പരീക്ഷ എഴുതാൻ പോയ വിദ്യാർത്ഥിനിയുടെ തലയിൽ മാരകായുധം കൊണ്ട് വെട്ടിപ്പരിക്കേൽപ്പിച്ച പ്രതി പിടിയിൽ.
പാലാ: കടപ്പാട്ടൂർ സ്വദേശി സന്തോഷിനെയാണ് പോലീസ് അറസ്റ്റ് ചെയ്തത്.
ഇയാളുടെ ഓട്ടോയിലാണ് ടിന്റു സ്ഥിരമായി സഞ്ചരിച്ചിരുന്നത്.
ബുധനാഴ്ച്ച പുലർച്ചെയായിരുന്നു പാലാ സ്വദേശി ടിന്റു മരിയ ജോണിന് (26) പരിക്കേറ്റത്.
എറണാകുളത്തേക്ക് പരീക്ഷ എഴുതാൻ പോവാൻ വീട്ടിൽ നിന്ന് ഇറങ്ങിയ ടിന്റുവിന് വീടിന് സമീപത്ത് വെച്ചാണ് പരിക്കേറ്റത്.
കോട്ടയം മെഡിക്കൽ കോളേജ് ആശുപത്രിയിൽ കഴിയുന്ന പെൺകുട്ടി അപകട നില തരണം ചെയ്തു. സന്തോഷുമായി പെൺകുട്ടി അടുപ്പത്തിലായിരുന്നു വിവാഹം കഴിക്കണമെന്ന് യുവതി ആവശ്യപ്പെട്ടതിനെ തുടർന്ന് ഒഴിവാക്കാനായി ആണ് സന്തോഷ് കൊലപ്പെടുത്താൻ ശ്രമിച്ചത്.
