17.1 C
New York
Monday, January 24, 2022
Home Health മനസ്സിനും ശരീരത്തിനും ആശ്വാസം കിട്ടണം (ആയുരാരോഗ്യസൗഖ്യം 10 - അവസാന ഭാഗം)

മനസ്സിനും ശരീരത്തിനും ആശ്വാസം കിട്ടണം (ആയുരാരോഗ്യസൗഖ്യം 10 – അവസാന ഭാഗം)

തയ്യാറാക്കിയത്: മാത്യു ശങ്കരത്തിൽ

ശ്വസിക്കുന്നതു വിഷമയമായ വായു . കുടിക്കുന്നതു പലപ്പോഴും മലിനജലം . കഴിക്കുന്നതോ മായം നിറഞ്ഞ ഭക്ഷണം . ഉണ്ണാനും ഉറങ്ങാനും നേരമില്ല . പിരിമുറുക്കം നിറഞ്ഞ ജീവിതം…. ഇവിടെ ആത്മ-ശരീര-മനസ്സുകൾ തളരുന്നു . രോഗങ്ങളുടെ പിടിയിൽ നാമം അമരുന്നു .

മനസ്സിനും ശരീരത്തിനും ആത്മാവിനും ഒരുപോലെ ആശ്വാസം ലഭിക്കുകയാണാവശ്യം . ചികിൽസാക്രമങ്ങളിലൂടെ നേടേണ്ടതും അതുതന്നെ .

ആരോഗ്യത്തിൻ്റെ ലക്ഷണങ്ങൾ എന്തൊക്കെ ? ചുറുചുറുക്ക് , ആത്മവിശ്വാസം , തലച്ചോറിൻ്റെ കാര്യക്ഷമമായ പ്രവർത്തനം , ബുദ്ധിപരമായ ഏകാഗ്രത , ഉയർന്ന ഗ്രഹണശക്തി , ചലനാത്മകമായ നാഡീവ്യൂഹങ്ങൾ , ഓർമശക്തി… ഒക്കെ ആരോഗ്യത്തെ വിളിച്ചറിയിക്കുന്നു .

വാർധക്യത്തിൻ്റെ ലക്ഷണങ്ങളോ ? തളർച്ച , നിരാശാബോധം, മറവി , ഉദാസീനത, മടി….

അകാലവാർധക്യം രോഗമാണ് . ‘ചത്തതിനൊക്കുമോ ജീവിച്ചിരിക്കിലും ‘ എന്ന തോന്നലാണു രോഗലക്ഷണം .

ചിട്ടയായ ജീവിതം രോഗങ്ങൾ അകറ്റുന്നു . ആയുരാരോഗ്യസൗഖ്യം നിലനിർത്തുന്നു . മദ്യവും മയക്കുമരുന്നും പുകവലിയും ഒക്കെ അമിതമാകുമ്പോൾ ജീവിതത്തിൻറെ താളം തെറ്റുന്നു . നാഡീവ്യൂഹങ്ങൾ തളരുന്നു . ജീവിതം തകരുന്നു .

ഹൃദ്രോഗം ഉദാഹരണം . വർഷങ്ങൾക്കു മുൻപ് അപൂർവ്വമായി മാത്രം കണ്ടുവന്നിരുന്ന ഈ രോഗം ഇന്നു സർവസാധാരണമായി . പുകയിലയുടെ അമിതമായ ഉപയോഗമാണ് കാൻസറിനു പ്രധാനകാരണം .

ചികിൽസാസമ്പ്രദായം ഏതായിരുന്നാലും മരുന്നിൻ്റെ ശക്തി കൂടുന്നതനുസരിച്ചു ദൂഷ്യവശങ്ങളും കൂടും . സുരക്ഷിതം എന്നു പറയാവുന്ന ഒരു മരുന്നുമില്ല . എല്ലാ മരുന്നിനും അതിൻ്റെതായ പാർശ്വഫലങ്ങളുണ്ട് . ആൻറിബയോട്ടിക്സിനോടു ചെറുത്തു നിൽക്കാനുള്ള ശക്തി പല രോഗാണുക്കളും ആർജിച്ചുകഴിഞ്ഞു .

പാരമ്പര്യരോഗങ്ങൾ കൂടുതലായി മനസ്സിലാക്കപ്പെട്ടുവരുന്നു . ഹീമോഫീലിയ ( മുറിവിൽ നിലയ്ക്കാതെയുള്ള രക്തപ്രവാഹം ) ഉദാഹരണം .

ശാസ്ത്രീയമായ രോഗനിർണയമാണു പ്രധാനം . ആധുനിക ചികിൽസാ സമ്പ്രദായത്തിൽ ഇതിനുള്ള സൗകര്യങ്ങൾ ഏറെയാണ് . എന്നാൽ കെമിക്കൽ ഔഷധങ്ങളുടെ വർധന വളരെയധികം പ്രശ്നങ്ങൾക്കു കാരണമാകുന്നു . രാസവളങ്ങളും കീടനാശിനികളുംമൂലം മനുഷ്യശരീരത്തിൽ രാസദ്രവ്യങ്ങൾ വർധിക്കുന്നു . ഇത് രോഗങ്ങൾക്കു കാരണമാകുന്നു .

ആരോഗ്യത്തെപ്പറ്റി ചിന്തിക്കുമ്പോൾ ഒരു കാര്യം ഓർമിക്കുക : എത്രയും മരുന്നു കുറച്ചു കഴിക്കുന്നുവോ അത്രയും നന്ന് .

രോഗചികിൽസയിലും ആരോഗ്യസംരക്ഷണത്തിലും വ്യായാമമുറകൾ അനിവാര്യം.

പതിനേഴ് – പതിനെട്ട് വയസുള്ളവർക്കു ബോഡിബിൽഡിങ് എക്സർസൈസ് ഉത്തമം. നാൽപതു കഴിഞ്ഞവർ മറക്കരുത് : നടത്തം അതാവശ്യം . ദിവസം ഒരു മണിക്കൂറെങ്കിലും നടക്കുക .

കായികവിനോദങ്ങളിൽ ഏർപ്പെടാന്‍ ലഭിക്കുന്ന ഒരവസരവും നഷ്ടപ്പെടുത്തരുത്. 20 മുതൽ 60 വയസുവരെ ഒരേ തൂക്കം നിലനിർത്താൻ കഴിയുമെങ്കിൽ ഏറെ ഉത്തമം .

ശരീരം അനങ്ങാതെ സുഖിമാന്മാരായി കഴിഞ്ഞാൽ വണ്ണം കൂടും ; രോഗം പിടികൂടും . കുളി , ഉറക്കം, ഭക്ഷണം, എണ്ണതേപ്പ് തുടങ്ങിയ ജീവിതചര്യകളിൽ നിങ്ങൾ ശീലിച്ചുപോരുന്ന രീതി തുടരുക . മരുന്നുകൾ കഴിക്കേണ്ടിവരുമ്പോൾ ഡോക്ടർ നിർദേശിക്കുന്ന പഥ്യം പാലിക്കുക . വാർധക്യം അകറ്റാൻ കുറിക്കുകൊള്ളുന്ന മരുന്നുകൾ ഉണ്ടെന്നു പറയാനാവില്ല . ഒന്നു പറയാം ; ചിട്ടയായ ജീവിതം വാർധക്യത്തിലും യൗവനം നില നിർത്തും .

വിവരങ്ങൾക്കു കടപ്പാട് :
ഡോ.കെ.പി.ജോർജ് എം.ആർ.സി.പി
(റിട്ട . അസോഷ്യേറ്റ് പ്രഫസർ , കോട്ടയം)

(പരമ്പര അവസാനിച്ചു)

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

സൗദിയിലെ വ്യോമഗതാഗത സംവിധാനം സുരക്ഷിതം

ജിദ്ദ: സൗദിയിലെ വ്യോമഗതാഗത സംവിധാനം 5-ജി നെറ്റ് വർക്കുമായി കൂടിക്കലരുന്നതിൽ നിന്നു സുരക്ഷിതമാണെന്ന് ജനറൽ അതോറിറ്റി ഓഫ് സിവിൽ ഏവിയേഷനും കമ്മ്യൂണിക്കേഷൻസ് ആന്റ് ഇൻഫർമേഷൻ ടെക്‌നോളജി കമ്മീഷനും പറഞ്ഞു. 5 ജി ഫ്രീക്വൻസി ,...

കേരളത്തില്‍ 26,514 പേര്‍ക്ക് കോവിഡ്-19 സ്ഥിരീകരിച്ചു.

കേരളത്തില്‍ 26,514 പേര്‍ക്ക് കോവിഡ്-19 സ്ഥിരീകരിച്ചു. എറണാകുളം 4443, തിരുവനന്തപുരം 3256, കോഴിക്കോട് 2979, തൃശൂര്‍ 2687, കൊല്ലം 2421, കോട്ടയം 1900, മലപ്പുറം 1710, പാലക്കാട് 1498, കണ്ണൂര്‍ 1260, ആലപ്പുഴ...

യൂറോപ്പില്‍ കൊവിഡ് വ്യാപനം അതിന്റെ അന്ത്യത്തോട് അടുക്കുന്നു: ലോകാരോഗ്യ സംഘടന

മാർച്ചോടെ അറുപത് ശതമാനം യൂറോപ്യന്മാരെയും ഒമിക്രോൺ ബാധിക്കുമെന്നും അദ്ദേഹം ചൂണ്ടിക്കാട്ടി. നിലവിൽ യൂറോപ്പിൽ ഒമിക്രോൺ നടത്തിക്കൊണ്ടിരിക്കുന്ന കുതിച്ചുചാട്ടം കഴിഞ്ഞാൽ കുറച്ച് ആഴ്ചകളും ചിലപ്പോൾ മാസങ്ങളും തികച്ചും ശാന്തമായ ഒരു കാലം പ്രതീക്ഷിക്കാമെന്ന് അദ്ദേഹം...

ജെയ്ക്ക് ചാക്കോ റെസ്റ്റ്ലിങ് ചാമ്പ്യൻ

ഡാളസ്: ടെക്സാസ് സ്റ്റേറ്റ് തലത്തിൽ നടന്ന റസ്റ്റ്ലിങ് മത്സരത്തിൽ ഹൈസ്കൂൾ വിഭാഗത്തിൽ മലയാളീയായ ജെയ്ക്ക് ചാക്കോ ചാമ്പ്യൻ ആയി തെരഞ്ഞെടുക്കപ്പെട്ടു. ഫ്രിസ്കോ സിറ്റിയിലെ റോക്ക്ഹിൽ ഹൈസ്കൂളിൽ വെച്ച് നടന്ന സംസ്ഥാന മത്സരത്തിൽ വാശിയേറിയ പോരാട്ടത്തിനൊടുവിൽ...
WP2Social Auto Publish Powered By : XYZScripts.com
error: