17.1 C
New York
Friday, June 18, 2021
Home Kerala ഇടതുമുന്നണി വീണ്ടും അധികാരത്തിലെത്തുമെന്ന് സർവ്വേ ഫലം

ഇടതുമുന്നണി വീണ്ടും അധികാരത്തിലെത്തുമെന്ന് സർവ്വേ ഫലം

കോട്ടയം: നിയമസഭാ തെരഞ്ഞെടുപ്പിലെ വിജയസാധ്യത സംബന്ധിച്ച് കോണ്‍ഗ്രസ് ദേശീയനേതൃത്വം നടത്തിയ ആദ്യ സര്‍വേ നിരാശാജനകം. ജനുവരിയിലെ സാഹചര്യത്തില്‍ തെരഞ്ഞെടുപ്പ് നടന്നാല്‍ ഇടതുമുന്നണി വീണ്ടും അധികാരത്തിലെത്തുമെന്നാണു ഡല്‍ഹി ആസ്ഥാനമായ സ്വകാര്യ ഏജന്‍സി ഹൈക്കമാന്‍ഡിനു റിപ്പോര്‍ട്ട് നല്‍കിയത്. ഇതിന്റെ അടിസ്ഥാനത്തില്‍, പുതുമുഖസ്ഥാനാര്‍ഥികളുടെ പട്ടിക തയാറാക്കി വീണ്ടും സര്‍വേ നടത്താന്‍ ബംഗളുരു ആസ്ഥാനമായ ഏജന്‍സിയെ നിയോഗിച്ചു.

അവര്‍ കഴിഞ്ഞ തിങ്കളാഴ്ച സര്‍വേ ആരംഭിച്ചു. കെ.പി.സി.സി. നേതൃത്വവും ഡി.സി.സികളും നല്‍കിയ പ്രാഥമിക സ്ഥാനാര്‍ഥിപ്പട്ടിക വിലയിരുത്തിയായിരുന്നു ആദ്യ സര്‍വേ. ആ പട്ടികയിലുള്ള ബഹുഭൂരിപക്ഷവും പലതവണ മത്സരിച്ച നേതാക്കളായിരുന്നു. അവരെ ഒഴിവാക്കി, പുതുമുഖങ്ങളുടെ പട്ടിക തയാറാക്കി സര്‍വേ നടത്താനാണു ബംഗളുരു ഏജന്‍സിക്കു െഹെക്കമാന്‍ഡ് നല്‍കിയ നിര്‍ദേശം. കോണ്‍ഗ്രസിന്റെ 21 സിറ്റിങ് എം.എല്‍.എമാരും മത്സരിക്കണമെന്ന കെ.പി.സി.സി. നിര്‍ദേശം െഹെക്കമാന്‍ഡ് അംഗീകരിച്ചിരുന്നു.

ഇവരില്‍ കെ.സി. ജോസഫ് ഇനി ഇരിക്കൂറില്‍ മത്സരിക്കാനില്ലെന്ന് അറിയിച്ചു. അദ്ദേഹത്തിനായി പുതിയ മണ്ഡലം കണ്ടെത്തണം. കുറഞ്ഞത് 90 സീറ്റില്‍ മത്സരിക്കാനാണു കോണ്‍ഗ്രസ് തീരുമാനം.ഇതില്‍ എം.എല്‍.എമാരുടേതൊഴികെ, ബാക്കി 69 മണ്ഡലങ്ങളില്‍ പകുതിയിടത്തും പുതുമുഖങ്ങളെ പരീക്ഷിക്കാനാണു ഹൈക്കമാന്‍ഡ് തീരുമാനം. ഏതു ഗ്രൂപ്പിന്റെ ഭാഗമാണെങ്കിലും കഴിഞ്ഞതവണ പതിനായിരത്തില്‍ കൂടുതല്‍ വോട്ടിനു തോറ്റ ഒരു നേതാവിനും ഇക്കുറി സീറ്റ് നല്‍കില്ല. അവിടങ്ങളിലെല്ലാം പുതുമുഖങ്ങളെ ഇറക്കും. 5000 വോട്ടില്‍ താഴെ പരാജയപ്പെട്ടവര്‍ക്ക് ഒരവസരംകൂടി നല്‍കും. തെരഞ്ഞെടുപ്പ് ഒരുക്കങ്ങള്‍ വിലയിരുത്താന്‍ രാഹുല്‍ ഗാന്ധി 23-നു സംസ്ഥാനത്തെത്തും.

അതിനു മുമ്പ് സര്‍വേ പൂര്‍ത്തിയാക്കും. സര്‍വേ ഫലത്തിന്റെ അടിസ്ഥാനത്തിലാകും സ്ഥാനാര്‍ഥിപ്പട്ടിക. മധ്യകേരളത്തില്‍നിന്നു പരമാവധി സീറ്റ് നേടാനാണു പദ്ധതി. അതിനായി എറണാകുളം, കോട്ടയം, ഇടുക്കി, പത്തനംതിട്ട, ആലപ്പുഴ ജില്ലകളിലെ സ്ഥാനാര്‍ഥി നിര്‍ണയത്തിനായി പ്രത്യേക രൂപരേഖ തയാറാക്കും. കോണ്‍ഗ്രസ് തനിച്ച് 50 സീറ്റെങ്കിലും നേടിയില്ലെങ്കില്‍ ഭരണം തിരിച്ചുപിടിക്കാനാകില്ലെന്ന വിലയിരുത്തലിലാണു െഹെക്കമാന്‍ഡ്

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

11,361 പേര്‍ക്ക് കോവിഡ്-19 സ്ഥിരീകരിച്ചു

ഇന്ന് 11,361 പേര്‍ക്ക് കോവിഡ്-19 സ്ഥിരീകരിച്ചു 12,147 പേര്‍ രോഗമുക്തി നേടി; ചികിത്സയിലുള്ളവര്‍ 1,07,682; ആകെ രോഗമുക്തി നേടിയവര്‍ 26,65,354 കഴിഞ്ഞ 24 മണിക്കൂറിനിടെ 1,11,124 സാമ്പിളുകള്‍ പരിശോധിച്ചു ടി.പി.ആര്‍. 30ന് മുകളിലുള്ള 16 പ്രദേശങ്ങള്‍ തിരുവനന്തപുരം: കേരളത്തില്‍...

കവി എസ്.രമേശൻ നായർ അന്തരിച്ചു.

കവി എസ്.രമേശൻ നായർ  അന്തരിച്ചു. 73 വയസ്സായിരുന്നു. കൊവിഡ് ബാധയെ തുടർന്ന് എറണാകുളം ലക്ഷമി ഹോസ്പ്പിറ്റലിൽ ചികിത്സയിലായിരുന്നു. എളമക്കര പുന്നയ്ക്കൽ പുതുക്കലവട്ടത്ത് ആണ് താമസിച്ചിരുന്നത്. 

കോട്ടയം ജില്ലയില്‍ 505 പേര്‍ക്ക് കോവിഡ്

കോട്ടയം ജില്ലയില്‍ 505 പേര്‍ക്ക് കോവിഡ് കോട്ടയം ജില്ലയില്‍ 505 പേര്‍ക്കു കൂടി കോവിഡ് സ്ഥിരീകരിച്ചു. 501 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതിൽ രണ്ട് ആരോഗ്യ പ്രവർത്തകരും ഉൾപ്പെടുന്നു.സംസ്ഥാനത്തിനു പുറത്തുനിന്നെത്തിയ നാലു...

സംസ്ഥാനത്ത് ബാറുകളില്‍ മദ്യത്തിന് വില വര്‍ധിപ്പിച്ചു; 15 ശതമാനം വര്‍ധന

സംസ്ഥാനത്ത് ബാറുകളില്‍ മദ്യത്തിന് വില വര്‍ധിപ്പിച്ചു; 15 ശതമാനം വര്‍ധന സംസ്ഥാനത്ത് ബാറുകളിലെ മദ്യത്തിന് വില വർധിപ്പിച്ചു. ബെവ്കോ ഔട്ട്ലെറ്റുകളിലും ബാറുകളിലും ഇനി മുതൽ രണ്ട് നിരക്കിലായിരിക്കും മദ്യവിൽപ്പന. ലോക്ഡൗൺ കാലത്ത് ബെവ്കോ ഔട്ട്ലെറ്റുകൾ അടഞ്ഞു...
WP2Social Auto Publish Powered By : XYZScripts.com
Share via
Copy link
Powered by Social Snap