17.1 C
New York
Tuesday, May 17, 2022
Home Health പത്തിലയും അതിന്റെ ഗുണങ്ങളും (തുടർച്ച) (ആരോഗ്യ ജീവിതം - 10)

പത്തിലയും അതിന്റെ ഗുണങ്ങളും (തുടർച്ച) (ആരോഗ്യ ജീവിതം – 10)

അശോകൻ ചേമഞ്ചേരി

പത്തില – തുടർച്ച

3- ചേന ഇല:- പ്രത്യേകിച്ച് യാതൊരു പരിചരണവും ഇല്ലാതെ വീട്ടുവളപ്പിൽ വളരുന്ന ഒരു പ്രധാന കിഴങ്ങു വിളയാണ് ചേന.
ചേന ഇലയിലും തണ്ടിലും മാംസ്യവും ധാതുലവണങ്ങളും ധാരാളം അടങ്ങിയിട്ടുണ്ട്. ചേന ഇലയുടെ തണ്ടാണ് മഴക്കാലത്ത് കറി വെക്കാൻ ഉപയോഗിക്കുന്നത്.

4-മത്ത നില :– ഓണക്കാലത്തേക്ക് വിളവെടുക്കാനുള്ള മത്തൻ നട്ടാൽ കർക്കിടകത്തിൽ മത്തനിലപറിക്കാം. മത്തന്റെ ഇളം ഇലയാണ് എടുക്കേണ്ടത്. ഇലയിൽ ജീവകം A ധാരാളമുണ്ട്.

5 – കുമ്പളം : – കുമ്പള ഇലയിൽ ധാരാളം പോഷക ഗുണങ്ങൾ അടങ്ങിയിട്ടുണ്ട്. ഇരുമ്പ്, കാത്സ്യം , ഫോസ്ഫറസ്, നാരുകൾ എന്നിവ ധാരാളമുള്ള കുമ്പള ഇല ഭക്ഷിക്കുന്നത് വയർ ശുദ്ധീകരിച്ച് മലമൂത്ര ശോധന തടസമില്ലാതെ പോകുന്നതിന്ന് സഹായിക്കുന്നു.

6- മുള്ളൻ ചീര :- സാധാരണ ചീരയേക്കാളും മുള്ളൻ ചീരയാണ് കർക്കിടകത്തോരന്ന് നല്ലത്. മുള്ളൻ ചീര കുടൽ സംബന്ധമായ രോഗങ്ങൾ ശമിപ്പിക്കാനും അസുഖം വരാതിരിക്കാനും നല്ലതാണ്. മുളളൻ ചീര വേര് സഹിതം തോരൻ വെക്കുന്നതാണ് ഉത്തമം.

7- ആനത്തുവ്വ ഇല:- ഇത് കേരളത്തിൽ എല്ലാ ഇടത്തും കാണും , പക്ഷേ ദേശത്തിനനുസരിച്ച് പേരിൽ മാറ്റമുണ്ടാവും.
കൊടിത്തുവ്വ, ചൊറിയണം, ചെന്തോട്ടി, കുപ്പത്തുവ്വ എന്നിങ്ങനെ പല പേരിൽ അറിയപ്പെടുന്നു. ഇതിന്റെ ഇല ശരീരത്തിൽ തട്ടിയാൽ ചൊറിച്ചിൽ വരും അതുകൊണ്ടു തന്നെ അധികമാരും ഇത് ഭക്ഷണമായി ഉപയോഗിക്കാറില്ല. ചൊറിച്ചിൽ ഒഴിവാക്കാൻ കയ്യിൽ അല്പം എണ്ണ പുരട്ടിയതിനു ശേഷം ഇല പറിച്ചെടുത്ത് കുറച്ചു സമയം വെള്ളത്തിൽ ഇട്ടു വെക്കുകയും പിന്നീട് ഭക്ഷണത്തിന്ന് പാകപ്പെടുത്തുകയും ചെയ്യുകയാണ് പതിവ്. വളരെയധികം ഔഷധ ഗുണമുള്ളത് കൊണ്ട് നിർബന്ധമായും ഭക്ഷണത്തിന്ന് ഉപയോഗിക്കണം.  പ്രമേഹം, അർശസ്സ്, ജ്വരം, ചുമ എന്നിവ ശമിപ്പിക്കും. കൂടാതെ രക്തശുദ്ധി വരുത്തുകയും മലശോധന ഉണ്ടാക്കുകയും ചെയ്യുന്നു.

8 – നെയ്യുണ്ണി :- ഈ ചെടിയുടെ കൈപ്പത്തിയുടെ ആകൃതിയിലാണ്. ഈ ഇല ഉപയോഗിക്കുന്നത് കൊണ്ട് രണ്ടു പ്രധാന രോഗത്തെ തടഞ്ഞു നിർത്താനാവും. ശരീരത്തിൽ നീര് വരുന്നതിനെ തടയാനും മഴക്കാല രോഗമായ പനി വരുന്നതിനെ തടയാനും കഴിയും.

9 – ചെറുപയർ ഇല:- സാധാരണ ചെറുപയർ ഇല ആരും കഴിക്കാറില്ല. എന്നാൽ ഇലയുടെ ഔഷധ ഗുണം വളരെ ശ്രേഷ്ഠമാണ്. ശരീരത്തിന്ന് ബലം നൽകുന്നു. ദഹനശക്തി വർദ്ധിപ്പിക്കുന്നു , ശരീര താപം ക്രമീകരിക്കുന്നു. നേത്ര രോഗം, കരൾ വീക്കം എന്നിവ തടയുന്നു. ഇലയിൽ മാംസ്യം, ധാതുക്കൾ, വിറ്റാമിൻ A, വിറ്റാമിൻ C. മുതലായവ അടങ്ങിയിട്ടുണ്ട്.

10- തഴുതാമ :- മേൽപ്പറഞ്ഞ ഒമ്പതു് ഇലകളെക്കാൾ എറ്റവും ഔഷധ ഗുണം അടങ്ങിയിരിക്കുന്നത് പത്താമത്തെ ഇലയായ തഴുതാമയാണ്. സംസ്കൃതത്തിൽ ഇതിന്റെ പേര് പുനർനവ എന്നാണ്. ശരീരത്തിലെ നശിച്ചു പോയ കോശങ്ങളെ പുതുക്കി പണിയാനുള്ള കഴിവ് അത്ഭുതകരമാണ്. റോഡ് വക്കിൽ സമൃദ്ധിയായി വളരുന്നു. മഴക്കാലത്ത് പറമ്പിലും തൊടിയിലും തഴച്ചു വളരുന്നു..

ശരീരത്തിലെ മാലിന്യങ്ങളെ നീക്കം ചെയ്യാനും കരളിലെ നിർജീവമായ സെല്ലുകളെ പുനർജീവൻ കൊടുക്കാനും വയർ , കിഡ്നി, എന്നിവ ശുദ്ധീകരിക്കാനുള്ള തഴുതാമയുടെ കഴിവ് മറെറാന്നിനും ഇല്ല . മേൽ പറഞ്ഞ പത്തിലകളിൽ ചിലത് ലഭിക്കാതെ വരുമ്പോൾ പകരം ആറ് തരം ഇലകൾ കൂടി ഉൾപ്പെടുത്താറുണ്ട്
അവ അടുത്ത ആഴ്ച വിശദീകരിക്കുന്നതാണ്.

അശോകൻ ചേമഞ്ചേരി

Facebook Comments

COMMENTS

1 COMMENT

  1. നല്ല അറിവ്, ഇത്രയും ഗുണങ്ങൾ ഉള്ളവയെ തള്ളിയിട്ടാണല്ലോ വിഷമാലിന്യങ്ങൾ കഴിക്കുന്നത് നമ്മൾ ❤❤🌹

LEAVE A REPLY

Please enter your comment!
Please enter your name here

- Advertisment -

Most Popular

മീന്‍എണ്ണ കഴിക്കുന്നവര്‍ക്ക് ഹൃദ്രോഗ സാദ്ധ്യത കുറവായിരിക്കുമെന്ന് പഠനം

മീന്‍എണ്ണ ഗുളിക അഥവാഫിഷ് ഓയില്‍സപ്ലിമെന്റുകളെക്കുറിച്ച് നാമെല്ലാം സുപരിചിതരാണ്. എണ്ണമയമുളള മത്സ്യങ്ങളായ സാല്‍മോണ്‍, വെളുത്ത മത്സ്യം, മത്തി എന്നിവയില്‍നിന്നും അവയുടെ തോലുകളില്‍നിന്നുമാണ് മീന്‍ എണ്ണ എടുക്കുന്നത്. ഇതിലൂടെ നമുക്ക് ലഭിക്കുന്ന ആരോഗ്യ ഗുണങ്ങള്‍ ഏറെയാണ്....

ബസിടിച്ച് ബൈക്ക് യാത്രികരായ ദമ്പതികൾ മരിച്ചു.

ചാവക്കാട്: ദേശീയപാത ചേറ്റുവയിൽ ബസിടിച്ച് ബൈക്ക് യാത്രികരായ ദമ്പതികളുടെ വിയോഗ വാർത്ത നാടിനെ ഞെട്ടിച്ചു. കടപ്പുറം അഞ്ചങ്ങാടി വെളിച്ചെണ്ണപ്പടി സ്വദേശി മുനൈഫ് (32), ഭാര്യ മുംബൈ സ്വദേശി സുവൈബ (22) എന്നിവരാണ് മരിച്ചത്. കൊടുങ്ങല്ലൂര്‍-...

പാലക്കാട് കല്ലാംകുഴി സുന്നി പ്രവര്‍ത്തകരുടെ കൊല; 25 പ്രതികൾക്കും ഇരട്ടജീവപര്യന്തവും പിഴയും ശിക്ഷ വിധിച്ചു.

മണ്ണാർക്കാട്: കാഞ്ഞിരപ്പുഴ കല്ലാംകുഴിയില്‍ രണ്ട് സുന്നിപ്രവര്‍ത്തകരെ കൊലപ്പെടുത്തിയ കേസില്‍ കുറ്റക്കാരെന്ന് കണ്ടെത്തിയ 25 പ്രതികൾക്കും ഇരട്ട ജീവപര്യന്തവും 50,000 രൂപ വീതം പിഴയും ശിക്ഷ വിധിച്ചു. പാലക്കാട് ജില്ലാ ജുഡീഷ്യല്‍ ഫാസ്റ്റ് ട്രാക്ക്...

യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ്; ഇക്കാര്യങ്ങള്‍ ശ്രദ്ധിക്കുക.

അജ്മാന്‍: യുഎഇയില്‍ സെന്‍ട്രല്‍ ബാങ്കിന്റെ പേരില്‍ തട്ടിപ്പ് നടക്കുന്നു. യുഎഇ സെന്‍ട്രല്‍ ബാങ്കിന്റെ പേര് തന്നെ ഉപയോഗപ്പെടുത്തി സര്‍ക്കാര്‍ ലോഗോ പ്രൊഫൈല്‍ പിക്ച്ചര്‍ ആക്കിയ വാട്‌സപ്പ് നമ്പറില്‍ നിന്നാണ് തട്ടിപ്പ് സംഘം സന്ദേശം...
Facebook Comments
WP2Social Auto Publish Powered By : XYZScripts.com
error: