17.1 C
New York
Thursday, August 11, 2022
Home India അസമിൽ പ്രളയത്തെ തുടർന്നുള്ള മരണസംഖ്യ നൂറ് കടന്നു.

അസമിൽ പ്രളയത്തെ തുടർന്നുള്ള മരണസംഖ്യ നൂറ് കടന്നു.

അസമിൽ പ്രളയത്തെ തുടർന്നുള്ള മരണസംഖ്യ നൂറ് കടന്നു. കഴിഞ്ഞ 24 മണിക്കൂറിനിടെ പത്ത് മരണം കൂടി സ്ഥിരീകരിച്ചതോടെയാണ് മരണസംഖ്യ 118 ലേക്ക് എത്തിയത്. തുടർച്ചയായുള്ള ആറാം ദിവസവും കാച്ചർ ജില്ലയിലെ സിൽച്ചാർ നഗരം വെള്ളക്കെട്ടിൽ തുടരുകയാണ്. അതേ സമയം 28 ജില്ലകളിൽ 45.34 ലക്ഷം പേർക്കാണ് പ്രളയ ഭീഷണി നിലനിന്നിരുന്നതെങ്കിൽ നിലവിൽ ഇത് 33.08 ലക്ഷം പേരെന്ന തോതിലേക്ക് കുറഞ്ഞിട്ടുണ്ട്. ധുബ്രി മേഖലയിലുള്ള ബ്രഹ്മപുത്രയുടെ ജലനിരപ്പിലും ക്രമാതീതമായി ഉയർന്നിട്ടുണ്ട്.

കുടിവെള്ളം, ആഹാരം പോലെയുള്ള ആവശ്യ വസ്തുക്കൾ വ്യോമസേനയുടെ സഹായത്തോടെ പ്രളയ ബാധിതപ്രദേശങ്ങളിലേക്ക് എത്തിക്കുന്നുണ്ട്. സ്ഥിതി മെച്ചപ്പെടുന്നത് വരെ ഇത് തുടരുമെന്നാണ് അധികൃതർ പറയുന്നത്. സിൽച്ചാറിലെ പ്രളയ ബാധിത പ്രദേശങ്ങൾ കണ്ടെത്തുന്നതിന് രണ്ട് ഡ്രോണുകളെയും വിന്യസിച്ചിട്ടുണ്ട്. കാച്ചർ ജില്ല ഭരണകൂടം സിൽച്ചാറിൽ രക്ഷാപ്രവർത്തനങ്ങളുമായി രംഗത്തുണ്ട്.

ഇറ്റാനഗർ, ഭുവനേശ്വർ എന്നിവിടങ്ങളിൽ നിന്നുള്ള 207 പേരടങ്ങുന്ന എട്ട് എൻഡിആർഎഫ് സംഘങ്ങളെ ആർമിയോടൊപ്പം വിന്യസിച്ചിട്ടുണ്ട്. അടിയന്തിര ആവശ്യങ്ങൾ മുൻനിർത്തി ദിമാപുറിൽ നിന്നുള്ള ഒൻപത് ബോട്ടുകൾ സിൽച്ചാറിലുണ്ട്. ഭക്ഷണം, വെള്ളം, മരുന്ന് പോലെയുള്ള അടിയന്തിര വസ്തുക്കളില്ലാതെ മൂന്ന് ലക്ഷം പേരാണ് ദുരിതമുഖത്ത് തുടരുന്നത്. 3,150 ഗ്രാമങ്ങളെ ഇതിനോടകം പ്രളയം ബാധിച്ചു. 2,65,788 പേർ ദുരിതാശ്വാസ ക്യാമ്പുകളിൽ അഭയം തേടിയിട്ടുണ്ട്. 24 മണിക്കൂറിനിടെ 312 വീടുകളാണ് പ്രളയത്തിൽ നാശോന്മുഖമായത്.

Facebook Comments

COMMENTS

- Advertisment -

Most Popular

സാൻഫ്രാൻസിസ്കോ ഒഐ സിസി യൂഎസ്എ : സ്വാതന്ത്ര്യദിനാഘോഷവും പ്രവർത്തനോത്ഘാടനവും-ഓഗസ്റ്റ്   14 ന്

സാൻഫ്രാൻസിസ്‌കോ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ) യൂഎസ്‌എ സാൻഫ്രാൻസിസ്കോ ചാപ്റ്ററിന്റെ ആഭിമുഖ്യത്തിൽ ഇന്ത്യൻ സ്വാതന്ത്ര്യ പ്ലാറ്റിനം ജൂബിലി ആഘോഷത്തോടനുബന്ധിച്ച്‌ വിപുലമായ രീതിയിൽ ആഘോഷ പരിപാടികൾ നടത്തും.     ഓഗസ്റ്റ്  14...

മുന്നറിയിപ്പില്ലാതെ സെൽഫോൺ എഫ്.ബി.ഐ. പിടിച്ചെടുത്തുവെന്ന് കോൺഗ്രസ് അംഗം

  പെൻസിൽവാനിയ : ചരിത്രത്തിലാദ്യമായി അമേരിക്കൻ മുൻ പ്രസിഡന്റിന്റെ വസതി എഫ്.ബി.ഐ. റെയ്ഡ് ചെയ്തതിന് അടുത്തദിവസം യു.എസ്. കോൺഗ്രസ് അംഗവും, ട്രമ്പിന്റെ ശക്തനായ അനുയായിയുമായ പെൻസിൽവാനിയ റിപ്പബ്ലിക്കൻ നേതാവ് സ്കോട്ട് പെറിയുടെ സെൽഫോണും എഫ്.ബി.ഐ....

67 ദിവസത്തെ ഇടവേളക്കുശേഷം ഡാളസ്സിൽ കനത്ത മഴ

ഡാളസ് : മഴ പൂർണ്ണമായും മാറിനിന്ന 67 ദിവസങ്ങൾക്കുശേഷം ഡാളസ് ഫോർട്ട് വർത്തിൽ ആഗസ്റ്റ് 10 ബുധനാഴ്ച കനത്ത മഴ ലഭിച്ചു. ഉണങ്ങിവരണ്ട പ്രദേശങ്ങളിലെല്ലാം കനത്ത മഴ ലഭിച്ചതു വരൾച്ചക്ക് അല്പം ആശ്വാസം...

ടെക്സസ് സംസ്ഥാനത്തിന്റെ പ്രശ്നങ്ങൾ പരിഹരിക്കാൻ ഏബട്ടിന് കഴിയില്ലെന്ന് ബെറ്റൊ റൂർക്കെ

ക്ലിബേൺ( ടെക്സസ്): കഴിഞ്ഞ രണ്ടു ടേമായി ടെക്സസ്സിൽ ഗവർണ്ണറായി തുടരുന്ന ഗ്രേഗ് ഏബട്ടിന് സംസ്ഥാനം ഇന്നഭിമുഖീകരിക്കുന്ന പ്രശ്നങ്ങൾ പരിഹരിക്കാൻ കഴിയില്ലെന്ന് ഡമോക്രാറ്റിക് പാർട്ടി ഗവർണ്ണർ സ്ഥാനാർത്ഥിയായ ബെറ്റൊ ഒ.റൂർക്കെ അഭിപ്രായപ്പെട്ടു. ഗൺ വയലൻസ്, പവർ...
Facebook Comments
WP2Social Auto Publish Powered By : XYZScripts.com
error: