17.1 C
New York
Sunday, June 13, 2021
Home Health പല്ലുകൾ സംരക്ഷിക്കൂ: ശ്വസിക്കാം ഈസിയായി – 10

പല്ലുകൾ സംരക്ഷിക്കൂ: ശ്വസിക്കാം ഈസിയായി – 10

ഡോ. അനിൽ കുര്യൻ, സീയോൻ കുന്നിൽ ദന്തൽ ക്ലിനിക്ക്, ചിങ്ങവനം, കോട്ടയം

ആന്റിബയോട്ടിക്കിനെ ഭയക്കണോ?
എന്താണ് ആൻറിബയോട്ടിക് ?

രോഗാണുക്കളെ നശിപ്പിക്കുകയോ, അവയുടെ വളർച്ച തടയുകയോ ചെയ്യുന്ന മരുന്നുകളെയാണ് ആൻറിബയോട്ടിക്കുകൾ എന്ന് വിളിക്കുന്നത്. ഇവ സൂക്ഷ്മാണുക്കളിൽ നിന്നോ ചിലയിനം പൂപ്പലുകളിൽ നിന്നോ കൃത്രിമമായോ ഉൽപാദിപ്പിക്കുന്നു.

ഡോ. അല്ലക്സാൻഡർ ഫ്ലെമിങ്ങ് 1928-ൽ പെനിൻസിലിൻ എന്ന ആദ്യ ആൻറിബയോട്ടിക് കണ്ടുപിടിച്ചപ്പോൾ ഒരു സർവ്വ രോഗ സംഹാരിയായിട്ടാണ് അതിനെ ലോകം വാഴ്ത്തിയത്. പിന്നീട് ധാരാളം ആൻറിബയോട്ടിക്കുകൾ കണ്ടുപിടിക്കുകയും അവ ദുരുപയോഗം ചെയ്യപ്പെടുകയും ചെയ്തു. അങ്ങനെ ആൻറിബയോട്ടിക്കിനെ പ്രതിരോധിക്കാൻ ശേഷിയുള്ള രോഗാണുക്കൾ ഉത്ഭവിച്ചു. ഇതിനെ തുടർന്ന് ലോകമെമ്പാടുമുള്ള ആരോഗ്യപ്രവർത്തകർ ആൻറിബയോട്ടിക് ദുരുപയോഗം തടയുവാൻ ബോധവൽക്കരണ പ്രവർത്തനങ്ങൾ ആരംഭിച്ചു. മാധ്യമങ്ങളിലൂടെയും സെമിനാറുകളിലൂടെയും മറ്റുമുള്ള പ്രചരണങ്ങൾ മൂലം ആൻറിബയോട്ടിക്കുകൾ ഭയപ്പെടേണ്ട ഒന്നാണ് എന്നൊരു തെറ്റിദ്ധാരണ പലർക്കും ഉണ്ടാവാനിടയായി. ചില രോഗികൾക്ക് ആൻറിബയോട്ടിക് നിർദ്ദേശിക്കുമ്പോൾ അവർ അത് നിരസിക്കുന്നു. ചിലരാകട്ടെ ഡോക്ടറുടെ നിർദേശത്തെ മറികടന്ന് കുറഞ്ഞ ഡോസിലും തവണ കുറച്ചും ഉപയോഗിക്കുന്നു. ഇങ്ങനെ ചെയ്യുന്നതിനാൽ എന്താണോ ആരോഗ്യപ്രവർത്തകർ ഭയന്നത് (ആൻറിബയോട്ടിക് പ്രതിരോധിക്കുന്ന രോഗാണുക്കൾ ഉണ്ടാകുന്നു) അത് സംഭവിക്കുന്നു.

ആൻറിബയോട്ടിക്കുകളെ ഭയപ്പെടേണ്ടതില്ല. രോഗാണുക്കൾ മൂലം ഉണ്ടാകുന്ന രോഗം ചെറുക്കാൻ ആൻറിബയോട്ടിക്കുകൾ കൂടിയേതീരൂ. അവയുടെ ദുരുപയോഗമാണ് പാടില്ലാത്തത് . ഡോക്ടർ നിർദ്ദേശിക്കുന്ന ഡോസിലും തവണയിലും ആൻറിബയോട്ടിക്കുകൾ കഴിക്കുവാൻ ശ്രദ്ധിക്കുക. പാർശ്വഫലങ്ങൾ ഉണ്ടാക്കുന്ന ആൻറിബയോട്ടിക്കുകളാണെങ്കിൽ അവ തടയാൻ നിർദ്ദേശങ്ങളും മരുന്നുകളും ഡോക്ടർ നൽകും. അവ കൃത്യമായി പാലിക്കണം. ആൻറിബയോട്ടിക് കഴിക്കുമ്പോൾ എന്തെങ്കിലും പാർശ്വഫലങ്ങൾ ഉണ്ടാക്കുന്നുണ്ടെങ്കിൽ ഡോക്ടറെ അറിയിക്കണം. ഡോക്ടറുടെ നിർദേശപ്രകാരമല്ലാതെ ആൻറിബയോട്ടിക്കുകളുടെ ഡോസ് കുറയ്ക്കുകയോ, തവണ കുറയ്ക്കുകയോ, നിർത്തുകയോ ചെയ്യാൻ പാടില്ല . ശരിയായ വിധത്തിൽ ഉപയോഗിച്ചാൽ ഒരു ജീവൻരക്ഷാ ഉപാധി തന്നെയാണ് ആൻറിബയോട്ടിക്കുകൾ .

ഡോ. അനിൽ കുര്യൻ, സീയോൻ കുന്നിൽ ദന്തൽ ക്ലിനിക്ക്, ചിങ്ങവനം, കോട്ടയം

COMMENTS

1 COMMENT

LEAVE A REPLY

Please enter your comment!
Please enter your name here

- Advertisment -

Most Popular

പിസയിലെ ചരിഞ്ഞ ഗോപുരവും അനുബന്ധ കാഴ്ചകളും – (യൂറോപ്പിലൂടെ ഒരു യാത്ര) – (ഭാഗം 32)

 ഉണർത്താനുള്ള അലാറം ആറുമണിക്ക് ആയിരുന്നെങ്കിലും അതിനുമുമ്പേ എഴുന്നേറ്റിരുന്നു  ഏഴ് മണിക്കായിരുന്നു പ്രഭാതഭക്ഷണം.. എട്ടുമണിയോടെ എല്ലാവരുടെയും ബാഗുകൾ വണ്ടിയിൽ കയറ്റാൻ തുടങ്ങി സമയം എട്ടര. ഞങ്ങളുടെ വണ്ടി നീങ്ങിത്തുടങ്ങി ഇന്ന്‌ ഇറ്റലിയോട് വിട പറയും പിസ കാണാൻ ആണ്...

തിരിഞ്ഞു നോക്കുമ്പോൾ – ഭരത് ഗോപി

മലയാളിയുടെ നായക സങ്കല്പങ്ങളെ പൊളിച്ചെഴുതിയ അഭിനയകുലപതിയായിരുന്നു ഭരത് ഗോപി. അഭിനയത്തികവിലൂടെ മലയാള സിനിമാ പ്രേക്ഷകരുടെ മനസ്സിൽ ചിരപ്രതിഷ്ഠ നേടിയ മഹാനടൻ. അദ്ദേഹം ജീവൻ നൽകിയ പല കഥാപാത്രങ്ങളും ഇന്നും മലയാളികളുടെ മനസ്സിൽ ഒളിമങ്ങാതെ...

ഓർമ്മയിലെ മുഖങ്ങൾ – എസ്.പി. പിള്ള.

തികഞ്ഞ മനുഷ്യ സ്നേഹിയും പരോപകാരിയുമായ ഒരു വ്യക്തിത്വം. സാധാരണക്കാരൻ്റെ സുഖദു:ഖങ്ങളിൽ എന്നും താങ്ങായ് കൂടെ നിൽക്കുന്ന മലയാളത്തിൻ്റെ ചാർളി ചാപ്ലിൻ എന്നറിയപ്പെടുന്ന, മലയാള സിനിമയിലെ ചിരിയുടെ രാജാവ് എസ്.പി. പിള്ള. ജൂൺ 12...

☘️☘️☘️☘️☘️☘️☘️☘️☘️☘️☘️ഓർമ്മകൾക്ക് എന്ത് സുഗന്ധം- ഭാഗം (18) ...

ഉമിക്കരി ഉമിക്കരി ഓർമ്മ ഉണ്ടോ… ടൂത്‌പേസ്റ്റ്, ടൂത് ബ്രഷ്, പ്രചാരത്തിൽ വരും മുന്നേ മിക്കവാറും മലയാളികൾ പല്ല് തേയ്ക്കാൻ (ദന്തധാവനം) ഉപയോഗിച്ചുരുന്ന ചൂർണ്ണം ആണ് ഉമിക്കരി. നെല്ലിന്റ പുറം പാളി ആയ ഉമി കരിച്ച്, ചാരമാകുന്നതിനുമുമ്പ്...
WP2Social Auto Publish Powered By : XYZScripts.com
Share via
Copy link
Powered by Social Snap