രാമക്ഷേത്ര നിര്‍മാണ ഫണ്ട് പിരിവ് ഉദ്ഘാടനം ചെയ്തു : ഡിസിസി വൈസ് പ്രസിഡന്റ് വിവാദത്തില്‍

ആലപ്പുഴ: രാമക്ഷേത്ര നിര്‍മാണ ഫണ്ട് പിരിവില്‍ പങ്കെടുത്ത ആലപ്പുഴ ഡിസിസി വൈസ് പ്രസിഡന്റ് വിവാദത്തില്‍. പളളിപ്പുറം കടവില്‍ മഹാലക്ഷ്മി ക്ഷേത്രത്തിലാണ് കോണ്‍ഗ്രസ് നേതാവ് ടി.ജി.രഘുനാഥ പിള്ള കൂപ്പണ്‍ കൈമാറി പിരിവ് ഉദ്ഘാടനം ചെയ്തത്. ആര്‍.എസ്.എസിന്‍റെ രാമക്ഷേത്ര നിര്‍മാണ ഫണ്ട് പിരിവിന് കോണ്‍ഗ്രസ് നേതാവിന്റെ പിന്തുണയെന്ന ആരോപണവുമായി സിപിഎം പ്രവര്‍ത്തകര്‍ സമൂഹമാധ്യമങ്ങളില്‍ നിറഞ്ഞു. എന്നാല്‍ ക്ഷേത്രത്തിന്റെയും പട്ടാര്യസമാജത്തിന്റെയും പ്രസിഡന്റ് എന്ന നിലയില്‍ ഒരു വിശ്വാസി ചെയ്യേണ്ട കാര്യങ്ങളെ ചെയ്തിട്ടുള്ളുവെന്നും തന്നെ ആര്‍.എസ്.എസ് ആക്കാന്‍ കോണ്‍ഗ്രസിലെ ഒരു വിഭാഗം ഉള്‍പ്പടെ ശ്രമിക്കുകയാണെന്നും രഘുനാഥപിള്ള പറഞ്ഞു