17.1 C
New York
Monday, February 6, 2023
Home Kerala കാല്‍പന്തു മൈതാനങ്ങളെ ത്രസിപ്പിച്ച എക്കാലത്തെയും മികച്ച നക്ഷത്രങ്ങള്‍ക്ക് ജന്മദിനത്തില്‍ ആശംസകളര്‍പ്പിച്ച്‌ ലോകം.

കാല്‍പന്തു മൈതാനങ്ങളെ ത്രസിപ്പിച്ച എക്കാലത്തെയും മികച്ച നക്ഷത്രങ്ങള്‍ക്ക് ജന്മദിനത്തില്‍ ആശംസകളര്‍പ്പിച്ച്‌ ലോകം.

Bootstrap Example

കാല്‍പന്തു മൈതാനങ്ങളെ ത്രസിപ്പിച്ച എക്കാലത്തെയും മികച്ച നക്ഷത്രങ്ങള്‍ക്ക് ജന്മദിനത്തില്‍ ആശംസകളര്‍പ്പിച്ച്‌ ലോകം. ക്രിസ്റ്റ്യാനോ 36ൻ്റെ തിളക്കത്തില്‍ നില്‍ക്കുമ്പോള്‍ 29 പൂര്‍ത്തിയാക്കിയാണ് ബ്രസീലിയന്‍ താരം നെയ്മര്‍ ജന്മദിനം ആഘോഷിക്കുന്നത്. ഇരുവര്‍ക്കും അനുമോദനങ്ങളുമായി സമൂഹ മാധ്യമങ്ങള്‍ സജീവമാണ്. പോര്‍ച്ചുഗലിലെ ഫംകലില്‍ 1985 ഫെബ്രുവരി അഞ്ചിന് ജനിച്ച ക്രിസ്റ്റ്യാനോ റൊണാള്‍ഡോ ഡോസ് സാന്‍റാസ് അവീരോ ഇതിനകം യൂറോപിലെ മുന്‍നിര ക്ലബുകളിലും ദേശീയ ജഴ്സിയിലും റെക്കോഡുകളുടെ പെരുക്കം തീര്‍ത്താണ് വെറ്ററന്‍ പ്രായത്തിലും ജ്വലിച്ചുനില്‍ക്കുന്നത്. മാഞ്ചസ്റ്റര്‍ യുനൈറ്റഡിലും റയല്‍ മഡ്രിഡിലും ഒടുവില്‍ യുവന്‍റസിലും റോണോ ജയിച്ച പതക്കങ്ങള്‍ സമാനതകളില്ലാത്തത്.വെറ്ററന്‍ കരുത്തുമായി യുവന്‍റസിലെത്തിപ്പോഴും താരം വിജയക്കുതിപ്പിൻ്റ വഴി തുടരുകയാണ്. 760ലേറെ തവണ ലക്ഷ്യംകണ്ട് ലോകത്തെ ഏറ്റവും മികച്ച ഗോള്‍വേട്ടക്കാരനായി തലയുയര്‍ത്തിനില്‍ക്കുന്ന റൊണാള്‍ഡോ പ്രായം 36ലെത്തിയിട്ടും ഇരട്ടി വേഗവുമായി ഗോളും കളിയും നയിക്കുന്നത് തുടരട്ടെയെന്നാണ് ജന്മദിനത്തില്‍ ലോകത്തിൻ്റ പ്രാര്‍ഥന. ഫോര്‍ബ്സ് പട്ടികയില്‍ ലോകത്തെ ഏറ്റവും വിലയേറിയ മൂന്നാമത്തെ താരമായ നെയ്മര്‍ കുഞ്ഞുനാളിലേ കായിക ലോകത്തെ കൂടെക്കൂട്ടിയ ഫുട്ബോളറാണ്. മുന്നേറ്റത്തില്‍ ഇതിഹാസ നായകന്‍ പെലെക്ക് പിന്‍ഗാമിയായി സാംബ ജഴ്സിയില്‍ 18ാം വയസ്സില്‍ ബൂട്ടണിഞ്ഞ നെയ്മര്‍ രാജ്യത്തിനായി ഏറ്റവും കൂടുതല്‍ ഗോള്‍ നേടിയ രണ്ടാമത്തെ താരമാണ്. മുന്നിലുള്ളത് പെലെ മാത്രം. 2011 ല്‍ ദക്ഷിണ അമേരിക്കന്‍ യൂത്ത് ചാമ്ബ്യന്‍ഷിപ്പില്‍ ബ്രസീല്‍ കിരീടം ചൂടുമ്പോള്‍ നാട്ടുകാര്‍ ശരിക്കും ആഘോഷിച്ചത് ഈ പയ്യന്‍സിനെ. 2013ലെ കോണ്‍ഫെഡറേഷന്‍ കപ്പില്‍ ഗോള്‍ഡന്‍ ബോളിനുടമയും നെയ്മര്‍ മാത്രം. 2017ല്‍ 22.2 കോടി യൂറോക്ക് ബാഴ്സയിലെത്തിയെങ്കിലും കാര്യങ്ങള്‍ അതിവേഗം താളം തെറ്റി. പിന്നീട് നെയ്മര്‍ പൊങ്ങുന്നത് ഫ്രഞ്ച് സൂപര്‍ ടീമായ പി.എസ്.ജി ജഴ്സിയില്‍- അതും റെക്കോഡ് തുകക്ക്. കളി മികവിനെയും ജയിക്കാന്‍ പോന്ന വിവാദങ്ങളിലും പലപ്പോഴായി നെയ്മര്‍ നായകനായി. പക്ഷേ, അവയെ ഒരുവശത്തുനിര്‍ത്തി നെയ്മര്‍ ജൂനിയര്‍ കുതിപ്പ് തുടരുകയാണ്.

Facebook Comments

COMMENTS

- Advertisment -

Most Popular

അമ്മ കൈവിട്ട കുഞ്ഞുങ്ങൾ (കവിത )

അമ്മ കൈവിട്ട കുഞ്ഞുങ്ങളെക്കാൾ ആരുണ്ട് ഹത ഭാഗ്യരായ് എന്നോർക്കുകിൽ അതിൽ പരം ദുഖിതർ ആരുമേയില്ലെന്നുള്ളതാണു സത്യം.. മറ്റൊന്നുമില്ലെങ്കിലും അമ്മ തൻ സാമീപ്യം നൽകും സാന്ത്വനക്കുളിർ പോലെ വേറെയില്ലയൊന്നും ഈ ഉലകില്ലെന്നുള്ളതും സത്യം അമ്മ കൈവിട്ട കുഞ്ഞുങ്ങൾ ഒരിക്കൽ കരഞ്ഞോതീ ഈശ്വരാ എന്തിനു ഞങ്ങളീ ഭൂമിക്ക് ഭാരമായ് പാരിൽ അവജ്ഞക്കു പാത്രമായ് ആർക്കും...

നീരദം (കവിത)✍ജയേഷ് പണിക്കർ

നീലിച്ചൊരാകാശ മൈതാനിയിൽ ഓടിക്കളിച്ചു രസിച്ചിടുന്നു ഏറെക്കറുത്തൊരാ മേഘജാലം  പിന്നതാ വന്നെത്തിശുഭ്രവർണ്ണം തമ്മിലടുക്കില്ല രണ്ടു പേരും കണ്ടാലതങ്ങനെയോടി മാറും പഞ്ഞിക്കിടക്കവിരിച്ച പോലെ പമ്മിപ്പതുങ്ങി നടന്നിടുന്നു കുഞ്ഞിച്ചിറകതു വീശിയെത്തും കുഞ്ഞാറ്റക്കുരുവിയെ പോലങ്ങനെ ഭീതിയങ്ങേറ്റം ജനിപ്പിച്ചിടും ആകെയിരുണ്ടതാം കാർമേഘവും കാണുമ്പോളാനന്ദനൃത്തമാടും കേകികളങ്ങനെ ഭംഗിയോടെ സങ്കടമങ്ങനെയേറിടുമ്പോൾ പെയ്തങ്ങൊഴിയും മിഴിനീരു പോൽ ജയേഷ് പണിക്കർ✍

വാർത്തകൾ വിരൽത്തുമ്പിൽ | 2023 | ഫെബ്രുവരി 6 | തിങ്കൾ

◾സംസ്ഥാനത്തു പോലീസിന്റെ ഗുണ്ടാവേട്ടയില്‍ 2,507 ഗുണ്ടകള്‍ പിടിയിലായി. 'ഓപറേഷന്‍ ആഗ്' എന്നു പേരിട്ടു നടത്തിയ തെരച്ചിലില്‍ ഒളിവിലായിരുന്ന ഗുണ്ടകളും ലഹരി കേസ് പ്രതികളും കസ്റ്റഡിയിലായി. 297 ഗുണ്ടകളെ പിടികൂടിയ തിരുവനന്തപുരം ജില്ലയാണ് ഗുണ്ടാവേട്ടയില്‍...

ശ്വാസം മുട്ടി മരിച്ചതായി കരുതുന്ന ഒരു രോഗിയെ ജീവനോടെ ബോഡി ബാഗിനുള്ളിൽ കണ്ടെത്തി,ഫ്യൂണറൽ ഹോം തൊഴിലാളികൾ ഞെട്ടി 

അയോവ: അയോവ സംസ്ഥാനത്തെ ഒരു മെഡിക്കൽ സെന്ററിലെ ജീവനക്കാർ, ഹോസ്പിസ് കെയറിലായിരുന്ന 66 കാരിയായ സ്ത്രീ മരിച്ചെന്ന് തെറ്റിദ്ധരിക്കുകയും കറുത്ത പ്ലാസ്റ്റിക് ബാഗിലാക്കി ഒരു ഫ്യൂണറൽ ഹോമിലേക്ക് അയക്കുകയും ചെയ്തു , എന്നാൽ...
Facebook Comments
WP2Social Auto Publish Powered By : XYZScripts.com
error: