17.1 C
New York
Tuesday, June 22, 2021
Home Kerala പക്ഷിപ്പനി; നീണ്ടൂരില്‍ 3500 താറാവുകളെ കൊന്നു

പക്ഷിപ്പനി; നീണ്ടൂരില്‍ 3500 താറാവുകളെ കൊന്നു

കോട്ടയം:പക്ഷിപ്പനി സ്ഥിരീകരിച്ച നീണ്ടൂര്‍ പഞ്ചായത്തില്‍ രോഗപ്രതിരോധം ഉറപ്പാക്കുന്നതിനായി ജില്ലാ കളക്ടര്‍ നിയോഗിച്ച ദ്രുതകര്‍മ്മ സേന ഇന്നലെ(ജനുവരി 5) 3500 താറാവിന്‍ കുഞ്ഞുങ്ങളെ കൊന്നു. ഇതില്‍ 3300 താറാവുകളും രോഗബാധ കണ്ടെത്തിയ ഫാമിലേതാണ്. 200 എണ്ണം സമീപ മേഖലകളില്‍ വളര്‍ത്തിയിരുന്നവയാണ്. കൊന്ന താറാവുകളെ രാത്രിയില്‍ സമീപത്തെ ഒഴിഞ്ഞ തുരുത്തില്‍ കത്തിച്ചു നശിപ്പിച്ചു.

രാവിലെ 10.30നാണ് താറാവുകളെ കൊന്നൊടുക്കുന്ന നടപടികള്‍ക്ക് തുടക്കം കുറിച്ചത്. അഞ്ചു പേര്‍ വീതം അടങ്ങുന്ന എട്ടു ദ്രുതകര്‍മ്മ സേനകളെയാണ് മേഖലയില്‍ വിന്യസിച്ചിരുന്നത്. ആരോഗ്യ വകുപ്പിന്റെ നേതൃത്വത്തില്‍ വൈദ്യപരിശോധന നടത്തി പ്രതിരോധ മരുന്ന് നല്‍കിയശേഷം ആറു സംഘങ്ങളെ രോഗം സ്ഥിരീകരിച്ച ഫാമിലും രണ്ടു സംഘങ്ങളെ പുറത്തുമാണ് നിയോഗിച്ചത്. എല്ലാവരും പിപിഇ കിറ്റ് ധരിച്ചാണ് ജോലിക്കിറങ്ങിയത്. ഇടയ്ക്ക് മഴപെയ്‌തെങ്കിലും നടപടികള്‍ക്ക് തടസമുണ്ടായില്ല.
കൊന്ന താറാവുകളെ ചാക്കുകളിലാക്കി കെട്ടിയശേഷമാണ് കത്തിച്ചു നശിപ്പിച്ചത്.

മൃഗസംരക്ഷണ വകുപ്പ് ഡയറക്ടര്‍ ഡോ. കെ.എം. ദിലീപ് സ്ഥലത്തെത്തി സ്ഥിതിഗതികള്‍ വിലയിരുത്തി. സബ്കളക്ടര്‍ രാജീവ്കുമാര്‍ ചൗധരി, മൃഗസംരക്ഷണ വകുപ്പ് ജില്ലാ ഓഫീസര്‍ ഡോ. ഷാജി പണിക്കശ്ശേരി, തഹസില്‍ദാര്‍ പി.ജി. രാജേന്ദ്രബാബു എന്നിവര്‍ നടപടികള്‍ക്ക് മേല്‍നോട്ടം വഹിച്ചു. പക്ഷിപ്പനി പ്രതിരോധ പ്രവര്‍ത്തനങ്ങളുടെ നോഡല്‍ ഓഫീസര്‍ ഡോ. സജീവ് കുമാര്‍, ഡോ. പ്രസീന, ഫീല്‍ഡ് ഓഫീസര്‍ ഷാനവാസ് തുടങ്ങിയവരും വിവിധ വകുപ്പുകളിലെ ഉദ്യോഗസ്ഥരും നടപടികളില്‍ പങ്കാളികളായി.

മേക്കാവ് എസ്.കെ.വി. എല്‍.പി സ്‌കൂളില്‍ ക്യാമ്പ് ചെയ്യുന്ന ദ്രുതകര്‍മ്മ സേന ഇന്നു രാവിലെ(ജനുവരി 6) നടപടികള്‍ പുനരാരംഭിക്കും.

നിലവില്‍ സ്ഥിതിഗതികള്‍ നിയന്ത്രണ വിധേയമാണെന്നും ഫാമില്‍ ശേഷിക്കുന്ന താറാവുകളെയും രോഗം സ്ഥിരീകരിച്ച സ്ഥലത്തിന് ഒരു കിലോമീറ്റര്‍ ചുറ്റളവിലുള്ള വളര്‍ത്തു പക്ഷികളെയും കൊന്നൊടുക്കുന്നത് ഉള്‍പ്പെടെയുള്ള രോഗപ്രതിരോധ നടപടികള്‍ തുടരുമെന്നും ജില്ലാ കളക്ടര്‍ എം. അഞ്ജന അറിയിച്ചു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

ടിപിആർ 16 ൽ താഴെയുള്ള തദ്ദേശ സ്ഥാപന പരിധികളിൽ ആരാധനാലയങ്ങൾ തുറക്കാൻ അനുമതി

സംസ്ഥാനത്ത് ടിപിആർ 16 ൽ താഴെയുള്ള തദ്ദേശ സ്ഥാപന പരിധികളിൽ ആരാധനാലയങ്ങൾ തുറക്കാൻ അനുമതി പരമാവധി 15 പേർക്ക് മാത്രമാണ് പ്രവേശനാനുമതി തീരുമാനം മുഖ്യമന്ത്രിയുടെ അധ്യക്ഷതയിൽ ചേർന്ന കൊവിഡ് അവലോകന യോഗത്തിൽ

നാളെ 25 കേന്ദ്രങ്ങളില്‍ കോവാക്സിന്‍ രണ്ടാം ഡോസ് നല്‍കും

നാളെ 25 കേന്ദ്രങ്ങളില്‍ കോവാക്സിന്‍ രണ്ടാം ഡോസ് നല്‍കും കോട്ടയം ജില്ലയില്‍ നാളെ(ജൂണ്‍ 23) 25 കേന്ദ്രങ്ങളില്‍ 18-44 പ്രായവിഭാഗത്തിലുള്ളവര്‍ക്ക് കോവാക്സിന്‍ രണ്ടാം ഡോസ് നല്‍കും. ഇന്ന്(ജൂണ്‍ 22) വൈകുന്നേരം ഏഴു മുതല്‍ ബുക്കിംഗ് നടത്താം. വാക്സിന്‍...

പിഞ്ചുകുഞ്ഞിനെ കരിയില കൂനയില്‍ ഉപേക്ഷിച്ച സംഭവത്തില്‍ യുവതി അറസ്റ്റില്‍.

കൊല്ലം പരവൂരിൽ ഊഴായിക്കോട്ട് പിഞ്ചുകുഞ്ഞിനെ കരിയില കൂനയില്‍ ഉപേക്ഷിച്ച സംഭവത്തില്‍ യുവതി അറസ്റ്റില്‍. കുഞ്ഞിനെ ഉപേക്ഷിക്കപ്പെട്ട നിലയില്‍ കണ്ടെത്തിയ പുരയിടത്തിന്റെ ഉടമയുടെ മകള്‍ രേഷ്മ (22) ആണ് അറസ്റ്റിലായത്. കുഞ്ഞ് രേഷ്മയുടേത് ആണെന്ന് പൊലീസ് പറഞ്ഞു. ഡിഎന്‍എ...

കോട്ടയം ജില്ലയില്‍ 609 പേര്‍ക്ക് കോവിഡ്

കോട്ടയം ജില്ലയില്‍ 609 പേര്‍ക്ക് കോവിഡ് കോട്ടയം ജില്ലയില്‍ 609 പേര്‍ക്കു കൂടി കോവിഡ് സ്ഥിരീകരിച്ചു. 604 പേര്‍ക്ക് സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ അഞ്ചു പേര്‍ രോഗബാധിതരായി. പുതിയതായി...
WP2Social Auto Publish Powered By : XYZScripts.com
Share via
Copy link
Powered by Social Snap