യു.എ.ഇ മുന്‍ കോണ്‍സല്‍ ജനറല്‍ ജമാല്‍ അല്‍സാബിയുടെ ബാഗേജുകള്‍ തിരുവനന്തപുരം വിമാനത്താവളത്തില്‍ കസ്റ്റംസ് പരിശോധിച്ചു.
കേന്ദ്ര അനുമതിയോടെയാണ് പരിശോധന നടത്തിയത്. എയര്‍ കാര്‍ഗോ കോംപ്ലക്സിലായിരുന്നു പരിശോധന. ബാഗേജുകള്‍ തിരികെ കൊണ്ടുപോകുന്നതിന് മുന്നോടിയായാണ് കസ്റ്റംസ് പരിശോധന നടത്തിയത്.
നിലവില്‍ അല്‍സാബി യു.എ.ഇയിലാണുള്ളത്. കോവിഡ് ലോക്ക്ഡൌണിന് മുന്‍പായി തന്നെ അല്‍സാബി കേരളം വിട്ടിരുന്നു. സ്വര്‍ണക്കടത്ത് വിവാദത്തിന് പിന്നാലെ അല്‍സാബിയെ കോണ്‍സുല്‍ ജനറല്‍ സ്ഥാനത്തുനിന്ന് യു.എ.ഇ നീക്കുകയും ചെയ്തു. തുടര്‍ന്ന് കേരളത്തില്‍ നിന്ന് തന്‍റെ സാധന സാമഗ്രികള്‍ തിരിച്ച്‌ യു.എ.ഇയിലെത്തിക്കണമെന്ന് അല്‍സാബി ആവശ്യപ്പെട്ടു.
