കൊച്ചി എടയാർ . ഓറിയോൺ കെമിക്കൽ ഫാക്റട്ടറിയിൽ ശനിയാഴ്ച്ച രാത്രി പതിനൊന്നരയോടെയാണ് തീപ്പിടിത്തമുണ്ടായത്. പന്ത്രണ്ടിലധികം ഫയർ ഫോഴ്‌സ് യൂണിറ്റുകളെത്തിച്ച് പുലർച്ചെ മൂന്ന് മണിയോടെ തീയണച്ചതിനാൽ വൻ ദുരന്തം ഒഴിവായി. പെയിന്റും പ്ലാസ്റ്റിക്ക് പോളിമർ ഉൽപന്നങ്ങളും സാനിറ്റൈസറും നിർമിക്കുന്ന ഫാക്റടറിയാണ് ഒറിയോൺ കെമിക്കൽസ്. അപകട സമയം ഫാക്ടറിയിലുണ്ടായിരുന്ന മൂന്ന് തൊഴിലാളികൾ ഇറങ്ങിയോടി. സമീപത്തെ റബർ ഫാക്ടറിയിലേക്കും തീ പടർന്നു. അതേ സമയം ഫാക്ടറിയിൽ മതിയായ സുരക്ഷ സംവിധാനങ്ങളുണ്ടായിരുന്നില്ലെന്ന് അഗ്നിശമനസേന അംഗങ്ങൾ പറഞ്ഞു. മിന്നലേറ്റ് തീ പിടിക്കാനുള്ള സാധ്യത നാട്ടുകാർ ചൂണ്ടിക്കാട്ടിയെങ്കിലും ഇതല്ല കാരണമെന്നാണ് പ്രാഥമിക വിലയിരുത്തൽ വിശദമായ അന്വേഷണം നടത്തും.
- Advertisment -
