കോട്ടയം:സംസ്ഥാന സർക്കാരിന്റെ പിൻവാതിൽ നിയമനത്തിന് എതിരെ കോട്ടയം പി എസ് സി ഓഫിസിലേക്ക് യുവമോർച്ച പ്രവർത്തകർ നടത്തിയ മാർച്ചിൽ സംഘർഷം. പ്രവർത്തകർ ബാരിക്കേഡ് മറികടക്കാൻ ശ്രമിച്ചതോടെ രണ്ടു തവണ പോലീസ് ജല ഭീരങ്കി പ്രയോഗിച്ചു. തുടർന്ന് നടന്ന സമരം യുവ മോർച്ച സംസ്ഥാന ജനറൽ സെക്രട്ടറി ശ്യം രാജ് ഉദുഘാടനം ചെയ്തു. പിൻവാതിൽ നിയമത്തിനു എതിരെ യുവമോർച്ച ശക്തമായ സമരം സംസ്ഥാന വ്യാപികമായി നടത്തുമെന്ന് ശ്യം രാജ് പറഞ്ഞു. ജില്ലാ പ്രസിഡന്റ്‌ സോബിൻ ലാൽ, ജനറൽ സെക്രട്ടറി മാരായ അശ്വന്ത് മാമലശ്ശേരി, ബിനു കോട്ടയം തുടങ്ങിയവർ പങ്കെടുത്തു. സമരത്തിൽ പരിക്കേറ്റ യുവമോർച്ച പ്രവർത്തകനെ കോട്ടയം ജനറൽ ആശുപത്രിയിൽ പ്രവേശിപ്പിച്ചു
