17.1 C
New York
Sunday, June 26, 2022
Home Kerala നെടുംങ്കണ്ടത്ത് വീട് കയറി അക്രമം

നെടുംങ്കണ്ടത്ത് വീട് കയറി അക്രമം

നെടുങ്കണ്ടം: ചേമ്പളത്ത് വീട്ടിൽ അതിക്രമിച്ചുകയറിയ 15 പേരടങ്ങിയ സംഘം ഗൃഹനാഥനെയും ഭാര്യയെയും പൂർണഗർഭിണിയായ മരുമകളെയും ആക്രമിച്ചു. പരുക്കേറ്റ കുടുംബാംഗങ്ങളെ ആശുപത്രിയിലേക്കു മാറ്റുന്നത് അക്രമികൾ തടഞ്ഞതിനെത്തുടർന്നു പൊലീസെത്തിയാണ് ഇവരെ ആശുപത്രിയിൽ പ്രവേശിപ്പിച്ചത്.  ചേമ്പളം പാലത്താനത്ത് ആന്റണി ജോസഫ് (60), ഭാര്യ ഗ്രേസിക്കുട്ടി (56), മരുമകൾ ടീന (25) എന്നിവർക്കാണു പരുക്കേറ്റത്. നെടുങ്കണ്ടം താലൂക്ക് ആശുപത്രിയിൽ എത്തിച്ച ഇവരെ പിന്നീടു കല്ലാറിലെ സ്വകാര്യ ആശുപത്രിയിലേക്കു മാറ്റി.  ആന്റണിയുടെ തല കമ്പിവടി കൊണ്ട് അടിച്ചുപൊട്ടിച്ച നിലയിലാണ്.

ദേഹമാസകലം അടിയേറ്റ പാടുകളുണ്ട്. ഗ്രേസിക്കുട്ടിയെയും ടീനയെയും അക്രമിസംഘം അടിക്കുകയും നിലത്തിട്ടു ചവിട്ടുകയും ചെയ്തു. പരുക്കേറ്റ ഇവർ അലറിവിളിച്ചെങ്കിലും അക്രമിസംഘം സ്ഥലത്തു ഭീകരാന്തരീക്ഷം സൃഷ്ടിച്ചതിനെത്തുടർന്നു നാട്ടുകാർ അടുത്തേക്കു വന്നില്ല. അര മണിക്കൂറോളം ആന്റണി ബോധമില്ലാതെ റോഡിൽ കിടന്നു.  പൊലീസെത്തിയാണ് ആശുപത്രിയിലേക്കു മാറ്റിയത്. 

ആന്റണിയുടെ വീടിനടുത്തുള്ള സ്ഥലം സ്വകാര്യ വ്യക്തി കയ്യേറിയതുമായി ബന്ധപ്പെട്ടു കേസ് നിലവിലുണ്ട്. സ്ഥലം പഞ്ചായത്തിന്റേതാണെന്നും ഇതു തിരികെയെടുക്കണമെന്നും ആവശ്യപ്പെട്ട് ആന്റണി പല തവണ പഞ്ചായത്തിൽ പരാതി നൽകിയിരുന്നു. എന്നാൽ നടപടി ഉണ്ടായില്ല. തുടർന്നു ഹൈക്കോടതിയെ സമീപിച്ചു. സ്ഥലം അളന്നുതിരിച്ച് ഏറ്റെടുക്കാൻ പഞ്ചായത്തിനോടു ഹൈക്കോടതി ആവശ്യപ്പെട്ടു.

എന്നാൽ  വിധി നടപ്പിലാക്കാൻ അധികൃതർ തയാറായില്ല. തുടർന്നു കോടതിയലക്ഷ്യത്തിന് ആന്റണി കേസ് നൽകി. അടുത്തയിടെ അദാലത്തിലും ഇതു സംബന്ധിച്ചു പരാതി നൽകി. ഇതിന്റെ വൈരാഗ്യമാണ് ആക്രമണത്തിനു കാരണമെന്നു പറയുന്നു.  നെടുങ്കണ്ടം പൊലീസ് കേസെടുത്ത് അന്വേഷണം ആരംഭിച്ചു.

Facebook Comments

COMMENTS

- Advertisment -

Most Popular

പ്ലസ് വണ്‍ പ്രവേശനം: എല്ലാ വിദ്യാര്‍ത്ഥികൾക്കും ജാതി സര്‍ട്ടിഫിക്കറ്റ് വേണ്ടെന്ന് വിദ്യാഭ്യാസവകുപ്പ് ഡയറക്ടര്‍.

പ്ലസ് വണ്‍ പ്രവേശനത്തിന് പ്രത്യേക ജാതി സര്‍ട്ടിഫിക്കറ്റ് എല്ലാ വിദ്യാര്‍ത്ഥികൾക്കും ആവശ്യമില്ലെന്ന് പൊതുവിഭ്യാഭ്യാസവകുപ്പ് ഡയറക്ടര്‍ അറിയിച്ചു. എസ്എസ്എൽസി പാസ്സായ വിദ്യാര്‍ത്ഥികൾ കൂട്ടത്തോടെ ജാതി സര്‍ട്ടിഫിക്കറ്റ് അപേക്ഷയുമായി വില്ലേജ് ഓഫീസുകളെ സമീപിക്കുന്ന സാഹചര്യത്തിലാണ് പൊതുവിദ്യാഭ്യാസ...

കൊല്ലത്ത് 10,750 കിലോ പഴകിയ മത്സ്യം പിടിച്ചെടുത്തു.

കൊല്ലം ആര്യങ്കാവിൽ നിന്ന് വൻതോതിൽ പഴകിയ മത്സ്യങ്ങൾ പിടികൂടി. ഇന്നലെ രാത്രി നടത്തിയ പരിശോധനയിലാണ് 10,750 കിലോ മത്സ്യം പിടിച്ചെടുത്തത്. ഭക്ഷ്യസുരക്ഷാ വകുപ്പിന്റെ നേതൃത്വത്തിലാണ് മിന്നൽ പരിശോധന നടന്നത്. ഇന്നലെ അർദ്ധരാത്രിയായിരുന്നു ഭക്ഷ്യസുരക്ഷാ വകുപ്പിന്റെ...

‘ദുരിതമനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ’.

ഭക്ഷ്യക്ഷാമവും ഭൂകമ്പത്തിന്റെ കെടുതികളും അനുഭവിക്കുന്ന അഫ്ഗാൻ ജനതയ്‌ക്ക് വീണ്ടും സഹായഹസ്തവുമായി ഇന്ത്യ. പാകിസ്താൻ വഴി കടൽമാർഗം 3000 മെട്രിക് ടൺ ഗോതമ്പാണ് ശനിയാഴ്ച ഇന്ത്യ അഫ്ഗാനിസ്ഥാനിലേക്ക് അയച്ചത്. അഫ്ഗാൻ ഭൂചലനത്തിന്റെ പശ്ചാത്തലത്തിൽ എല്ലാ വിധ...

വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി.

തിരുവനന്തപുരം: വെഞ്ഞാറമൂട്ടില്‍ ദമ്പതികളെ വീടിനുള്ളിൽ മരിച്ച നിലയിൽ കണ്ടെത്തി. വെഞ്ഞാറമൂട് മേലാറ്റ്മൂഴി സ്വദേശികളായ ശശിധരൻ (65), ഭാര്യ സുജാത (60) എന്നിവരെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. അയൽവാസികൾ ആണ് മൃതദേഹം കണ്ടെത്തിയത്....
Facebook Comments
WP2Social Auto Publish Powered By : XYZScripts.com
error: