17.1 C
New York
Saturday, November 26, 2022
Home Cinema ക്യാബിൻ തീയേറ്ററിലേക്ക്

ക്യാബിൻ തീയേറ്ററിലേക്ക്

അയ്മനം സാജൻ ,P .R .O

Bootstrap Example

നീലഗിരിയിൽ നിന്ന് കേരളത്തിലേക്കുള്ള യാത്രയിൽ ശങ്കരൻ മേസ്തിരിയുടെയും, ലോറി ഡ്രൈവർ ദേവരാജിൻ്റേയും ജീവിതത്തിൽ എന്താണ് സംഭവിച്ചത്? ഞെട്ടിപ്പിക്കുന്ന ഈ സംഭവ പരമ്പരകളിലൂടെ കടന്നു പോവുകയാണ് ക്യാബിൻ എന്ന ചിത്രം. ലൈസ പ്രൊഡക്ഷൻസിനു വേണ്ടി ലൈസതെരേസ നിർമ്മിക്കുന്ന ഈ ചിത്രം നവാഗതനായ പുലരി ബഷീർ രചനയും, സംവിധാനവും നിർവ്വഹിക്കുന്നു. ചിത്രീകരണം പൂർത്തിയായ ഈ ചിത്രം ഉടൻ തീയേറ്ററിലെത്തും.

തമിഴ് ചിത്രങ്ങളിലൂടെ ശ്രദ്ധേയനായ പ്രിൻസ്, ജോയ് മാത്യു എന്നിവർ പ്രധാന വേഷത്തിലെത്തുന്ന ക്യാബിൻ വ്യത്യസ്തമായ ഒരു റോഡ് മൂവിയാണ്.

മുപ്പത്തിയഞ്ച് വർഷമായി നീലഗിരി എസ്റ്റേറ്റിൽ സൂപ്പർവൈസറാണ് ശങ്കരൻ മേസ്തിരി (ജോയ് മാത്യു) ജോലിയിൽ നിന്ന് പിരിഞ്ഞതോടെ നാട്ടിലേക്ക്, താമസം മാറ്റാൻ തീരുമാനിച്ച ശങ്കരൻ മേസ്തിരി ,ഭാര്യയും മകളും ഒത്ത് വീട്ട് സാധനങ്ങളുമായി നാട്ടിലേക്ക് യാത്ര പുറപ്പെട്ടു. ഒരു ലോറിയിൽ കയറി വളരെ ബുദ്ധിമുട്ടിയായിരുന്നു യാത്ര.ലോറി ഡ്രൈവർ മൂക്ക് മുട്ടെ മദ്യപിച്ചിട്ടാണ് ലോറി ഡ്രൈവ് ചെയ്യുന്നത്. മകളിലേക്കുള്ള ഡ്രൈവറുടെ ഒളിഞ്ഞു നോട്ടങ്ങൾ ശങ്കരൻ മേസ്തിരിക്ക് സഹിക്കാൻ കഴിഞ്ഞില്ല. എങ്കിലും എല്ലാം സഹിച്ച് അയാൾ യാത്ര ചെയ്തു.നാട്ടിലെത്തിയപ്പോഴാണ് മനസിലായത്, തനിക്ക് സ്വന്തമായിട്ടുണ്ടായിരുന്ന വീടും പുരയിടവും ബന്ധുക്കൾ അപഹരിച്ചെന്ന്!

ഭാര്യയും, മകളുമായി എങ്ങോട്ടു പോകണമെന്നറിയാതെ കുഴഞ്ഞ ശങ്കരൻ മേസ്തിക്ക് അപ്പോൾ തുണയുമായി ഡ്രൈവർ ദേവരാജ് എത്തി.മനസില്ലാ മനസോടെ ആണെങ്കിലും ശങ്കരൻ മേസ്തിരി ദേവരാജിനൊപ്പം യാത്രയായി. തുടർന്ന് ശങ്കരൻ മേസ്തിരിയുടെയും, ഡ്രൈവർ ദേവരാജിൻ്റെയും ജീവിതത്തിൽ നടന്ന ഞെട്ടിപ്പിക്കുന്ന സംഭവ പരമ്പരകൾ അവതരിപ്പിക്കുകയാണ് ക്യാബിൻ എന്ന ചിത്രം.

ലൈസ പ്രൊഡക്ഷൻസിനു വേണ്ടി ലൈസതെരേസ നിർമ്മിക്കുന്ന ക്യാമ്പിൻ പുലരി ബഷീർ രചനയും, സംവിധാനവും നിർവ്വഹിക്കുന്നു. ഛായാഗ്രഹണം – ബൊറ്റ ബാല ഭരണി, ഗാനരചന – ഷഹീറ നസീർ ,ജോ പോൾ, കൃഷ്ണകുമാർ ,സംഗീതം -ഹിഷാം അബ്ദുൾ വഹാബ്, ആലാപനം -നജീം അർഷാദ്, ഹരിശങ്കർ, മുകേഷ്, ഹിഷാം അബ്ദുൾ വഹാബ്, ലൈസതെരേസ ,എഡിറ്റർ -ശ്രീനിവാസ് ,കല – ഹബീബ് കോട്ടക്കൽ, ചമയം – ദേവദാസ് ചമ്മറ വട്ടം, അബ്ദു ഗൂഡല്ലൂർ, പ്രൊഡക്ഷൻ കൺട്രോളർ- എസ്.എൽ.പ്രദീപ്, എക്സിക്യൂട്ടീവ് – ശിവൻ പൂജപ്പുര, സംഘട്ടനം – വിൻ വീര ചെന്നൈ, കോസ്റ്റ്യൂമർ – സുരേഷ് കോട്ടല,നൃത്തം – നോബൽ മാസ്റ്റർ ചെന്നൈ, മനോജ് ഫിഡക്, അസോസിയേറ്റ് ഡയറക്ടർ – നാസർ, അസിസ്റ്റൻ്റ് ഡയറക്ടർ – സുനിൽ സാൻ, രവിബാല, ഐസക്, സ്റ്റിൽ – തസ്ലിമുജീബ് അരീക്കോട്, പി.ആർ.ഒ- അയ്മനം സാജൻ.

ജോയ് മാത്യു, പ്രിൻസ്, കൈലേഷ്, മാമുക്കോയ, ജാഫർ ഇടുക്കി, ഷിയാസ് കരീം, ജയ് താക്കൂർ, സലാം ബാപ്പു, പ്രകാശ് പയ്യാനക്കൽ, ലെവിൻ, ഹരിശ്രീ യൂസഫ്, ശംസു, അബൂൽ അഹല, റോണ ജോ, അംബികാ മോഹൻ, കുളപ്പുള്ളി ലീല ,നീനാ കുറുപ്പ് ,അഷത വരുൺ, ധനം കോവൈ, സുകന്യ കൃഷ്ണ, കല, ലൈല എന്നിവർ അഭിനയിക്കുന്നു.


അയ്മനം സാജൻ

Facebook Comments

COMMENTS

- Advertisment -

Most Popular

ഡ്രൈവിംഗ് ടെസ്റ്റിനിടെ യുവതിയോട് അപമാര്യാദയായി പെരുമാറി; എംവിഐക്ക്‌ സസ്പെൻഷൻ.

മലപ്പുറത്ത്‌ ഡ്രൈവിംഗ് ടെസ്റ്റിനിടെ യുവതിയോട് അപമാര്യാദയായി പെരുമാറിയ എം വി ഐയെ സസ്പെൻഡ് ചെയ്തു. എം വി ഐ സി ബിജുവിനെ അന്വേഷണവിധേയമായി സസ്പെൻഡ് ചെയ്തെന്ന് ട്രാൻസ്‌പോർട്ട് കമ്മീഷണർ അറിയിച്ചു. നേരത്തെ യുവതിയുടെ പരാതിയിൽ...

വിദ്യാർത്ഥിക്കെതിരെയുള്ള നിയമാനുസൃതമായ അച്ചടക്ക നടപടി ആത്മഹത്യ പ്രേരണയല്ല; സുപ്രിംകോടതി.

വിദ്യാർത്ഥിക്കെതിരെയുള്ള നിയമാനുസൃതമായ അച്ചടക്ക നടപടി ആത്മഹത്യ പ്രേരണയല്ലെന്ന് സുപ്രിംകോടതി. നിയമാനുസൃത നടപടി മാനസികമായ പീഡനമായി വ്യാഖ്യാനിക്കാനാവില്ല. അധ്യാപകർക്കും വിദ്യാലയങ്ങൾക്കും അവരുടെ മൂല്യങ്ങൾ സംരക്ഷിക്കാനായി എടുക്കുന്ന നിലപാടുകൾക്ക് സംരക്ഷണം ലഭിക്കണമെന്നും സുപ്രിം കോടതി നിർദേശിച്ചു. മദ്യ...

പ്രഭാത വാർത്തകൾ

◾സാങ്കേതിക സര്‍വകലാശാല താല്‍ക്കാലിക വൈസ് ചാന്‍സലറായി ഡോ. സിസ തോമസിനെ നിയമിക്കാന്‍ പേരു നിര്‍ദേശിച്ചത് ആരെന്നു ഗവര്‍ണറോട് ഹൈക്കോടതി. ഫോണില്‍ പോലും ആരായാതെയാണു ഗവര്‍ണര്‍ വിസിയെ നിയമിച്ചതെന്നും ചുമതല പ്രോ വിസിക്ക് നല്‍കണമെന്നും...

കർഷകരുടെ രാജ്യവ്യാപക രാജ്ഭവൻ മാർച്ച് ഇന്ന്.

വിവാദ കാർഷിക നിയമങ്ങൾ കേന്ദ്രം റദ്ദാക്കിയതിൻ്റെ രണ്ടാം വാർഷികത്തോടനുബന്ധിച്ച് രാജ്യത്തുടനീളമുള്ള രാജ്ഭവനുകളിലേക്ക് കർഷക യൂണിയനുകൾ ഇന്ന് മാർച്ച് നടത്തും. സർക്കാരിന്റെ വിവിധ വാഗ്ദാനങ്ങൾ പാലിക്കാത്തതിൽ കർഷകരുടെ പ്രതിഷേധവും മാർച്ചിൽ രേഖപ്പെടുത്തുമെന്ന് കർഷക നേതാക്കൾ...
Facebook Comments
WP2Social Auto Publish Powered By : XYZScripts.com
error: