രാജ്യത്തെ ആഭ്യന്തര 50 ഓവർ ടൂർണമെന്‍റായ വിജയ് ഹസാരെ ട്രോഫിക്കുള്ള കേരള സീനിയർ ക്രിക്കറ്റ് ടീമിനെ സച്ചിൻ ബേബി നയിക്കും.
വിഷ്ണു വിനോദ് ആണ് വൈസ് ക്യാപ്റ്റൻ.
സഞ്ജു സാംസൺ, എസ്. ശ്രീശാന്ത്, മുഹമ്മദ് അസ്ഹറുദിൻ തുടങ്ങിയവരും ടീമിൽ ഇടംനേടി.
ആറു നഗരങ്ങളിലായി ഈ മാസം 20 മുതൽ മാർച്ച് 14വരെയാണ് മത്സരം. സൂററ്റ്, ഇൻഡോർ, ബംഗളൂരു, കോൽക്കത്ത, ജയ്പൂർ എന്നീ വേദികളെ കൂടാതെ പ്ലേറ്റ് ഗ്രൂപ്പ് ടീമുകൾ തമിഴ്നാട്ടിലെ വിവിധ ഇടങ്ങളിൽ തങ്ങളുടെ മത്സരങ്ങൾ കളിക്കും. ടൂർണമെന്‍റിനായി വരുന്ന താരങ്ങൾ വരുന്ന പതിമൂന്നാം തീയതി ബയോ ബബിളിൽ പ്രവേശിക്കണം. ഇക്കാലയളവിൽ താരങ്ങൾക്കും സപ്പോർട്ട് സ്റ്റാഫിനും മൂന്ന് തവണ കോവിഡ് പരിശോധന നടത്തും.
കേരളം ഗ്രൂപ്പ് സിയിലാണ്. കർണാടക, യുപി, ഒഡീഷ, റെയിൽവേയ്സ്, ബീഹാർ എന്നീ ടീമുകൾ അടങ്ങിയ സി ഗ്രൂപ്പ് മത്സരങ്ങൾ ബംഗളൂരുവിലാണ്
