ചങ്ങനാശേരി തുരുത്തി മിഷൻ പള്ളിയ്ക്ക് സമീപം സ്കൂട്ടർ ടിപ്പറിൽ ഇടിച്ച് യുവാവിന് ദാരുണാന്ത്യം
പെരുന്ന വെസ്റ്റ് പനച്ചിക്കാവ് രതീഷ് ഭവനത്തിൽ വാസുക്കുട്ടന്റെ മകൻ രതീഷ് (34) ആണ് മരിച്ചത് .
എം.സി റോഡിൽ തുരുത്തി ബി.എസ്.എൻ ജംഗ്ഷനു സമീപം ഇന്ന് രാവിലെ പത്തോടെയായിരുന്നു അപകടം .
ചങ്ങനാശേരി ഭാഗത്തു നിന്നും കോട്ടയം ഭാഗത്തേയ്ക്ക് ഒരേ ദിശയിൽ പോകുകയായിരുന്നു സ്കൂട്ടറും , ടിപ്പറും .
എതിർ ദിശയിൽ നിന്നും ആംബുലൻസ് വരുന്നത് കണ്ട് സൈഡിലേയ്ക്ക് മാറ്റുന്നതിനിടെ സ്കൂട്ടർ ടിപ്പറിൻ്റെ അടിയിൽ പെടുകയായിരുന്നു
ഇടിയുടെ ആഘാതത്തിൽ ടിപ്പറിന്റെ അടിവശത്തെയ്ക്ക് വീണ രതീഷിന്റെ തലയിൽ പിൻവശത്തെ ചക്രം കയറിയിറങ്ങിയതായി ദൃക്സാക്ഷികൾ പറഞ്ഞു . വിവരമറിഞ്ഞ് ചങ്ങനാശേരി പൊലീസ് സ്ഥലത്തെത്തി . നടപടികൾ സ്വീകരിച്ചു മൃതദേഹം കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.
