17.1 C
New York
Tuesday, May 17, 2022
Home Cinema വീ. മിസ്റ്ററി സസ്പെൻസ് ത്രില്ലർ.കേരളത്തിൽ. (അയ്മനം സാജൻ പി.ആ.ഓ)

വീ. മിസ്റ്ററി സസ്പെൻസ് ത്രില്ലർ.കേരളത്തിൽ. (അയ്മനം സാജൻ പി.ആ.ഓ)

വീക്കെൻ്റ് അടിച്ച് പൊളിക്കാനായി ബാംഗ്ലൂരിൽ നിന്ന് പുറപ്പെടുന്ന യുവതി യുവാക്കളുടെ കഥ പറയുകയാണ് “വീ” എന്ന തമിഴ് ചിത്രം. ട്രൂ സോൾ പിക്ചേഴ്സിന്റെ ബാനറിൽ രൂപേഷ് കുമാർ നിർമ്മിക്കുന്ന ഈ ചിത്രം തമിഴിലെ പ്രശസ്ത സംവിധായകൻ ഡാവിഞ്ചി ശരവണൻ രചനയും സംവിധാനവും നിർവ്വഹിക്കുന്നു.

തമിഴ് നാട്ടിൽ 160 ഓളം കേന്ദ്രങ്ങളിൽ റിലീസ് ചെയ്ത് മികച്ച പ്രദർശന വിജയം നേടിയ “വീ ” എന്ന തമിഴ് ചിത്രം കേരളത്തിൽ ഉടൻ പ്രദർശനത്തിനെത്തുന്നു. വീക്കെന്റ് അടിച്ച് പൊളിക്കുന്നതിനായി 5 ബോയ്സും, 5 ഗേൾസും അടങ്ങുന്ന ഒരു സംഘം ബാംഗ്ലൂർ നിന്നും യാത്ര പുറപ്പെടുന്നു. പ്രണയവും തമാശകളും ഒക്കെ ആയി യാത്ര തുടരുന്നതിനിടയിൽ അതിലൊരാൾ പുതിയതായി വന്ന ഒരു ‘ആപ്പി ‘ നെ കുറിച്ച് പറയുന്നു.ജനന തീയതി നൽകിയാൽ മരണ തീയതി അറിയാൻ കഴിയും എന്നതായിരുന്നു ആ അപ്പി ന്റെ പ്രത്യേകത. ഇത് സത്യമാണോ എന്നറിയാൻ അവർ മരിച്ചു പോയ ചിലരുടെ ജനന തീയതി നൽകി പരിശോധിക്കുന്നു. ആപ്പിന്റെ പ്രവർത്തനത്തിൽ കൗതുകം തോന്നിയ അവർ കൂടെയുള്ള പത്ത് പേരുടെയും ജനന തീയതി നൽകിയപ്പോൾ ,വന്ന അവരുടെ മരണ തീയതി, അവർ യാത്ര ചെയ്യുന്ന അതേ ദിവസത്തെ തന്നെ തീയതി ആയിരുന്നു.എല്ലാവരിലും ഒരു ഞെട്ടൽ പടർന്നെങ്കിലും, അവർ കാടിന് ഉള്ളിലുള്ള ഒരു റിസോർട്ടിൽ എത്തപ്പെടുന്നു. തുടർന്ന്, പകലും രാത്രിയുമായി ഉദ്വേഗജനകവും ഭയപ്പെടുത്തുന്നതും ആയ അവസ്ഥകളിലൂടെ മുന്നോട്ട് പോകേണ്ടി വരുന്ന ആ സംഘത്തിന്, തുടർന്ന് നേരിടേണ്ടി വരുന്ന പ്രശ്നങ്ങൾ ഭീകരമായിരുന്നു. ‘ വീ ‘ എന്ന തമിഴ് സിനിമ ഈ വ്യത്യസ്തമായ കഥ അവതരിപ്പിക്കുകയാണ്.

സുന്ദരമായ മൂന്ന് ഗാനങ്ങളും, ഫൈറ്റും, ചെയിസും ഒക്കെ ആയി, ഒരു കൊമേർസ്യൽ തമിഴ് സിനിമക്ക് വേണ്ട എല്ലാ ചേരുവകളും ചിത്രത്തിൽ ഉൽപ്പെടുത്തിയിട്ടുണ്ട്. പ്രേക്ഷകരെ മുൾ മുനയിൽ നിർത്തുന്ന ഒരു മിസ്റ്ററി സസ്പെൻസ് ത്രില്ലർ ആണ് ‘വീ ‘. ധാരപുരം, കൊച്ചി, അട്ടപ്പാടി, എന്നീ ലൊക്കേഷനുകളിലായി, സംവിധായകൻ ഡാവിഞ്ചി ശരവണനും, ഛായാഗ്രഹകൻ അനിൽ. കെ. ചാമിയും അടങ്ങുന്ന സംഘം സാഹസികമായും സാങ്കേതിക തികവോടെയും ആണ് വീ ചിത്രീകരിച്ചിരിക്കുന്നത്.

പ്രമേയത്തിലെ പുതുമ കണ്ടാണ് ചിത്രം നിർമിക്കാൻ തയ്യാറായതെന്ന് ട്രൂ സോൾ പിക്ചേഴ് സിന്റെ ഉടമ രൂപേഷ് കുമാർ പറയുന്നു. എയ്റോനോട്ടിക്കൽ എഞ്ചിനീയർ ആയ രൂപേഷ് കുമാർ വീ എന്ന ചിത്രത്തിന് ശേഷം, വ്യത്യസ്തമായ ചിത്രങ്ങൾ നിർമ്മിക്കാനുള്ള ശ്രമങ്ങളിലാണ് . പാലക്കാട്‌, കൊല്ലങ്കോട് സ്വദേശിയായ രൂപേഷ്, നല്ല ചിത്രങ്ങളുടെ നിർമ്മാണത്തിന് വേണ്ടി നല്ലൊരു ടീമിനെയും വാർത്തെടുത്തിരിക്കുന്നു. രൂപേഷ് കുമാറിൻ്റെ, ട്രൂസോൾ പിക്ചേഴ്സ് തന്നെയാണ് വീ തമിഴ്നാട്ടിൽ റിലീസ് ചെയ്തത്.നിരവധി തമിഴ്, തെലുങ്ക് ചിത്രങ്ങളിൽ അസോസിയേറ്റ് ആയി പ്രവർത്തിച്ച ഡാവിഞ്ചി ശരവണൻ ആണ് ‘ വീ ‘ യുടെ രചന, സംവിധാനം നിർവഹിച്ചിരിക്കുന്നത്. ട്രൂ സോൾ പിക്ച്ചേഴ്സിനു വേണ്ടി രൂപേഷ് കുമാർ നിർമ്മിക്കുന്ന വീ, ഡാവിഞ്ചി ശരവണൻ രചന – സംവിധാനം നിർവ്വഹിക്കുന്നു. ഛായാഗ്രഹണം – അനിൽ. കെ. ചാമി, സംഗീതം – ഇളങ്കോ കലൈവാണൻ, എഡിറ്റിംഗ് – V. T. ശ്രീജിത്ത്‌, മാർക്കറ്റിംഗ് ഡിസൈനർ – M. R. A.രാജ്, P. R. O – അയ്മനം സാജൻ. വിതരണം – ട്രൂ സോൾ പിക്ച്ചേഴ്‌സ്. രാഘവ്, ലതിയ, സബിത ആനന്ദ്, RNR മനോഹർ, റിഷി, അശ്വനി, നിമ, സത്യദാസ്, ഫിജിയ,റിനീഷ്, ദിവ്യൻ, ദേവസൂര്യ തുടങ്ങിയവർ പ്രധാന വേഷങ്ങളിൽ എത്തുന്നു.

Facebook Comments

COMMENTS

LEAVE A REPLY

Please enter your comment!
Please enter your name here

- Advertisment -

Most Popular

പ്രണയപൂർവ്വം പ്രിയതമക്ക് … (കവിത)

നാമൊന്നായി ചേർന്നതുമുതൽ നീ ഭാഗ്യവതിയും ഞാൻ ഭാഗ്യവാനുമെന്നു നാട്ടു വർത്തമാനം ,മുൻപ് നീ ഒരു കഷ്ടപാടുകാരിയും ഞാനൊരു അപ്രസക്തനുമെന്നു പറഞ്ഞവരിന്നു മൂക്കത്തു വിരൽ വെക്കുന്നു . വിവാഹമൊരു ചോദ്യമായി നിൽക്കുന്നവർക്ക് മുൻപിൽ നാമൊരുമിച്ചു നടന്നു നീങ്ങുമ്പോൾ നിറംകൊണ്ടോ പശ്ചാത്തലങ്ങൾകൊണ്ടോ ചേർച്ചയില്ലാത്ത ഇവരെങ്ങനെ ഒരു മനസ്സായി മാറുന്നു ? എന്ന് അവർ ചോദിക്കുന്നു നിന്നെ കണ്ടതുമുതലിങ്ങോട്ടു...

വംശീയമായ പരാമർശം നടത്തിയ യാത്രക്കാരെ കാറിൽ നിന്ന് ഇറക്കിവിട്ടു ഡ്രൈവർ

പെന്‍സില്‍വാനിയ : വംശീയ പരാമർശം നടത്തിയതിന് യാത്രക്കാരിയെ കാറിൽ നിന്നും ഡ്രൈവർ ഇറക്കിവിട്ടു. അമേരിക്കയിൽ പെൻസിൽവാനിയയിൽ ആണ് സംഭവം. കാർ ഡ്രൈവറായ ജെയിംസ് ബോഡേയുടെ കാറിന്റെ ഡാഷിൽ ഘടിപ്പിച്ച ക്യാമറയിൽ പതിഞ്ഞ ദൃശ്യങ്ങൾ...

സംസ്ഥാനത്തെ സ്ക്കൂളുകൾ ജൂൺ ഒന്നിന് തുറക്കും.

സംസ്ഥാനത്തെ സ്കൂളുകള്‍ ജൂണ്‍ ഒന്നിന് തുറക്കം. സ്കൂള്‍ തുറക്കുന്നതുമായി ബന്ധപ്പെട്ട മുന്നൊരുക്കങ്ങള്‍ ചര്‍ച്ചചെയ്യാന്‍ തദ്ദേശ സ്വയംഭരണ വകുപ്പ് മന്ത്രിയും വിദ്യാഭ്യാസ മന്ത്രിയും യോഗം ചേർന്നു. സ്കൂള്‍ തുറക്കുന്നതിനുള്ള നടപടികള്‍ സജ്ജമാണെന്ന് വിദ്യാഭ്യാസ മന്ത്രി...

ഹൂസ്റ്റൺ റാന്നി അസോസിയേഷന് നവ നേതൃത്വം: ബാബു കൂടത്തിനാലിൽ പ്രസിഡന്റ്,ബിനു സഖറിയ കളരിക്കമുറിയിൽ സെക്രട്ടറി

ഹൂസ്റ്റൺ: ഹൂസ്റ്റണിലെ പ്രമുഖ മലയാളി സംഘടനകളിലൊന്നായ ഹൂസ്റ്റൺ റാന്നി അസോസിയേഷന്റെ (എച്ച്ആർഎ) വാർഷിക പൊതു യോഗം കൂടി പുതിയ വർഷത്തേക്കുള്ള ഭാരവാഹികളെ തെരഞ്ഞെടുത്തു. മെയ് 14 നു ശനിയാഴ്ച വൈകുന്നേരം സ്റ്റാഫോർഡിലുള്ള ദേശി റെസ്റ്റോറന്റിൽ...
Facebook Comments
WP2Social Auto Publish Powered By : XYZScripts.com
error: