17.1 C
New York
Friday, September 17, 2021
Home Kerala കേരളത്തില്‍ ഒരു കോടി തെങ്ങിന്‍തൈ നടാന്‍ പദ്ധതി; 'നാര്‍ക്കോട്ടിക് ജിഹാദ്' വിഷയം പാലാ ബിഷപ്പ് ആവശ്യപ്പെട്ടാല്‍...

കേരളത്തില്‍ ഒരു കോടി തെങ്ങിന്‍തൈ നടാന്‍ പദ്ധതി; ‘നാര്‍ക്കോട്ടിക് ജിഹാദ്’ വിഷയം പാലാ ബിഷപ്പ് ആവശ്യപ്പെട്ടാല്‍ സഹായിക്കുമെന്നും സുരേഷ് ഗോപി

തൃശ്ശൂര്‍: നാര്‍ക്കോട്ടിക് ജിഹാദ് വിഷയത്തില്‍ ബിഷപ്പ് ആവശ്യപ്പെട്ടാല്‍ സഹായം നല്‍കുമെന്ന് സുരേഷ് ഗോപി എം.പി. തൃശ്ശൂരില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. പരാതികളുണ്ടെങ്കില്‍ പരിഹരിക്കുക എന്നത് പാര്‍ലമെന്റംഗം എന്ന നിലയില്‍ തന്റെ ചുമതലയാണെന്നും സുരേഷ് ഗോപി പറഞ്ഞു.

കേരളത്തില്‍ വരുംകാലങ്ങളില്‍ ഒരു കോടി തെങ്ങില്‍ തൈ നടാന്‍ പദ്ധതിയുണ്ടാക്കുമെന്ന് അദേഹം വ്യക്തമാക്കി. മൂന്നരക്കോടി ജനസംഖ്യയുള്ള കേരളത്തില്‍ നാലില്‍ ഒരാള്‍ ഒരു തൈ വച്ച് നട്ടാല്‍ ഇത് സാധ്യമാകുമെന്നും അതിനുള്ള എല്ലാ പിന്തുണയും നല്‍കാന്‍ കൂടെയുണ്ടാകുമെന്നും സുരേഷ്ഗോപി പറഞ്ഞു.

നാളികേര വികസന കോര്‍പ്പറേഷന്‍ അംഗമായ ശേഷം, തൃശൂര്‍ തിരുവില്വാമലയില്‍ സാഹിത്യകാരന്‍ വി.കെ.എന്നിന്റെ വീട്ടില്‍ തെങ്ങിന്‍തൈ നട്ടശേഷം സംസാരിക്കുകയായിരുന്നു അദ്ദേഹം. പഞ്ചായത്തില്‍ 1001 തെങ്ങിന്‍തൈകള്‍ വിതരണം ചെയ്യുന്ന പരിപാടിയുടെ ഭാഗമായാണ് തെങ്ങിന്‍ തൈ നട്ടത്.

ജനിതക മാറ്റം വരുത്തിയ സങ്കരയിനം തെങ്ങിനങ്ങളേക്കാള്‍ നാടന്‍ തൈകള്‍ക്കാണ് താന്‍ പരിഗണന നല്‍കുന്നത്. ഇത്തരം തൈകള്‍ നട്ടുപിടിപ്പിക്കുമ്പോള്‍ കായ്ഫലത്തിന് കാലതാമസം നേരിടുമെങ്കിലും അതിന്റെ ഗുണനിലവാരം ഏറെയാണെന്ന് തെളിഞ്ഞിട്ടുള്ളതാണ്. നാളികേരം കൂടാതെ തെങ്ങില്‍ നിന്ന് ലഭിക്കുന്ന മറ്റ് ഉല്‍പ്പന്നങ്ങള്‍ ഉണ്ടാക്കി കയറ്റുമതി ചെയ്യുകവഴി കൂടുതല്‍ വിദേശനാണ്യം നേടിയെടുക്കാന്‍ കഴിയുമെന്നും അദ്ദേഹം പറഞ്ഞു.

കേരളത്തെ കൂടാതെ, തമിഴ്‌നാട്, കര്‍ണാടക എന്നിവിടങ്ങളിലും പദ്ധതി പ്രായോഗികമാക്കാനുള്ള നടപടികള്‍ കൈക്കൊള്ളുമെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ ബിജെപി തൃശൂര്‍ ജില്ലാ പ്രസിഡന്റ് അഡ്വ. കെ.കെ. അനീഷ്‌കുമാര്‍, ചേലക്കര മണ്ഡലം പ്രസിഡന്റ് പി.ആര്‍. രാജ്കുമാര്‍, തിരുവില്വാമല ഗ്രാമപഞ്ചായത്ത് പ്രസിഡന്റ് സ്മിത സുകുമാരന്‍, വൈസ് പ്രസിഡന്റ് ബാലകൃഷ്ണന്‍, വി.സി. പ്രകാശന്‍, പി.എസ്. കണ്ണന്‍ തുടങ്ങിയവര്‍ പങ്കെടുത്തു.

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

“പൊന്നോണം എന്റെ സങ്കല്പത്തിൽ..” (ലേഖന മത്സരം – (15)

അത്തം പത്തോണം.അത്തം തുടങ്ങി തിരുവോണ നാളുവരയും ചാണകംമെഴുകിയ മുറ്റത്തു പൂക്കളം തീർക്കുകയാണ് കുട്ടികൾ.ചിലയിടത്ത് തിരുവോണ നാളാകുമ്പോഴേക്കും പൂക്കളുടെ നിരയിൽ വെള്ള നിറത്തിലുള്ള പൂക്കൾക്കാണ് പ്രാധാന്യം; തുമ്പ പൂവിനു തന്നെ എന്നും പറയാം.എന്നാൽ ഇവിടെ...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (14)

ഓർമ്മകളിലെ വസന്തമാണ് ഓണം. "മാവേലി നാട് വാണീടും കാലം മാനുഷരെല്ലാരും ഒന്ന് പോലെ " എന്ന് പാടി പതിഞ്ഞ ഗാന ശീലുകളിലൂടെ ഓരോ ഓണവും സമത്വ സുന്ദരമായ ഒരു കാലഘട്ടത്തെ സങ്കൽപ്പത്തിൽ കാണുകയും...

“പൊന്നോണം എന്റെ സങ്കല്പത്തിൽ..” (ലേഖന മത്സരം – (13)

ചിങ്ങ പുലരിയുടെ തേരിലേറി പൊന്നോണം വരവായി. കള്ളം ഇല്ലാത്ത, ചതിയില്ലാത്ത, അക്രമവും, പീഡനങ്ങളും ഇല്ലാത്ത, എല്ലാവരിലും സമത്വം കളിയാടിയിരുന്ന ഒരു നല്ല നാളിന്റെ സ്മരണകൂടിയാണ് പൊന്നോണം. കഥയിൽ മഹാബലി ചക്രവർത്തി ആദർശപുരുഷനും, ശ്രീ...

മീര പിന്നെയും… (കഥ) അമ്പിളി ദിലീപ്

കടലിൽ മഴ പെയ്യുകയാണ്. കരയിലേക്ക് വീശിയടിക്കുന്ന പിശറൻ കാറ്റിൽ അവളുടെ ഉടൽ വിറകൊണ്ടു. കറുപ്പിൽ വെളുത്ത പൂക്കൾ ചിതറിക്കിടക്കുന്ന നനുത്ത സാരിയുടെ തല പെടുത്തു അവൾ ചുമലിലൂടെ പുതച്ചു. ഏറെക്കുറെ വിജനമായ കടൽതീരത്തെ...
WP2Social Auto Publish Powered By : XYZScripts.com