അടിമാലി.കുഞ്ചിത്തണ്ണി ഇരുപതാർ നെല്ലിക്കാട്ടിൽ റോഡരികിൽ നിന്ന 4 പേരെ ഇടിച്ചിട്ട കാറിന് രാത്രിയിൽ അജ്ഞാതർ തീയിട്ടു
നെല്ലിക്കാട് സ്വദേശി മണിയുടെ ഉടമസ്ഥതയിലുള്ള കാറാണ് ശനി വൈകിട്ട് അഞ്ചരയോടെ കത്തിന് നശിച്ചത് . കാർ ഇടിച്ചു പരുക്കേറ്റ നെല്ലിക്കാട് കുന്നുംപുറത്ത് അജി ( 42 ) , നിത്യ ( 30 ) , ആർ.കണ്ണൻ ( 40 ) , മുലക്കടെ വാഴയിൽ സുധാകരൻ ( 55 ) എന്നിവർ അടിമാലിയിലെ വിവിധ ആശുപത്രികളിൽ ചികിത്സയിലാണ് . അപകടം നടക്കുമ്പോൾ മണിയാണ് വാഹനം ഓടിച്ചിരുന്നത് . മണിയും അജിയും തമ്മിൽ മുൻപും ചില പ്രശ്നങ്ങൾ ഉണ്ടായിരുന്നതായി റിപ്പോർട്ട് ഉണ്ട്. അപകടത്തെ തുടർന്ന് പ്രകോപിതരായ നാട്ടുകാരിൽ ചിലർ വാഹനം തല്ലി ത്തകർക്കാൻ ശ്രമിച്ചിരുന്നു
രാജാക്കാട് പൊലീസ് സ്ഥലത്ത് എത്തി യെങ്കിലും മണിയെ കണ്ടെത്താൻ കഴിഞ്ഞില്ല
സമീപത്തെ ഏലത്തോട്ടത്തിനു സമീപം നിർത്തിയിട്ടിരുന്ന കാർ അർധരാത്രിയോടെ അജ്ഞാതർ കത്തിക്കുകയായിരുന്നു.
മനപൂർവം കൊലപ്പെടുത്താനുള്ള ശ്രമമായിരുന്നെന്ന് പരുക്കേറ്റവർ മൊഴി നൽകിയതിന്റെ അടിസ്ഥാനത്തിൽ കൊലപാതകശ്രമ അടക്കമുള്ള വകുപ്പുകൾ ചേർത്ത് മണിക്കെതിരെ കേസ് എടുത്തതാ യി രാജാക്കാട് സിഐ എച്ച് എൽ ഹണി പറഞ്ഞു . വാഹനം കത്തിച്ച സംഭവത്തിലും പൊലീസ് കേസ് എടുത്തു.
