17.1 C
New York
Thursday, June 30, 2022
Home Health ആരോഗ്യ ജീവിതം - 12 നവധാന്യങ്ങൾ

ആരോഗ്യ ജീവിതം – 12 നവധാന്യങ്ങൾ

തയ്യാറാക്കിയത്: അശോകൻ ചേമഞ്ചേരി

അടുത്ത തായി ഒമ്പത് ധാന്യങ്ങളുടെ ഔഷധ ഗുണത്തെ പരിചയപ്പെടുത്തു കയാണ് ഈ പംക്തിയിലൂടെ.

ചെറുപയർ, വൻ പയർ, കടല, മുതിര, ഉലുവ, ഗോതമ്പ്, ഉഴുന്ന്, എള്ള്, നിലക്കടല എന്നിവയാണ് നവധാന്യങ്ങൾ എന്ന പേരിൽ അറിയപ്പെടുന്നതു്. നമ്മളിൽ മിക്കവരും ഭക്ഷണത്തിന്റെ ഭാഗമായി ഇവ കഴിക്കാറുണ്ട്. പാകം ചെയ്താണ് കഴിക്കുന്നതു്. ധാരാളം പോഷക ഗുണമുള്ള ഈ ധാന്യങ്ങൾ വേവിച്ച് കഴിക്കുമ്പോൾ ഔഷധ ഗുണം കുറയുകയും മുളപ്പിച്ച് കഴിക്കുമ്പോൾ ഗുണം ഏറുകയും ചെയ്യുന്നു.
മുളപ്പിച്ചു കഴിക്കുന്ന ധാന്യങ്ങൾ ശരീര കോശങ്ങൾക്ക് പുനർജനി നൽകാൻ കഴിയുന്നു. ഇതു വഴി ത്വക് രോഗം, പാണ്ഡുരോഗം, കരൾ രോഗം അർബുദ രോഗം എന്നിവയിൽ നിന്നും മോചനം കിട്ടും ഓരോ ധാന്യവും കഴിക്കുന്നതു കൊണ്ടുള്ള ഔഷധ ഗുണങ്ങൾ താഴെ കൊടുക്കുന്നു.

 1. ചെറുപയർ
ഉപയോഗിക്കുന്ന ഭാഗം : വിത്ത്, വേര്.
മാതൃരാജ്യം.. ആഫ്രിക്ക – ആഫ്രിക്കൻ ചെറുപയറാണ് ഏറ്റവും മുന്തിയ ഇനം.
തരം: 2 തരമുണ്ട്. പച്ച നിറം, ഇളം മഞ്ഞ നിറം – ഉത്തമം പച്ച നിറമാണ്.
ദോഷം : ഗ്രാഹിയായ തുകൊണ്ട് മലബന്ധമുണ്ടാക്കുന്നു.

ആയുർവേദ വിധിപ്രകാരം പയറുവിളകളിൽ വെച്ച് ഏറ്റവും ശ്രേഷ്ഠമായത് ചെറുപയറാണ്. വീടുകളിലും ഹോട്ടലുകളിലും കറി വെക്കാൻ ഉപയോഗിക്കുന്ന ഒരു ചെറുധാന്യമായാണ് മലയാളികൾ ചെറുപയറിനെ കാണുന്നതു്. അതിനപ്പുറം ചെറുപയറിന്റെ ഔഷധ ഗുണത്തെ മനസിലാക്കാൻ ശ്രമിക്കാത്ത വരാണ് നല്ലൊരു ശതമാനം പേരും. 54 ശതമാനം സ്റ്റാർച്ച് ചെറുപയറിൽ അടങ്ങിയിട്ടുണ്ട്. ശരീര താപം കൃമികരിക്കാൻ ചെറുപയറിന്ന് കഴിയുമെന്നതിനാൽ ചൂടിനെ നേരിടാൻ ചെറുപയർ കഴിക്കണം. ചെറുപയർ ദഹിക്കുവാൻ പ്രയാസമാണ്. കറിവെക്കാനും പലഹാരങ്ങൾ ഉണ്ടാക്കുവാനും , ചെറുപയർ പരിപ്പ് പായസം വെക്കുവാനും പുഴുങ്ങിയ ചെറുപയറിൽ മധുരം ചേർത്തു് സുഖീൻ എന്ന പലഹാരം ഉണ്ടാക്കുവാനും ഉപയോഗിക്കുന്നു. കൂടാതെ എണ്ണ തേച്ച് കുളിക്കുമ്പോൾ ചെറുപയർ പൊടി ചേർത്ത് താളിയാക്കി ഉപയോഗിക്കുവാനും എടുക്കുന്നു.
കഫപിത്തങ്ങളെ ശമിപ്പിക്കുന്നു , കണ്ണിന്ന് കുളിർമ്മ നൽകുന്നു , രക്തദോഷം ശമിപ്പിക്കുന്നു.

ചില ഔഷധപ്രയോഗം :
1- ക്ഷീണ ശരീരം – രോഗികളായിട്ടുള്ളവർക്കും രോഗം മാറിയതിനു ശേഷം ശരീരം ക്ഷീണിച്ചവർക്കും ചെറുപയർ സൂപ്പ് വെച്ചും , മറ്റു തരത്തിൽ ആഹാരമായിട്ടും കൊടുക്കാവുന്നതാണ്.
2-ജന്തു പ്രോട്ടീൻ – Animal Protein –
ചെറുപയർ മുളപ്പിച്ച് തോരൻ വെച്ച് കഴിക്കുന്നത് ജന്തു പ്രോട്ടീന്റെ കുറവ് പരിഹരിക്കാൻ സഹായിക്കും. നേത്ര രോഗം, കരൾ വീക്കം, മഞ്ഞപ്പിത്തം, വയറിളക്കം, ദഹനക്കുറവ്, പനി എന്നീ രോഗമുള്ളവർക്ക് ചെറുപയറിനോളം ഉത്തമമായ ഒരു ആഹാരം ഇല്ല. ചെറുപയർ ആഹാരമായിട്ടാണ് കഴിക്കുന്നതെങ്കിലും ഔഷധമായിട്ടാണ് ഇത് ശരീരത്തിൽ പ്രവർത്തിക്കുന്നത്.
4- ചെറുപയർ താളി :-
ചെറുപയർ പൊടിച്ച് താളിയായി ഉപയോഗിച്ചാൽ തലയിലെ അഴുക്ക് പോകും , താരൻ മാറും.
5 – പ്രമേഹരോഗികളുടെ ഒരു നേരത്തെ ഭക്ഷണമായി ഉപയോഗിച്ച് വിശപ്പടക്കാം , പ്രമേഹ രോഗത്തെ നിയന്ത്രിക്കാം.
6- ഹൃദ്രോഗികൾക്ക് ചെറുപയർ കഞ്ഞി ഉണ്ടാക്കുന്ന വിധം:-
ചെറുപയർ വെള്ളം നനച്ച് വെച്ചാൽ മൂന്നാം ദിവസം മുള പൊട്ടും. ഈ പയർ വറുത്തെടുത്ത് കഞ്ഞി ഉണ്ടാക്കി തേങ്ങാപ്പാലും മധുരവും ചേർത്ത് രാവിലെ കഴിക്കുന്നത് ഹൃദ്രോഗികൾക്ക് ഏറ്റവും ഫലം ചെയ്യും

തയ്യാറാക്കിയത്: അശോകൻ ചേമഞ്ചേരി

Facebook Comments

COMMENTS

- Advertisment -

Most Popular

മൃഗങ്ങളില്‍ ആന്ത്രാക്‌സ് സ്ഥിരീകരിച്ചതിനാല്‍ പ്രതിരോധത്തിന് അടിയന്തര നടപടികള്‍: മന്ത്രി വീണാ ജോര്‍ജ്.

തിരുവനന്തപുരം: മൃഗങ്ങളില്‍ ആന്ത്രാക്‌സ് രോഗബാധ സ്ഥിരീകരിച്ചതിനാല്‍ പ്രതിരോധത്തിന് ആരോഗ്യ വകുപ്പ് അടിയന്തര നടപടികള്‍ സ്വീകരിച്ചു വരുന്നതായി ആരോഗ്യ വകുപ്പ് മന്ത്രി വീണാ ജോര്‍ജ്. തൃശൂര്‍ ആതിരപ്പള്ളി വനമേഖലയിലെ കാട്ടു പന്നികളിലാണ് ആന്ത്രാക്‌സ് രോഗബാധ...

ആന്ധ്രയിൽ ഓട്ടോയ്ക്ക് മേൽ വൈദ്യുതികമ്പി പൊട്ടിവീണു; 5 മരണം.

ആന്ധ്രാപ്രദേശില്‍ വൈദ്യുതികമ്പി ഓട്ടോറിക്ഷയുടെ മുകളിലേക്ക് പൊട്ടിവീണ് അഞ്ചു പേർ മരിച്ചു. മൂന്ന് പേർക്ക് ഗുരുതരമായി പരുക്കേറ്റു. ആന്ധ്രയിലെ സത്യസായ് ജില്ലയിലാണ് അപകടമുണ്ടായത്. യാത്രക്കാരുമായി പോയ ഓട്ടോറിക്ഷ വൈദ്യുത പോസ്റ്റിലിടിച്ചതിന് പിന്നാലെയാണ് വൈദ്യുത കമ്പികൾ...

സ്ത്രീകളുള്ള വാട്സ്ആപ് ഗ്രൂപ്പിലേക്ക് അശ്ളീല വീഡിയോ;വൈദികനെതിരെ പരാതി.

വീട്ടമ്മമാരും കന്യാസ്ത്രീകളും ഉള്ള വാട്സ്ആപ് ഗ്രൂപ്പിലേക്ക് വൈദികന്‍ അശ്ളീല വീഡിയോ അയച്ചതായി പരാതി. കണ്ണൂർ അടയ്ക്കാത്തോട് പള്ളി വികാരി ഫാദർ സബാസ്റ്റ്യൻ കീഴേത്തിനെതിരെയാണ് പരാതി ഉയര്‍ന്നിരിക്കുന്നത്. മാതൃവേദി സംഘടനയുടെ ഡയറക്ടർ കൂടിയായ പുരോഹിതനെതിരെയാണ്...

സേ, ഇംപ്രൂവ്‌മെന്റ് പരീക്ഷ വിജ്ഞാപനം; തിയറി പരീക്ഷകൾ ജൂലൈ 25 മുതൽ 30 വരെ.

ഹയർ സെക്കണ്ടറി (വൊക്കേഷണൽ) വിഭാഗം ജൂലൈയിൽ നടത്തുന്ന സേ/ ഇംപ്രൂവ്‌മെന്റ് പരീക്ഷയുടെ വിജ്ഞാപനമായി. തിയറി പരീക്ഷകൾ ജൂലൈ 25ന് ആരംഭിച്ച് 30ന് അവസാനിക്കും. അപേക്ഷകൾ പിഴകൂടാതെ ജൂലൈ 4നും 600 രൂപയോടെ 7 വരെയും...
Facebook Comments
WP2Social Auto Publish Powered By : XYZScripts.com
error: