മുന്‍ കേന്ദ്രമന്ത്രിയും രാഹുല്‍ ഗാന്ധിയുടെ വിശ്വസ്‌തനുമായ ജിതിന്‍ പ്രസാദ ബി ജെ പിയില്‍ ചേര്‍ന്നു.
കേന്ദ്രമന്ത്രി പിയൂഷ് ഗോയലുമായി കൂടിക്കാഴ്‌ച നടത്തിയ ശേഷമാണ് അദ്ദേഹം ബി ജെ പി ആസ്ഥാനത്തെത്തി മെമ്ബര്‍ഷിപ്പ് സ്വീകരിച്ചത്.
47കാരനായ ജിതിന്‍ പ്രസാദ രാഹുലിന്‍റെ ഏറ്റവും അടുത്തയാളായാണ് അറിയപ്പെടുന്നത്. ജിതിന്‍ ബി ജെ പിയില്‍ എത്തുന്നത് ഉത്തര്‍പ്രദേശ് തിരഞ്ഞെടുപ്പില്‍ കോണ്‍ഗ്രസിന് വലിയ തിരിച്ചടിയാകും. കോണ്‍ഗ്രസില്‍ മതിയായ പരിഗണന ലഭിക്കാത്തതില്‍ ജിതിന്‍ പരസ്യമായി അസംതൃപ്‌തി രേഖപ്പെടുത്തിയിരുന്നു.
