ഏഷ്യയിലെ ഏറ്റവും വലിയ സമ്പന്നൻ എന്ന സ്ഥാനം വീണ്ടും തിരിച്ച് പിടിച്ച് മുകേഷ് അംബാനി.

ഏഷ്യയിലെ ഏറ്റവും വലിയ സമ്പന്നൻ എന്ന സ്ഥാനം വീണ്ടും തിരിച്ച് പിടിച്ച് മുകേഷ് അംബാനി. 8,280 കോടി ഡോളറാണ് മുകേഷ് അംബാനിയുടെ ആസ്തി* ഇതോടെ ചൈനയിലെ ഴോങ് ഷാൻ ഷനേക്കാൾ സമ്പന്നനായി വീണ്ടും അംബാനി മാറി. ചൈനീസ് ശതകോടീശ്വരനായ ഴോങ് ഷാൻഷനിൻെറ കുപ്പിവെള്ള കമ്പനിയുടെ ഓഹരികൾ 20 ശതമാനം ഇടിഞ്ഞതാണ് മുകേഷ് അംബാനിയ്ക്ക് സ്ഥാനം തിരികെ നൽകിയത്. ഴോങിൻെറ ആസ്തി 7660 കോടി ഡോളറാണ്. ആലിബാബ ഗ്രൂപ്പ് സ്ഥാപകൻ ജാക്ക് മായെ പിന്നിലാക്കി കഴിഞ്ഞ രണ്ട് വർഷം ഏഷ്യയിലെ ഏറ്റവും ധനികൻ എന്ന പദവി മുകേഷ് അംബാനി നിലനിര്‍ത്തിയിരുന്നു. കഴിഞ്ഞ വർഷം ബ്ലൂംബർഗ് ആഗോള ശതകോടീശ്വര പട്ടികയിൽ നാലാം സ്ഥാനത്തെത്തിയ അംബാനി പിന്നീട് പത്താം സ്ഥാനത്തേക്ക് പിന്തള്ളപ്പെട്ടിരുന്നു. അദ്ദേഹത്തിൻെറ ഇപ്പോഴത്തെ ആസ്തി 8,280 കോടി ഡോളറെങ്കിലും, കഴിഞ്ഞ വർഷം ഇത് 9,000 കോടി ഡോളറായിരുന്നു. 2020 ഡിസംബർ അവസാനമാണ് അംബാനിയ്ക്ക് ഈ സ്ഥാനം നഷ്ടമായത്. കഴിഞ്ഞ ഒറ്റയാഴ്ച കൊണ്ട് 2200 ഡോളറിലേറെയാണ് ആസ്തിയിലെ ഇടിവ് വിപണിയിൽ അസ്ഥിരമായ സ്ഥിതി നിലനിന്നിട്ടും, മുകേഷ് അംബാനിയുടെ റിലയൻസ് ഇൻഡസ്ട്രീസ് ലിമിറ്റഡ്, പരിക്കേൽക്കാതെ രക്ഷപെടാൻ കാരണമുണ്ട്. കമ്പനിയുടെ എണ്ണ-രാസവസ്തുക്കളുടെ ബിസിനസ്സ് ഒരു സ്വതന്ത്ര യൂണിറ്റാക്കി മാറ്റുമെന്നും പ്രത്യേക ശാഖ രൂപീകരിയ്ക്കും എന്നുമുള്ള പ്രഖ്യാപനമാണ് കമ്പനിയ്ക്ക് തുണയായത്.