17.1 C
New York
Tuesday, December 5, 2023
Home Kerala പത്തു രൂപയ്ക്ക് കൊച്ചിയിൽ ഒരു നേരത്തെ ഭക്ഷണം

പത്തു രൂപയ്ക്ക് കൊച്ചിയിൽ ഒരു നേരത്തെ ഭക്ഷണം

പത്തു രൂപയ്ക്ക് കൊച്ചിയിൽ ഒരു നേരത്തെ ഭക്ഷണം

കൊച്ചി: തമിഴ്നാട്ടിലെ അമ്മ ഉണവകം പദ്ധതിയുടെ ചുവടുപിടിച്ച് പത്തു രൂപയ്ക്ക് കൊച്ചിയിൽ ഒരു നേരത്തെ ഭക്ഷണം ഒരുങ്ങുന്നു. കൊച്ചി കോർപ്പറേഷന്റെ 2021–22 വർഷത്തെ ബജറ്റ് പ്രസംഗത്തിലാണ് കുറഞ്ഞ ചെലവിൽ എല്ലാവർക്കും ഭക്ഷണ ലഭ്യത ഉറപ്പു വരുത്തുമെന്ന പ്രഖ്യാപനം. ഒരു നേരം പത്തു രൂപയ്ക്ക് ഭക്ഷണം ലഭിക്കുന്ന ഹോട്ടൽ ശൃംഖലകൾ കൊച്ചിയിൽ വിവിധ കേന്ദ്രങ്ങളിൽ സ്ഥാപിക്കാനാണ് തീരുമാനം. സ്വകാര്യ സ്ഥാപനങ്ങളുടെ പിന്തുണയിലായിരിക്കും പദ്ധതി നടപ്പാക്കുകയെന്ന് ബജറ്റ് അവതരണത്തിൽ ഡപ്യൂട്ടി മേയർ കെ.എ.അൻസിയ അറിയിച്ചു. വിശപ്പുരഹിത കേരളം പദ്ധതിയിലൂടെ ആവിഷ്കരിച്ചിട്ടുള്ള കൊച്ചിയിലെ എട്ടു ജനകീയ ഹോട്ടലുകളിൽ നിലവിൽ 20 രൂപയ്ക്ക് ഊണ് ലഭിക്കുന്നുണ്ട്. കുടുംബശ്രീ മുഖാന്തരം ആരംഭിച്ചിട്ടുള്ള ഇവയ്ക്ക് സർക്കാരിൽനിന്ന് ഓരോ ഊണിനും പത്തു രൂപ വീതം സബ്സിഡി ലഭ്യമാക്കും. ഇത്തരത്തിലുള്ള പത്ത് ജനകീയ ഹോട്ടലുകൾ കൂടി കൊച്ചിയിൽ ആരംഭിക്കുമെന്നും ബജറ്റിൽ പറയുന്നു. തമിഴ്നാട്ടിൽ ജയലളിത മുഖ്യമന്ത്രിയായിരിക്കെ ആരംഭിച്ച ഏറ്റവും മികച്ച ക്ഷേമപദ്ധതികളിൽ ഒന്നായിരുന്നു അമ്മ ഉണവകം. എംജിആറിന്റെ ഉച്ചഭക്ഷണ പദ്ധതിക്കു ശേഷം തമിഴ്നാട്ടിൽ ഏറെ ജനതാൽപര്യം നേടിയ പദ്ധതിയായി മാറി അമ്മ ഉണവകം പദ്ധതി. പണക്കാരനും പാവപ്പെട്ടവനുമെല്ലാം ഒരുപോലെ രാവിലെ ഏഴു മുതൽ പത്തു വരെ ഒരു രൂപയ്ക്ക് ഒരു ഇഡലി, അഞ്ചു രൂപയ്ക്ക് പൊങ്കൽ, ഉച്ചയ്ക്ക് 12 മുതൽ മൂന്നു വരെ മൂന്നു രൂപ ഈടാക്കി സാമ്പാർ സാദം, തൈര് സാദം തുടങ്ങി ചപ്പാത്തിയും കറിയും വരെ നൽകുന്നതായിരുന്നു പദ്ധതി.

FACEBOOK - COMMENTS

WEBSITE - COMMENTS

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

വിദ്യാർഥികളുടെ ആധാർ വിവരങ്ങൾ സമർപ്പിക്കൽ; കൂടുതൽ സമയം അനുവദിച്ച് വിദ്യാഭ്യാസ വകുപ്പ്.

കോഴിക്കോട്: വിദ്യാര്‍ഥികളുടെ ആധാര്‍ വിവരങ്ങള്‍ സമര്‍പ്പിക്കാന്‍ സ്കൂളുകള്‍ക്ക് കൂടുതല്‍ സമയം അനുവദിച്ച് പൊതുവിദ്യാഭ്യാസ വകുപ്പ് ഉത്തരവ്.വിദ്യാഭ്യാസ മന്ത്രിയുടെ അധ്യക്ഷതയില്‍ ചേര്‍ന്ന യോഗത്തിന്റേതാണ് തീരുമാനം. ഡിസംബര്‍ 11,12 തീയതികളില്‍ സമ്പൂര്‍ണ സോഫ്റ്റ് വെയറില്‍ വിദ്യാര്‍ഥികളുടെ വിവരങ്ങള്‍...

നവകേരള സദസിന് തദ്ദേശ സ്ഥാപനങ്ങൾ പണം നൽകണമെന്ന ഉത്തരവിന് ഹൈക്കോടതി സ്റ്റേ.

കൊച്ചി: നവകേരള സദസിന് തദ്ദേശ സ്ഥാപനങ്ങൾ പണം നൽകണമെന്ന ഉത്തരവ് ഹൈക്കോടതി സ്റ്റേ ചെയ്തു. പഞ്ചായത്ത് ഭരണ സമിതി തീരുമാനത്തിന് വിരുദ്ധമായി സെക്രട്ടറിമാർ ഫണ്ട് അനുവദിക്കരുതെന്ന് ഹൈക്കോടതി നിര്‍ദ്ദേശിച്ചു. മലപ്പുറം, കോഴിക്കോട് ജില്ലകളിലെ വിവിധ...

യൂത്ത് കോൺഗ്രസ്‌ ഹെൽപ്പ് ഡസ്ക്കിന്‍റെ ഭാഗമായി മഹിളാ കോൺഗ്രസും

പത്തനംതിട്ട: മണ്ഡലകാലം ആരംഭിച്ചതുമുതൽ ശബരിമല തീർത്ഥാടകർക്കായി യൂത്ത് കോൺഗ്രസിന്‍റെ നേതൃത്വത്തിൽ കെ.എസ്.ആർ.ടി.സി ബസ് സ്റ്റാൻഡ് പരിസരത്ത് പ്രവർത്തിക്കുന്ന യൂത്ത് ഹെൽപ്പ് ഡസ്ക്കിന്‍റെ പ്രവർത്തനങ്ങളിൽ മഹിളാ കോൺഗ്രസ് പ്രവർത്തകരും ഭാഗമായി. ഡിസ്ട്രിക്റ്റ് ട്രാൻസ്പോർട്ട് ഓഫീസർ തോമസ്...

ഒരു ക്രിസ്തുമസ് കരോൾ ഓർമ്മ (ഓർമ്മക്കുറിപ്പ്‌ – ക്രിസ്തുമസ് സ്‌പെഷ്യൽ -3) ✍സി. ഐ. ഇയ്യപ്പൻ തൃശ്ശൂർ

ഒരു ക്രിസ്തുമസിന്റെ തലേന്ന് .കുറച്ചു കൂട്ടുകാര്‍ ക്രിസ്തുമസ് ആഘോഷിയ്ക്കാന്‍ വൈകിയിട്ട് ഒത്തുകൂടി. സന്തോഷത്തിന് കൂടെ കുപ്പിയുണ്ടായിരുന്നു. അതില്‍ നിന്ന് കുറച്ചു സേവിച്ചപ്പോള്‍ പിന്നെ ആനന്ദ നൃത്തമായി. പാടാന്‍ അറിയുന്നവര്‍ കുഴഞ്ഞ നാവുമായി എന്തൊക്കെയൊപാടി. പാട്ടിനൊപ്പം...
WP2Social Auto Publish Powered By : XYZScripts.com
error: