17.1 C
New York
Saturday, August 13, 2022
Home Kerala കാട്ടാന ആക്രമണം

കാട്ടാന ആക്രമണം

മലപ്പുറം: നിലമ്പൂര്‍ ടൗണിലിറങ്ങിയ കാട്ടാന പള്ളിമുറ്റത്ത് യുവാവിനെ ആക്രമിച്ചു. പുലര്‍ച്ചെ ആറു മണിയോടെയാണ് ആന ടൗണിലിറങ്ങിയത്. നിലമ്പൂര്‍ സ്വദേശി ക്ലിന്റണ്‍ കാട്ടാനയുടെ ആക്രമണത്തില്‍ പരുക്കേറ്റ് ജില്ലാ ആശുപത്രിയില്‍ ചികിത്സയിലാണ്.

ഞായറാഴ്ച പുലര്‍ച്ചെ ആറു മണിയോട നിലമ്പൂര്‍ ഇന്‍ഫന്റ് ജീസസ് ദേവാലയത്തിനു മുന്നില്‍ വച്ചാണ് യുവാവിനെ കാട്ടാന ആക്രമിച്ചത്. നിലമ്പൂര്‍ എയ്ഞ്ച് ലാന്റ് വീട്ടില്‍ ആന്റണി അന്നമ്മ ദമ്പതികളുടെ മകനായ ക്ലിന്റനാണ് കാട്ടാനയുടെ ആക്രമണത്തില്‍ പരുക്കേറ്റത്. പള്ളിമുറ്റത്തെത്തിയ ആന അവിടെ സ്‌കൂട്ടറിലെത്തിയ ക്ലിന്റെന്റെ സ്‌കൂട്ടര്‍ കുത്തിമറിച്ചിടുകയായിരുന്നു. വീണ്ടും ആക്രമിക്കാന്‍ ഒരുങ്ങിയപ്പോഴേക്കും ആളുകള്‍ ബഹളം വച്ചപ്പോള്‍ ആന ഒഴിഞ്ഞു പോയി. തുടര്‍ന്ന് ആനയെ തിരികെ കാട്ടിലേക്കു കയറ്റിവിട്ടു.

നിലമ്പൂര്‍.ഗവ: മാനവേദന്‍ സ്‌കൂളിന്റെ ഭാഗത്തു നിന്നും എത്തിയ ഒറ്റ കൊമ്പന്‍ നിലമ്പൂര്‍ വനം വകുപ്പ് കാര്യാലയത്തിന്റെ ഗേറ്റിലൂടെയാണ് ഉള്ളില്‍ കയറിയത്. അവിടെ നിന്നു റോഡിലെത്തിയ ആന നിലമ്പൂര്‍ സ്വദേശി രാജീവിനെ ആക്രമിക്കാനായി എത്തി. ആളുകള്‍ ബഹളം വച്ചതോടെ അവിടെ നിന്നും വഴിമാറിയ ആന മിനി ബൈപ്പാസ് വഴി ക്ലാസിക്ക് കോളേജ് റോഡ് വഴിയാണ് ഇന്‍ഫെന്റ് ദേവാലയത്തിന്റെ മുന്നിലെത്തിയത്. നാട്ടുകാര്‍ വിവരം അറിയിച്ചതോടെ ആര്‍.ആര്‍.ടി ടീം, നിലമ്പൂര്‍ നോര്‍ത്ത് സി.എഫ്.ഒ, മാര്‍ട്ടിന്‍ ലോവല്‍, നഗരസഭാ ഉപാധ്യക്ഷ അരുമ ജയ കൃഷ്ണന്‍, എന്നിവരും സ്ഥലത്ത് എത്തി, ആനയെ കാട്ടിലേക്ക് തിരിച്ചയച്ചു.

നിലമ്പൂര്‍ ടൗണിലേക്ക് കാട്ടാന ഇറങ്ങാതിരിക്കാന്‍ നടപടി സ്വീകരിക്കുമെന്ന് നിലമ്പൂര്‍ നോര്‍ത്ത് ഡി.എഫ്.ഒ, മാര്‍ട്ടിന്‍ ലോവല്‍ പറഞ്ഞു, ടാണിലേക്ക് ആന എത്താന്‍ സാധ്യതയുള്ള സ്ഥലങ്ങളില്‍ കാവലിനായി 7 വാച്ചര്‍മാരെ നിയമിക്കും, വനം വകുപ്പ് രാത്രി കാല പട്രോളിംഗ് നടത്തും, വൈദ്യുതി വേലി തകര്‍ന്ന ഭാഗത്ത് അവ പുനര്‍നിര്‍മ്മിക്കുമെന്നും ഡി.എഫ് ഒ പറഞ്ഞു. ഒന്നര മണിക്കൂറോളം നിലമ്പൂരിനെ വിറപ്പിച്ച കാട്ടാന വേലികളും നിറുത്തിയിട്ടിരുന്ന വാഹനങ്ങളും തകര്‍ത്തിട്ടുണ്ട്, ക്ലിന്റന്റെ തോള്‍ എല്ലിനും കൈകള്‍ക്കും പരിക്കുണ്ട്.

Facebook Comments

COMMENTS

- Advertisment -

Most Popular

“ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം”:- ഡോക്ടർ ഗോപിനാഥ് മുതുകാട്

"ചെറുപ്പക്കാരായാൽ ഇങ്ങനെ വേണം ഇങ്ങനെ തന്നെ വേണം":- ബഡി ബോയ്സ് ഫിലാഡൽഫിയ എന്ന ശക്തമായ യുവജന കൂട്ടായ്മയുടെ മികച്ച ജീവകാരുണ്യ പ്രവർത്തനങ്ങളുടെ ചരിത്രമറിഞ്ഞ ഡോക്ടർ ഗോപിനാഥ് മുതുകാടിന്റെ വാക്കുകളാണ് ഇത്. 'ബഡി ബോയ്സ്': ക്ലാസിൽ പിൻ...

എഴുത്തുകാരൻ സൽമാൻ റുഷ്ദി വെന്റിലേറ്ററില്‍; നില ഗുരുതരം

  ന്യൂയോർക്ക് -- യു.എസിൽവച്ച് ആക്രമണത്തിനിരയായ എഴുത്തുകാരൻ സൽമാൻ റുഷ്ദിയുടെ നില ഗുരുതരം. അദ്ദേഹം വെന്റിലേറ്ററിലാണെന്നും ഒരു കണ്ണിന്റെ കാഴ്ചശക്തി നഷ്ടപ്പെട്ടേക്കുമെന്നും അദ്ദേഹത്തോട് അടുപ്പമുള്ളവരെ ഉദ്ധരിച്ച് എ.എഫ്.പി വാർത്താ ഏജൻസി റിപ്പോർട്ടുചെയ്തു. അക്രമിക്ക് ഇറാൻ...

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി.

ലിംഗസമത്വ യൂണിഫോം അടിച്ചേല്പിക്കില്ലെന്നാവര്‍ത്തിച്ച് വിദ്യാഭ്യാസ മന്ത്രി വി ശിവന്‍കുട്ടി. ഇതു സംബന്ധിച്ച സമരത്തിൽ നിന്ന് പിന്തിരിയണം. സർക്കാർ നിലപാട് സംശയങ്ങള്‍ക്ക് ഇടയില്ലാത്തത് ആണ്. എന്നിട്ടും ഈ വിഷയത്തില്‍ തെറ്റിദ്ധാരണ ഉണ്ടായി എന്നും മന്ത്രി അഭിപ്രായപ്പെട്ടു. ലിംഗസമത്വ...

ജിദ്ദ നവോദയ യൂണിറ്റ് കൺവൻഷനുകൾ പുരോഗമിക്കുന്നു

ജിദ്ദ നവോദയ ഖാലിദ് ബിൽ വലീദ് ഏരിയ കമ്മിറ്റിക്ക് കീഴിലെ അൽ വഹ സഹ്റാൻ യൂണിറ്റ് കൺവൻഷൻ സഖാവ് ധീരജ് നഗറിൽ സെൻട്രൽ കമ്മിറ്റി അംഗം സഖാവ് യൂസുഫ് മേലാറ്റൂർ ഉത്ഘാടനം ചെയ്തു....
Facebook Comments
WP2Social Auto Publish Powered By : XYZScripts.com
error: