പ്രതിപക്ഷ നേതാവിന്റെ പരാതിയിൽ 10 കിലോ അരി വിതരണം തടഞ്ഞു
ഈസ്റ്ററിനും വിഷുവിനും റംസാനിനും മുമ്പ് മുൻഗണനേതര വിഭാഗങ്ങൾക്കു 10 കിലോഗ്രാം അരി 15 രൂപ നിരക്കിൽ നൽകാനുള്ള തീരുമാനം തെരഞ്ഞെടുപ്പ് കമ്മിഷൻ തടഞ്ഞു. മാർച്ച്, ഏപ്രിൽ മാസങ്ങളിൽ 10 കിലോഗ്രാം അരി 15 രൂപ നിരക്കിൽ നൽകാനായിരുന്നു തീരുമാനം.
ഈസ്റ്റർ, വിഷു, റംസാൻ പ്രമാണിച്ചായിരുന്നു തീരുമാനം. സർക്കാർ പദ്ധതി നടപ്പാക്കാൻ ഉത്തരവിറക്കിയത് പെരുമാറ്റച്ചട്ടം വരും മുമ്പെയായിരുന്നു. ഫെബ്രുവരി നാലിനായിരുന്നു ഉത്തരവ്. എന്നാൽ സർക്കാരിന്റെ എല്ലാ സഹായവിതരണങ്ങളും തെരഞ്ഞെടുപ്പിന്റെ മറവിൽ മുടക്കാൻ പ്രതിപക്ഷം ശ്രമം നടത്തിവരികയായിരുന്നു.
വിഷു, ഈസ്റ്റർ കിറ്റ്‌ മുടക്കാനും പ്രതിപക്ഷ നേതാവ്‌ പരാതി നൽകിയിട്ടുണ്ട്‌.
