പതിനഞ്ചുകാരൻ മുങ്ങി മരിച്ചു

കണ്ണൂരിൽ പുഴയിൽ കുളിക്കാനിറങ്ങിയ 15 കാരൻ മുങ്ങി മരിച്ചു ഇരിട്ടി പേരാവൂർ പൂളക്കുറ്റിയിൽ പുഴയിൽ കുളിക്കാനിറങ്ങിയ 15 കാരൻ മുങ്ങി മരിച്ചു. കരിക്കോട്ടക്കരിയിലെ പല്ലാട്ടുകുഴിയിൽ ജോസ്- നവിത ദമ്പതികളുടെ മകൻ അഭിനവിനെ (15) യാണ് ഞായറാഴ്ച വൈകിട്ടോടെ പുഴയിൽ മുങ്ങിമരിച്ച നിലയിൽ കണ്ടെത്തിയത്. അഭിനവിൻ്റെ പിതാവ് ജോസിൻ്റെ സഹോദരിയുടെ വിട്ടിൽ വിരുന്നിനെത്തിയതായിരുന്നു അഭിനവ്. കരിക്കോട്ടക്കരി സെൻ്റ് തോമസ് ഹയർ സെക്കണ്ടറി സ്കൂൾ പത്താം ക്ലാസ് വിദ്യാർത്ഥിയാണ് . സഹോദരങ്ങൾ: അഭിഷേക്, അഭിനന്ദ് (ഇരുവരും വിദ്യാർത്ഥികൾ). മൃതദേഹം പോസ്റ്റ്മോർട്ടത്തിനായികണ്ണൂർ ഗവ: മെഡി: കോളജ് മോർച്ചറിയിലേക്ക് മാറ്റി. സംസ്കാരം തിങ്കളാഴ്ച ഉച്ചയോടെ കൊട്ടുകപ്പാറ ലൂർദ് മാതാ പള്ളി സെമിത്തേരിയിൽ.