17.1 C
New York
Sunday, October 24, 2021
Home Kerala പാലായിൽ കെ. എം. മാണിയുടെ പ്രതിമ സ്ഥാപിച്ചു

പാലായിൽ കെ. എം. മാണിയുടെ പ്രതിമ സ്ഥാപിച്ചു

ഓര്‍മ്മകളുടെ നിറവില്‍ കെ.എം മാണിയുടെ പൂര്‍ണ്ണകായ പ്രതിമ
പാലായില്‍ ഉയര്‍ന്നു.

പാലാ . അരനൂറ്റാണ്ടിലധികം പാലായെ നിയമസഭയില്‍ പ്രതിനിധീകരിച്ച് ഇന്ത്യയുടെ ജനാധിപത്യ ചരിത്രത്തിലെ അത്യപൂര്‍വ്വ വിസ്മയമായി മാറിയ കെ.എം മാണിയുടെ പൂര്‍ണ്ണകായ പ്രതിമ വികാരസാന്ദ്രമായ ചടങ്ങില്‍ പാലായുടെ നഗരമധ്യത്തില്‍ അനാഛാദനം ചെയ്യപ്പെട്ടു. നിയമസഭാ സ്പീക്കര്‍ പി. ശ്രീരാമകൃഷ്ണനാണ് പ്രതിമ അനാഛാദനം ചെയ്തത്. കേരള രാഷ്ട്രീയത്തിൽ സ്വന്തം ഇരിപ്പിടം സൃഷ്ടിച്ച നേതാവാണ് കെ.എം മാണിയെന്ന് സ്പീക്കർ ശ്രീരാമകൃഷ്ണൻ പറഞ്ഞു. മൗലികമായ ദർശനം കൊണ്ട് കേരള രാഷ്ട്രീയത്തിൽ സ്വന്തം ഇരിപ്പിടം സൃഷ്ടിച്ച നേതാവാണ് അദ്ദേഹം.ഒരു പുതിയ പ്രത്യശാസ്ത്രത്തിന് രൂപം നൽകിയ കെ.എം മാണിയുടെ ദർശനവും, വിനയവും, കേൾക്കാനുള്ള മനസ്സ് , മടുപ്പില്ലയ്മ എന്നീ ഗുണങ്ങളെല്ലാം അദ്ദേഹത്തെ ഒരു പാഠശലയക്കിയെന്നും അദ്ദേഹം പറഞ്ഞു.കെ.എം മാണിയുടെ പ്രത്യേകതയായി ഏറെ വിശേഷിപ്പിക്കപ്പെട്ട തൂവെള്ള നിറമുള്ള ജുബ്ബ ധരിച്ച മട്ടിലാണ് പ്രതിമ നിര്‍മ്മിച്ചത്. മാണി സാറിന്റെ പ്രത്യേകതയായിരുന്ന സ്‌നേഹപ്രകടനവും, ജീവസുറ്റ ചിരിയും പ്രതിമയുടെ മുഖത്തും തെളിഞ്ഞ് കാണാം. ഏട്ടര അടി ഉയരമുള്ള പ്രതിമ സിമന്റിലും , മാര്‍ബിള്‍ പൊടിയിലുമാണ് നിര്‍മ്മിച്ചിരിക്കുന്നത്. കേരളാ യൂത്ത് ഫ്രണ്ട് (എം) ആണ് പ്രതിമ നിര്‍മ്മാണത്തിന് മുന്‍കയ്യെടുത്തത്. ഇടുക്കി സ്വദേശികളായ ഷിജോ ജോണ്‍, ലൈജു ജെയിംസ്, അരുണ്‍ ഇ.സി എന്നീ ശില്‍പ്പികളാണ് പ്രതിമനിര്‍മ്മാണം പൂര്‍ത്തീകരിച്ചത്.

പാലാ രൂപത സഹായസെത്രാന്‍ മാര്‍ ജേക്കബ് മുരിക്കന്റെ അധ്യക്ഷതയില്‍ ചേര്‍ന്ന യോഗത്തില്‍ കേരളാ കോണ്‍ഗ്രസ്സ് (എം) ചെയര്‍മാന്‍ ജോസ് കെ.മാണി, ബ്രഹ്മശ്രീ മള്ളിയൂര്‍ പരമേശ്വരന്‍ നമ്പൂതിരി, യൂത്ത് ഫ്രണ്ട് സംസ്ഥാന പ്രസിഡന്റ് സാജന്‍ തൊടുക, റോഷി അഗസ്റ്റിന്‍ എം.എല്‍.എ, പ്രൊഫ.എന്‍ ജയരാജ് എം.എല്‍.എ, സിപിഐഎം ജില്ലാ സെക്രട്ടറി വി.എൻ വാസവൻ, ജോസ് ടോം, കാലിക്കറ്റ്, കൊച്ചിയൂണിവേഴ്‌സിറ്റി മുന്‍ പ്രൊ. വൈസ് ചാന്‍സിലര്‍ പ്രൊഫ. വി.ജെ പാപ്പു, പാലാ മുനിസിപ്പല്‍ ചെയര്‍മാന്‍ ആന്റോ ജോസ് പടിഞ്ഞാറേക്കര, എന്‍.എസ്.എസ് താലൂക്ക് യൂണിയന്‍ പ്രസിഡന്റ് സി.പി ചന്ദ്രന്‍ നായര്‍, എസ്.എന്‍.ഡി.പി യൂണിയന്‍ പ്രസിഡന്റ് പി.ജി അനില്‍കുമാര്‍, ബിജു കുന്നേപ്പറമ്പില്‍, വിജയ് മാരേട്ട്,ജോസഫ് സൈമൺ,സിറിയക് ചാഴികാടൻ, സന്തോഷ് കമ്പകത്തുങ്കൾ എന്നിവർ പ്രസംഗിച്ചു.

കെ .എം മാണിയെ കൺനിറയെ കണ്ട് കുട്ടിയമ്മ
ജീവസുറ്റ ആ രൂപത്തിലേക്ക് , ചിരി തൂകുന്ന ആ മുഖത്തേക്ക് നോക്കി നിന്നപ്പോൾ കുട്ടിയമ്മയുടെ കണ്ണുകൾ നിറഞ്ഞു. കെ .എം മാണിയുടെ പ്രതിമ അനാച്ഛാദനം ചടങ്ങ് സഹധർമിണി കുട്ടിയമ്മ ക്കും, കുടുബങ്ങൾക്കും വികാരസാന്ദ്രമായ നിമിഷങ്ങൾ ആയി.ശാരീരികമായബുദ്ധിമുട്ടുകളെ അവഗണിച്ചും മാണി സാറിൻ്റെ പ്രതിമ കാണാൻ പ്രിയപ്പെട്ട കുട്ടിയമ്മ എത്തിയത് കേരള കോൺഗ്രസ് പ്രവർത്തകർക്ക് ആവേശമായി.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ജമ്മു കാഷ്മീരിൽ കേന്ദ്ര ആഭ്യന്തരമന്ത്രി അമിത് ഷായുടെ സന്ദർശനത്തിനിടയിലും ഭീകരാക്രമണം.

ശ്രീനഗർ: ജമ്മു കാഷ്മീരിൽ കേന്ദ്ര ആഭ്യന്തരമന്ത്രി അമിത് ഷായുടെ സന്ദർശനത്തിനിടയിലും ഭീകരാക്രമണം. കാഷ്മീരിലെ ഷോപ്പിയാനിലുണ്ടായ ഭീകരാക്രമണത്തിൽ ഒരു നാട്ടുകാരൻ കൊല്ലപ്പെട്ടു. തോക്കുധാരിയായ ഭീകരൻ ആൾക്കൂട്ടത്തിനിടയിലേക്ക് വെടിയുതിർക്കുകയായിരുന്നു. കാ​ഷ്മീ​രി​ൽ അ​ടു​ത്തി​ടെ ഭീ​ക​ര​രു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം...

കോവിഡ് ബാധിച്ച്‌ മരിച്ച ബിപിഎല്‍ കുടുംബങ്ങള്‍ക്ക് പ്രതിമാസം 5000 രൂപ.

കോവിഡ് ബാധിച്ച്‌ മരിച്ചവരെ ആശ്രയിച്ച്‌ കഴിഞ്ഞിരുന്ന ബിപിഎല്‍ കുടുംബങ്ങള്‍ക്ക് പ്രതിമാസം 5000 രൂപ നല്‍കാന്‍ ഉത്തരവായി. മുന്നുവര്‍ഷത്തേക്കാണ് സഹായം. സാമൂഹ്യസുരക്ഷാ, ക്ഷേമനിധി, മറ്റ് പെന്‍ഷന്‍ എന്നിവ ലഭിക്കുന്നത് തടസ്സമാകില്ല.സംസ്ഥാനത്തിനും രാജ്യത്തിനും പുറത്ത് മരിച്ചവരുടെ കുടുബം...

സ​ർ​ക്കാ​ർ ബ​സി​ൽ ക​യ​റി വി​ശേ​ഷം തി​ര​ക്കി സ്റ്റാ​ലി​ൻ; സെ​ൽ​ഫി​യെ​ടു​ത്ത് യാത്ര​ക്കാ​ർ.

ചെന്നൈ: യാത്രാബസില്‍ തമിഴ്‌നാട് മുഖ്യമന്ത്രി എം കെ സ്റ്റാലിനെ കണ്ട വനിതാ യാത്രക്കാര്‍ അമ്പരന്നു. വനിതകള്‍ക്ക് വേണ്ടി നടപ്പാക്കിയ സൗജന്യ യാത്രാ പദ്ധതിയെ കുറിച്ച് പ്രതികരണം അറിയാനായിരുന്നു മുഖ്യമന്ത്രിയുടെ അപ്രതീക്ഷിത യാത്ര. ശനിയാഴ്ചയാണ് യാത്രയില്‍...

ഒക്ടോബർ 24 ലോക പോളിയൊ ദിനം.

പോളിയോവൈറസ് ബാധയാൽ ഉണ്ടാകുന്ന രോഗമാണ് പോളിയോമെലിറ്റസ് അഥവാ പോളിയോ. ഇതിനെ ഇൻഫന്റൈൽ പരാലിസിസ് എന്നും വിളിക്കുന്നു. രോഗബാധിതനായ വ്യക്തിയുടെ വിസർജ്ജ്യത്തിലൂടെ പുറത്തെത്തുന്ന വൈറസ് പകരുന്നത് വിസർജ്ജ്യവുമായി സമ്പർക്കത്തിൽ വരുന്ന കുടിവെള്ളം, ഭക്ഷണം മുതലായവ മറ്റൊരു...
WP2Social Auto Publish Powered By : XYZScripts.com
error: