17.1 C
New York
Wednesday, November 30, 2022
Home Kerala ഇന്ധന വില വർധനവ് സിപിഎമ്മും സര്‍ക്കാരും പ്രതിഷേധിക്കുന്നത് ആത്മാര്‍ത്ഥതയോടെയല്ല.. K...

ഇന്ധന വില വർധനവ് സിപിഎമ്മും സര്‍ക്കാരും പ്രതിഷേധിക്കുന്നത് ആത്മാര്‍ത്ഥതയോടെയല്ല.. K C ജോസഫ്

Bootstrap Example

കണ്ണൂര്‍ : പെട്രോളിയം ഉല്‍പ്പന്നങ്ങളുടെ വില ദിവസേന ഉയരുമ്പോള്‍ സിപിഎമ്മും സര്‍ക്കാരും പ്രതിഷേധിക്കുന്നത് ആത്മാര്‍ത്ഥതയോടെ അല്ലെന്നും ആണെങ്കില്‍ നികുതി ഒഴിവാക്കി ജീവിതഭാരം കുറക്കാനുള്ള നടപടിയാണ് എടുക്കേണ്ടതെന്നും കോണ്‍ഗ്രസ് പാര്‍ലമെന്ററി പാര്‍ട്ടി ഡപ്യൂട്ടി ലീഡര്‍ കെ സി ജോസഫ് പറഞ്ഞു.

പെട്രോള്‍- ഡീസല്‍, പാചകവാതക വില വര്‍ദ്ധനവിലും സംസ്ഥാനത്ത് നടക്കുന്ന പിന്‍വാതില്‍ നിയമനത്തിലും പ്രതിഷേധിച്ച് യുഡിഎഫ് ജില്ലാ കമ്മിറ്റിയുടെ ആഭിമുഖ്യത്തില്‍ കലക്ടറേറ്റ് പടിക്കല്‍ നടത്തിയ പ്രതിഷേധ ധർണ്ണാ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

യുപിഎ ഭരണകാലത്ത് പെട്രോളിയം ഉല്‍പ്പന്നങ്ങളുടെ വില ഉയര്‍ന്നപ്പോള്‍ അന്ന് കേരളം ഭരിച്ചിരുന്ന ഉമ്മന്‍ചാണ്ടി സര്‍ക്കാര്‍ സംസ്ഥാന സര്‍ക്കാരിന് ലഭിക്കുമായിരുന്ന അധിക നികുതി ഒഴിവാക്കി ജനങ്ങള്‍ക്ക് ആശ്വാസം പകരുകയാണ് ഉണ്ടായത്.

ആ പാത പിണറായി സര്‍ക്കാര്‍ കാണിക്കണം. ഒരു വശത്ത് കേന്ദ്രത്തിനെ പഴിചാരുകയും മറുവശത്ത് കിട്ടുന്നതെല്ലാം ആകട്ടെയെന്ന സമീപനമാണ് പിണറായി സ്വീകരിക്കുന്നത്. ഇത് ജനവഞ്ചനയാണ് ഇനിയെങ്കിലും ജനങ്ങളോട് സര്‍ക്കാര്‍ കൂറ് കാണിക്കണമെന്നും കെ സി ജോസഫ് പറഞ്ഞു.

തൊഴിലന്വേഷകരായ ഉദ്യോഗാര്‍ത്ഥികളെ തെരുവിലിറക്കിയത് സംസ്ഥാന സര്‍ക്കാരാണ്. രാവും പകലും പഠിച്ച് പിഎസ് സി പരീക്ഷ എഴുതി വിജയിച്ച ഉദ്യോഗാര്‍ത്ഥി ഒരു തൊഴില്‍ലഭിക്കുമെന്ന് കരുതി കാത്തിരിക്കുകയാണ്. എന്നാല്‍ സര്‍ക്കാരാകട്ടെ ഇക്കാര്യം മറച്ച് വെച്ച് നിയമ വിരുദ്ധമായി താല്‍ക്കാലിക ജീവനക്കാരെ സ്ഥിരപ്പെടുത്തുകയും പാര്‍ട്ടി നേതാക്കളുടെയും മന്ത്രിമാരുടെയും ബന്ധുക്കളെ പിന്‍വാതിലിലൂടെ നിയമിക്കുകയാണ് ചെയ്യുന്നത്.

തൊഴിലന്വേഷകരായ ഉദ്യോഗാര്‍ത്ഥികളെ വഞ്ചിക്കുന്ന നിലപാടാണ് ഇത്. റാങ്ക് ഹോള്‍ഡര്‍മാരായ ഉദ്യോഗാര്‍ത്ഥികള്‍ സമരം നടത്തുന്നത് രാഷ്ട്രീയതട്ടിപ്പാണെന്ന് പറയുന്ന ഡിവൈഎഫ്‌ഐക്കാര്‍ കഴിഞ്ഞ കാലങ്ങളില്‍ സമരം ചെയ്തിട്ടില്ലേ അന്നൊന്നും ഇല്ലാത്ത രാഷ്ട്രീയബോധം ഇപ്പോള്‍ എവിടെനിന്നാണ് വന്നതെന്ന് കെ സി ജോസഫ് ചോദിച്ചു.

രാജ്യതലസ്ഥാനത്ത് കര്‍ഷകര്‍ ന്യായമായ ആവശ്യമുന്നയിച്ച് സമരം നടത്തുമ്പോള്‍ തീവ്രവാദികളും പ്രതിപക്ഷ പാര്‍ട്ടികളുമാണ് സമരം നടത്തുന്നതെന്ന് പ്രചരണം നടത്തുന്നത് പോലെ കേരളത്തില്‍ ഉദ്യോഗാര്‍ത്ഥികളുടെ സമരം നടത്തിക്കുന്നത്പ്രതിപക്ഷമാണെന്ന്പറയുന്ന മുഖ്യമന്ത്രിയും സിപിഎമ്മും ബിജെപി സര്‍ക്കാരിന്റെ അതേ പാത പിന്തുടരുകയാണ്. ഒരു നാണയത്തിന്റെ രണ്ട് വശങ്ങളാണ് രണ്ട് സര്‍ക്കാരുകളെന്നും കെ സി ജോസഫ് എം.എൽ എ പറഞ്ഞു.

പ്രതിഷേധ ധർണ്ണാ സമരത്തില്‍ യുഡിഎഫ് ജില്ലാ ചെയര്‍മാന്‍ പി ടി മാത്യു അധ്യക്ഷതവഹിച്ചു. ഡിസിസി പ്രസിഡന്റ് സതീശന്‍ പാച്ചേനി,മുസ്ലീം ലീഗ് സംസ്ഥാന ഉപാധ്യക്ഷന്‍ വി കെ അബ്ദുള്‍ ഖാദര്‍ മൗലവി,കെപിസിസി ജനറല്‍ സെക്രട്ടറിമാരായ വി എ നാരായണന്‍, അഡ്വ. സോണി സെബാസ്റ്റ്യന്‍, സജീവ് മാറോളി,ചന്ദ്രന്‍ തില്ലങ്കേരി,യുഡിഎഫ് മുന്‍ ജില്ലാ ചെയര്‍മാന്‍ പ്രൊഫ. എ ഡി മുസ്തഫ, മുസ്ലീം ലീഗ് ജില്ലാ ജനറൽ സെക്രട്ടറി അബ്ദുള്‍ കരീം ചേലേരി, വി പി വമ്പന്‍, സിഎംപി നേതാവ് സി എ അജീര്‍, ആര്‍ എസ് പി നേതാവ് ഇല്ലിക്കല്‍ അഗസ്തി, കേരള കോണ്‍ഗ്രസ് നേതാവ് അഡ്വ.റോജസ് സെബാസ്റ്റ്യന്‍, ജോര്‍ജ്ജ് വടകര, ഫോര്‍വേഡ് ബ്ലോക്ക് നേതാവ് അഡ്വ. മനോജ് കുമാര്‍,കെ ടി സഹദുള്ള, സഹജന്‍ പി ജെ, ജോസഫ് മുള്ളന്‍മട, ജോർജ്ജ് കാനാട്ട് തുടങ്ങിയവർ പ്രസംഗിച്ചു.

Facebook Comments

COMMENTS

- Advertisment -

Most Popular

മകനോട് (കവിത) ✍🏻അമ്പിളി പ്രകാശ് ഹ്യൂസ്റ്റൺ, യു.എസ്.എ

അന്യവീട്ടിൽ എത്തിയാൽ എങ്ങനെ പെരുമാറണമെന്ന് അമ്മ പെൺമക്കളെ ഉപദേശിക്കാറുണ്ട്, പഠിപ്പിക്കാറുണ്ട്. ഒപ്പം മകനെയും അമ്മ പലതും ഉപദേശിക്കേണ്ടതും പഠിപ്പിക്കേണ്ടതും ഉണ്ട്. എല്ലാആൺമക്കൾക്കും, മാതാപിതാക്കൾക്കുമായി സമർപ്പിക്കട്ടെ. മകനോട് (കവിത) *************************** മകനെ!! ഇന്നമ്മ കാണുന്നതൊക്കെയും മന:സ്വസ്ഥത കുറയ്ക്കുന്ന കാഴ്ചകൾ... മകനെ..... നീയറിയണം നിൻ വഴിവിളക്കായൊരമ്മയെ.... കുപ്പിവളകൾ കുലുക്കിച്ചിരിക്കുമാ പെങ്ങളെ. അവരടക്കിപ്പിടിച്ചു നടക്കും ദിനങ്ങളെ.... അടുപ്പിൽ...

പൈതൽ (കവിത) ✍അജിത ജയചന്ദ്രൻ

   തെരുവുനായ്ക്കൊരു നേരത്തെ ഭക്ഷണമായ്ത്തീർന്നുഞാൻ ജനനവും മരണവും ഒരു പോലെ തേടി വന്നു .......... പേറ്റുനോവിൻ തളർച്ചയിൽ മാതാവു മയങ്ങുമ്പോൾ, ആദ്യ മുലപ്പാൽ ചുരത്തിയാ മാറിടം മാത്രം വിതുമ്പി നിന്നു കാവലായ് നിൽക്കുമെന്നച്ഛന്റെ താരാട്ടുപാട്ടുകൾ എങ്ങോ മറഞ്ഞു...

മുഖം ബുക്സിന്റെ പുസ്തകപ്രകാശന ചടങ്ങ് തൃശ്ശൂർ പ്രസ്ക്ലബ്ബിൽ വച്ച് നടന്നു

"അക്ഷരങ്ങളിലൂടെ സാന്ത്വനം" എന്നത് മുഖമുദ്രയാക്കി പ്രവർത്തിക്കുന്ന മുഖം ബുക്സിന്റെ പുസ്തകപ്രകാശന ചടങ്ങ് തൃശ്ശൂർ പ്രസ്ക്ലബ്ബിൽ വച്ച് നടന്നു .പ്രമുഖ കവയിത്രി സുനിത സുകുമാരൻ അദ്ധ്യക്ഷത വഹിച്ചു. ശ്രീ.വി. എസ്‌. സുനിൽകുമാറും കലവൂർ രവികുമാറും...

തിയേറ്ററിലെ സുഹൃത്ത്👭 (നർമ്മ കഥ)

കുറെനാൾ ആയിട്ടുള്ള ഭാര്യയുടെ പരാതി തീർക്കാനായി ചന്ദ്രൻ അന്ന് ഓഫീസിൽ നിന്ന് ലീവ് എടുത്തിരുന്നു. മോർണിംഗ് ഷോ സിനിമ, ഒരു മുന്തിയ ഹോട്ടലിൽ നിന്ന് ലഞ്ച്. അതായിരുന്നു അന്നത്തെ അവരുടെ പ്ലാൻ. ചന്ദ്രനും...
Facebook Comments
WP2Social Auto Publish Powered By : XYZScripts.com
error: