നേമം കീഴടക്കുമെന്ന് യുഡിഎഫ് സ്ഥാനാർഥി കെ.മുരളീധരൻ.
നേമത്ത് ബി.ജെ.പിയെ ദുർബലപ്പെടുത്താനാണ് പോരാടുന്നതെന്നും അദ്ദേഹം വ്യക്തമാക്കി.
” ബൂത്തുതലം മുതൽക്കുളള പ്രവർത്തനങ്ങൾ ശക്തമാണ്. നല്ല വിജയ പ്രതീക്ഷയുണ്ട്. കഴിഞ്ഞ ലോക്സഭാ തിരഞ്ഞെടുപ്പിൽ 47,000ത്തിൽപ്പരം വോട്ടുകൾ ശശി തരൂരിന് ലഭിച്ചിട്ടുണ്ട്. നിലവിൽ നേമത്ത് ത്രികോണ മത്സരം നടക്കുന്ന സാഹചര്യത്തിൽ 50,000 മുതൽ 55,000 വരെ വോട്ടുകൾ ലഭിക്കുന്ന സ്ഥാനാർഥിക്ക് ജയിക്കാനാകും. ഞങ്ങൾ 60,000 വോട്ടുകളാണ് ലക്ഷ്യമിട്ടിരിക്കുന്നത്.” – മുരളീധരൻ പറഞ്ഞു.
ഒന്നാംസ്ഥാനം മാത്രമാണ് ലക്ഷ്യമിടുന്നതെന്നും രണ്ടുംമൂന്നും സ്ഥാനങ്ങൾ ആർക്കായിരിക്കും എന്ന് ചിന്തിക്കുന്നില്ലെന്നും അദ്ദേഹം പറഞ്ഞു.
Facebook Comments
