17.1 C
New York
Wednesday, November 30, 2022
Home Kerala മുളക്കുളം ഗ്രാമ പഞ്ചായത്ത് അധികാരികളും, കോട്ടയം ജില്ലാ സാമൂഹ്യ നീതി ഓഫീസും കൈയൊഴിഞ്ഞപ്പോൾ സജിക്ക് സൗഹൃദ...

മുളക്കുളം ഗ്രാമ പഞ്ചായത്ത് അധികാരികളും, കോട്ടയം ജില്ലാ സാമൂഹ്യ നീതി ഓഫീസും കൈയൊഴിഞ്ഞപ്പോൾ സജിക്ക് സൗഹൃദ തുണയായി.-

Bootstrap Example

മുളക്കുളം ഗ്രാമ പഞ്ചായത്ത് അധികാരികളും, കോട്ടയം ജില്ലാ സാമൂഹ്യ നീതി ഓഫീസും കൈയൊഴിഞ്ഞപ്പോൾ സജിക്ക് സൗഹൃദ തുണയായി.

കഴിഞ്ഞ 8 ദിവസമായി നടക്കുവാൻ പോലും പറ്റാതെ പെരുവയിലെ ടാക്സി സ്റ്റാൻഡിലെ വെയിറ്റിംഗ് ഷെട്ടിൽ അവശനായി കിടക്കുകയായിരുന്ന നാടോടി വിഭാഗത്തിൽപ്പെട്ട സജി എന്ന 38 വയസ്സുള്ള ചെറുപ്പക്കാരനെയാണ് സൗഹൃദയുടെ നേതൃത്വത്തിൽ ചികിത്സയും, താമസസൗകര്യവും ഒരുക്കിയത്. കൊടുംതണുപ്പത്ത് ഒരു പായ പോലുമില്ലാതെയാണ് സജി ടൈലിന്റെ മുകളിൽ കഴിച്ചു കൂട്ടിയത്.

വർഷങ്ങൾക്കുമുൻപ് പെരുവ കൂട്ടാനിക്കൽ കോളനിയിൽ താമസിച്ചിരുന്ന സജിയുടെ വീട് ഇടിഞ്ഞുപൊളിഞ്ഞു പോയപ്പോൾ താമസം കടതിണ്ണയിലായി.

കുറെ ദിവസമായി കാലിന് വേദന അനുഭവപ്പെടുകയും, ക്രമേണ സ്വാധീനം നഷ്‌ടപ്പടുകയും ചെയ്തു. ഭക്ഷണം കഴിക്കുവാനോ മലമൂത്രവിസർജ്ജനം ചെയ്യുവാൻ പോകുവാൻ പോലും പറ്റാത്ത അവസ്ഥയിലായിരുന്നു. ഡ്രൈവർമാരയ സ്നേഹിതരാണ് സജിക്ക് ഭക്ഷണം നൽകിയത്.

ടാക്സി സ്റ്റാൻഡിലെ വെയിറ്റിംഗ് ഷെട്ടിൽ കഴിഞ്ഞിരുന്ന സജിയുടെ ദയനീയ അവസ്ഥ പലവട്ടം മുളക്കുളം ഗ്രാമ പഞ്ചായത്തധികൃതരെ അറിയിച്ചുവെങ്കിലും ആരും തിരിഞ്ഞു നോക്കിയില്ലെന്ന് മാത്രമല്ല,നിങ്ങൾക്ക് ശല്യമാണെങ്കിൽ ആരുംമറിയാതെ കീഴൂർ, മുഴയംമൂടിലുള്ള വെയിറ്റിംഗ് ഷെട്ടിൽ കൊണ്ടുപോയി ഉപേക്ഷിക്കുവാൻ പ്രധാന പഞ്ചായത്ത് അധികാരി പറഞ്ഞു. ഞാൻ പറഞ്ഞതായി പറയരുതെന്നു പ്രത്യേകം പറയുകയും ചെയ്തു. ഇതു പറയുന്ന സമയത്ത് ഒരു ചെറുപ്പമുള്ള മെമ്പർ കൂടെയുണ്ടായിരുന്നു എന്നതാണ് നമ്മുടെ നാടിന്റെ അപമാനം.

ജില്ലാ സാമൂഹിക നീതി ഓഫിസ് മേധാവി PP ചന്ദ്രബോസിനെ പലവട്ടം വിവരം അറിയിച്ചങ്കിലും കോവിഡ് കാലമായതിനാൽ മറ്റു മാർഗം ഒന്നും ഇല്ലായെന്നാണ് മറുപടി ലഭിച്ചത്. നമ്മുടെ നിയമം ഇതിനൊന്നും അനുവാദിക്കുന്നില്ലായെന്നും അറിയിച്ചു. മാറ്റേണ്ട നിയമങ്ങൾ മാറ്റണം. അതിനു ശ്രമിക്കേണ്ടതും, അധികാരികളുടെ ശ്രദ്ധയിൽ പെടുത്തേണ്ടതും ഉദ്യോഗസ്ഥന്മാരാണ്. അതിനു അവർ തയ്യാറാകുന്നില്ലാ എന്നതാണ് നമ്മുടെ നാടിന്റെ ശാപം.

പിന്നീട് സൗഹൃദയുടെ പ്രവർത്തകരും, ഡ്രൈവർമാരായ സ്നേഹിതരും ചേർന്നു സജിയെ കുളിപ്പിച്ച് വൃത്തിയാക്കി, നല്ല വസ്ത്രം ധരിപ്പിച്ചു വൈക്കം ഗവൺമെൻ്റ് ആശുപത്രിയിലെത്തിക്കുകയും, കോവിഡ് പരിശോധന പൂർത്തിയാക്കിയ ശേഷമാണ് സൗഹൃദയുടെ പ്രവർത്തകർ പിറവത്തെ കക്കാട്ടിൽ പ്രവർത്തിക്കുന്ന ക്രിസ്തു രാജാ പ്രെയർ സെന്റർ ബെഗർ ഹോമിലെത്തിച്ചത്.

ആരുംഇല്ലാത്തവരും, വഴിയിൽ ഉപേക്ഷിക്കപ്പെട്ടവരും, ബുദ്ധിമാന്ദ്യമുള്ള അറുപതോളം പേർ ബെഗർ ഹോമിൽ അന്തേവാസികളായിട്ടുണ്ട്. പ്രതിസന്ധി ഘട്ടത്തിലും, എല്ലാവരും കൈവിട്ടപ്പോൾ സൗകര്യകുറവുണ്ടായിട്ടും സജിയെ സ്വീകരിക്കുവാനുള്ള മനസ്സു കാണിച്ച ക്രിസ്തു രാജാ പ്രയർ സെന്റർ ബെഗർ ഹോമിലെ ഡയറക്ടർ. ബ്രദർ ജയിസൺ K സ്കറിയായിക്കു ഒരായിരം നന്ദി അറിയിക്കുന്നു.

സജിയുടെ കോവിഡ് പരിശോധനയ്ക്കും മറ്റും എല്ലാവിധ സഹായം ചെയ്തു തന്ന വെളളൂർ പോലീസ് SHO. CS ദീപൂ സാറിനും, KV സന്തോഷ് സാറിനു SI (Grade) പ്രത്യേകം നന്ദി അറിയിക്കുന്നു.

സജിയുടെ എല്ലാ കാര്യങ്ങളിലും സൗഹൃദയുടെ സീനിയർ വൈസ് പ്രസിഡന്റ് TM രാജു തെക്കേക്കാലായിലും, കമ്മറ്റിയംഗം ലിജു പൗലോസ് നടുപ്പുരയിലും ഒപ്പമുണ്ടായിരുന്നു. എല്ലാവർക്കും പ്രത്യേകിച്ചു ഡ്രൈവർമാരായ സ്നേഹിതർക്കും ഒരിക്കൽ കൂടി നന്ദി അറിയിക്കുന്നു.TM Sadan Peruva [പ്രസിഡന്റ് സൗഹൃദ 9446758141]

Facebook Comments

COMMENTS

- Advertisment -

Most Popular

സിൽവര്‍ലൈൻ:മരവിപ്പിച്ചിട്ടും അനിശ്ചിതത്വം,അതിരടയാളമിട്ട ഭൂമി വിൽക്കാനോ,വായ്പയെടുക്കാനോ കഴിയുന്നില്ല.

സിൽവര്‍ലൈൻ പദ്ധതി മരവിപ്പിച്ചിട്ടും അനിശ്ചിതത്വങ്ങൾ ഒഴിയുന്നില്ല.സര്‍വെ നടത്തി അതിരടയാളമിട്ട ഭൂമി ,വിൽക്കാനോ, ഈട് വച്ച് വായ്പ എടുക്കാനോ കഴിയാതെ നാട്ടുകാർ.പ്രക്ഷോഭങ്ങളുടെ പേരിലെടുത്ത കേസുകൾ പിൻവലിക്കണമെന്നആവശ്യവും ശക്തമായിട്ടുണ്ട്. സിൽവര്‍ലൈൻ കടന്നു പോകുന്ന 11 ജില്ലകൾ. 193...

സിപിഎം ഭരിക്കുന്ന കുട്ടനെല്ലൂര്‍ സര്‍വീസ് സഹകരണ ബാങ്കിൽ വായ്പാ തട്ടിപ്പ്, ഭരണ സമിതി പിരിച്ചുവിട്ടു.

കരുവന്നൂരിന് പിന്നാലെ തൃശ്ശൂരിൽ സിപിഎം ഭരിക്കുന്ന കുട്ടനെല്ലൂര്‍ സര്‍വ്വീസ് സഹകരണ ബാങ്കിലും വായ്പാ തട്ടിപ്പ്. തട്ടിപ്പ് കണ്ടെത്തിയതിനെത്തുടര്‍ന്ന് ഭരണ സമിതി പിരിച്ചുവിട്ട് അഡ്മിനിസ്ട്രേറ്റര്‍ ഭരണം ഏര്‍പ്പെടുത്തി. ഒരു കൊല്ലമായി തുടങ്ങിയ തട്ടിപ്പ് വേഗത്തില്‍ കണ്ടെത്തിയെന്നും...

യുഡിഎഫ് ഭരിക്കുന്ന വല്ലപ്പുഴ സർവീസ് സഹകരണ ബാങ്കിൽ കോഴ വാങ്ങി നിയമനമെന്ന് പരാതി;അന്വേഷിക്കാൻ ഹൈക്കോടതി ഉത്തരവ്.

യുഡിഎഫ് ഭരിക്കുന്ന പാലക്കാട് വല്ലപ്പുഴ സർവീസ് സഹകരണ ബാങ്കിൽ ലക്ഷങ്ങൾ കോഴ വാങ്ങി നിയമനം നടത്തുന്നുവെന്നപരാതിയുമായി യൂത്ത് കോൺഗ്രസ്. മണ്ഡലം പ്രസിഡണ്ട് മൻസൂർ അലിയുടെ പരാതിയിൽ ഹൈക്കോടതി അന്വേഷണത്തിന് ഉത്തരവിട്ടു.പ്യൂൺ നിയമനത്തിന് മൂന്നുപേരിൽ...

നൈജീരിയയിൽ നാവികസേനയുടെ പിടിയിലായ സംഘം ദുരിതത്തിൽ; സംഘാംഗങ്ങൾക്ക് മലേറിയ ഉൾപ്പെടെയുള്ള രോഗങ്ങൾ.

നൈജീരിയയിൽ നാവികസേനയുടെ പിടിയിലായ സംഘത്തിന്റെ അവസ്ഥ കൂടുതൽ പ്രതിസന്ധിയിലേക്ക്. സംഘാംഗങ്ങൾക്ക് മലേറിയ ഉൾപ്പെടെയുള്ള രോഗങ്ങൾ പിടിപെട്ടു. നാട്ടിലേക്ക് ബന്ധപ്പെടാനും കഴിയാത്ത അവസ്ഥയാണ് ഉള്ളത്. കൊല്ലം നിലമേൽ സ്വദേശിയായ വിജിത്തുമായുള്ള വീട്ടുകാരുടെ ബന്ധം വിശ്ചേദിക്കപ്പെട്ടിട്ട് ആറു...
Facebook Comments
WP2Social Auto Publish Powered By : XYZScripts.com
error: