കുറ്റ്യാടിയില്‍ കെ പി കുഞ്ഞമ്മദ് കുട്ടി സിപിഎം സ്ഥാനാര്‍ഥിയാകും

കുറ്റ്യാടിയില്‍ കെ പി കുഞ്ഞമ്മദ് കുട്ടി സിപിഎം സ്ഥാനാര്‍ഥിയാകും.കോഴിക്കോട് ജില്ലാ സെക്രട്ടറിയേറ്റിലാണ് തീരുമാനം. എ എ റഹീം, ടി പി ബിനീഷ് എന്നീ യുവ നേതാക്കളുടെ പേരുകളാണ് ഇന്നലെ വരെ ഉയര്‍ന്നുകേട്ടത്. ടി പി ബിനീഷ് നിലവില്‍ സിപിഎം ഒഞ്ചിയം ഏരിയാ സെക്രട്ടറിയാണ്. എ എ റഹീം ഡിവൈഎഫ്ഐ സംസ്ഥാന സെക്രട്ടറിയും. എന്നാല്‍ കുഞ്ഞമ്മദ് കുട്ടിയെ സ്ഥാനാര്‍ഥിയാക്കാനാണ് സിപിഎം ജില്ലാ നേതൃത്വം തീരുമാനിച്ചത്. എല്‍ഡിഎഫ് ജോസ് വിഭാഗത്തിനാണ് കുറ്റ്യാടി മണ്ഡലം ആദ്യം നല്‍കിയത്. ഇതിനെതിരെ സിപിഎം പ്രവര്‍ത്തകര്‍ തെരുവിലിറങ്ങി പ്രതിഷേധിച്ചിരുന്നു. തുടർന്ന് കുറ്റ്യാടി സീറ്റ് സിപിഎമ്മിന് വിട്ടു നൽകുകയായിരുന്നു.