കോട്ടയം: മണിമലയിൽ ആറ്റിൽ ചാടിയ സ്പെഷ്യൽ വില്ലേജ് ഓഫീസറെ കാണാതായി. കങ്ങഴ സ്വദേശി പ്രകാശനെയാണ് മണിമലയാറ്റിൽ കാണാതായത്. ഇയാളെ കണ്ടെത്താനായി അഗ്നിരക്ഷാസേനയും സ്കൂബ ടീം അംഗങ്ങളും തിരച്ചിൽ തുടരുകയാണ്.
തിങ്കളാഴ്ച രാവിലെ പത്തു മണിയോടെയാണ് പ്രകാശൻ മണിമല വലിയ പാലത്തിൽനിന്ന് മണിമലയാറ്റിലേക്ക് ചാടിയത്. ആറ്റിൽ ചാടി ജീവനൊടുക്കാൻ ശ്രമിച്ചതാണെന്നാണ് നിഗമനം. എന്താണ് ഇതിനു പിന്നിലെ കാരണമെന്ന് ഇതുവരെ വ്യക്തമല്ല.
