുസൃതമായ മാറ്റം ഉൾക്കൊണ്ട് വലിയ പുരോഗതി ഈ രംഗത്ത് കൊണ്ടു വരേണ്ടതുണ്ട്. കേരളത്തിലെ കുട്ടികളിൽ നല്ലൊരുഭാഗം സംസ്ഥാനത്തിനു പുറത്തും വിദേശരാജ്യങ്ങളിലും പഠിക്കുന്നവരാണ്. ഇവിടെ ഇല്ലാത്ത ഇത്തരം കോഴ്സുകൾ തുടങ്ങണം. ആവശ്യമായ ഏതു മികച്ച പഠന വിഭാഗങ്ങളും നമ്മുടെ സംസ്ഥാനത്തെ തന്നെ ഉണ്ടാകണമെന്നും അദ്ദേഹം കോട്ടയത്ത് എം.ജി.സർകലാശാലാ ക്യാമ്പസിൽ വിദ്യാർത്ഥികളുമായി സംവദിച്ചുകൊണ്ട് പറഞ്ഞു. വിദ്യാഭ്യാസത്തോടൊപ്പം തൊഴിൽ എന്ന ശൈലിക്കും പ്രാധാന്യം നൽകുമെന്നും മുഖ്യമന്ത്രി പറഞ്ഞു..