🌹 “ഇന്നത്തെ ചിന്താവിഷയം” 🌹 – 2026 | സെപ്റ്റംബർ 22 |ചൊവ്വ | ✍️ പ്രൊഫസ്സർ എ.വി. ഇട്ടി മാവേലിക്കര

സമീപത്തെ വിശുദ്ധനേയും വിശുദ്ധിയേയും കണ്ടെത്താൻ ആകട്ടെ?

———————————————————————————————–

മലമുകളിൽ ഒരു വിശുദ്ധൻ താമസിക്കുന്നുണ്ടെന്ന വാർത്ത, നാടെങ്ങും പരന്നു. ദൂരെയെുള്ള ഗ്രാമത്തിലെ ഒരാൾ, അദ്ദേഹത്തെ തേടിയെത്തി. കുടിലിനു മുമ്പിലെത്തിയപ്പോൾ, വേലക്കാരൻ അയാളെ, അഭിവാദ്യം ചെയ്തു.

“എനിക്കു വിശുദ്ധനെ കാണണം”, അയാൾ പറഞ്ഞു.
വേലക്കാരൻ അയാളെ അകത്തേക്കു കൂട്ടിക്കൊണ്ടു പോയി.

ഓരോ ചുവടു വയ്ക്കുമ്പോഴും, വിശുദ്ധനെ കണ്ടുമുട്ടാമെന്ന പ്രതീക്ഷയിൽ, അയാൾ ചുറ്റും നോക്കുന്നുണ്ടായിരുന്നു. അധികം താമസിയാതെ, വേലക്കാരൻ അയാളെ പിന്നിലെ വാതലിലൂടെ, പുറത്തേക്കു നയിച്ചു! അയാൾ ചോദിച്ചു: “വിശുദ്ധൻ എവിടെ? ഞാനദ്ദേഹത്തെ കാണാനാണ് വന്നത്”. വേലക്കാരൻ പറഞ്ഞു: “നിങ്ങൾ അദ്ദേഹത്തെ കണ്ടു കഴിഞ്ഞു. എല്ലാ മനുഷ്യരിലും ഒരു വിശുദ്ധനുണ്ടെന്ന്, എന്തേ, നിങ്ങൾ മനസ്സിലാക്കാതെ പോയി?”

അടുത്തു നിൽക്കുന്നയാൾ ആരാണെന്നറിയാൻ കഴിയാതെ പോകുന്നതാണ്, എല്ലാ അന്വേഷണങ്ങളുടെയും പരാജയ കാരണം. മരുഭൂമിയിലും , മലമുകളിലുമുള്ള അമാനുഷരെ കണ്ടെത്താനുള്ള ദീർഘ യാത്രയല്ല ജീവിതം. സമീപത്തുള്ള സുമനസ്സുകളെയും, നിഷ്ക്കളങ്കരേയും തിരിച്ചറിയാൻ നമുക്ക് ആകണം. എത്തിപ്പിടിക്കാനാകാത്തതിനെ മാത്രം, അത്ഭുതത്തോടും അസൂയയോടും വീക്ഷിച്ച് ആവേശഭരതരാകുന്നവർ, കൈപ്പിടിയിലുള്ളതിൻ്റെ മഹിമ തിരിച്ചറിയുന്നില്ല. അടുത്തുള്ളവൻ്റെയും, അയൽപക്കത്തുള്ളവൻ്റെയും വിശുദ്ധിയം അംഗീകരിക്കാൻ, പലപ്പോഴും, നമ്മുടെ അഹംഭാവം നമ്മെ അനുവദിക്കുന്നുമില്ല.

അകലെയുള്ളതിനോട് തോന്നുന്ന ആരാധനയുടെ പത്തിലൊരംശം, അടുത്തുള്ളതിനോട് തോന്നിയിരുന്നെങ്കിൽ, ജീവിതം തന്നെ, എത്ര വ്യത്യസ്ഥം ആകുമായിരുന്നു? പലരും, സ്വന്ത നാടിൻ്റെ സൗന്ദര്യം അവഗണിച്ചിട്ടാണു്, സൗന്ദര്യമുള്ള നഗരങ്ങൾ കാണാൻ, ടിക്കറ്റുമെടുത്ത് യാത്ര തിരിക്കുന്നത്. നാട്ടിലുള്ളവരേക്കുറിച്ചെല്ലാം അപവാദം പ്രചരിപ്പിച്ചിട്ട്, വിദേശങ്ങളിലുള്ള വിശദ്ധനേത്തേടി നമ്മൾ അവിടങ്ങളിലേക്ക് പോകും. അടുത്തുള്ളവരിലെ അശുദ്ധിയുടെ തെളിവ് തേടി നടക്കാതെ, അവരിലെ വിശുദ്ധിയുടെ വെളിച്ചം തിരിച്ചറിയാൻ ആയാൽ, എല്ലാ നാടും വിശുദ്ധമാകും.

ദൈവം സഹായിക്കട്ടെ.

ഏവർക്കും നന്മകൾ നേരുന്നു.

നന്ദി, നമസ്ക്കാരം.

പ്രൊഫസ്സർ എ വി ഇട്ടി, മാവേലിക്കര.

5 Likes

🌹 “ഇന്നത്തെ ചിന്താവിഷയം” 🌹 – 2026 | സെപ്റ്റംബർ 22 |ചൊവ്വ | ✍️ പ്രൊഫസ്സർ എ.വി. ഇട്ടി മാവേലിക്കര

സമീപത്തെ വിശുദ്ധനേയും വിശുദ്ധിയേയും കണ്ടെത്താൻ ആകട്ടെ?

പ്രൊഫസ്സർ എ വി ഇട്ടി, മാവേലിക്കര.

ഹോര്‍മുസ് കടലിടുക്കില്‍ കപ്പലിന് നേരെ മിസൈല്‍ ആക്രമണം; പരിക്കേറ്റ 11 പേരും ഇന്ത്യക്കാര്‍.

നോർത്ത് ഈസ്റ്റ് റീജിയൺ മാർത്തോമ്മാ കൺവൻഷൻ ഒക്ടോബർ 9-ന് ആരംഭിക്കുന്നു

നാലു വയസ്സുകാരനെ ക്രൂരമായി മർദ്ദിച്ചു കൊലപ്പെടുത്തിയ പ്രതിക്കു 55 വർഷം തടവ് ശിക്ഷ

LEAVE A REPLY Cancel reply

Most Popular

കളമശ്ശേരി കൂട്ടബലാത്സംഗക്കേസിൽ ഒളിവിലായിരുന്ന രണ്ട് പ്രതികൾ കൂടി പിടിയിലായി

ഡൽഹി സമരത്തിൽ അരങ്ങേറിയത് നാടകീയ നീക്കങ്ങൾ; രാഹുൽ ഗാന്ധിയെയും എംപിമാരെയും അറസ്റ്റ് ചെയ്ത് വിട്ടയച്ചു

Recent Comments

EDITOR PICKS

കളമശ്ശേരി കൂട്ടബലാത്സംഗക്കേസിൽ ഒളിവിലായിരുന്ന രണ്ട് പ്രതികൾ കൂടി പിടിയിലായി

POPULAR POSTS

ഡൽഹി സമരത്തിൽ അരങ്ങേറിയത് നാടകീയ നീക്കങ്ങൾ; രാഹുൽ ഗാന്ധിയെയും എംപിമാരെയും അറസ്റ്റ് ചെയ്ത് വിട്ടയച്ചു

മക്കയിലെ മസ്ജിദുൽ ഹറമിൽവച്ച് പ്രമോഷൻ വീഡിയോ ചിത്രീകരിച്ചു; ഇന്ത്യൻ ഇൻഫ്ലുവൻസറെ കസ്റ്റഡിയിലെടുത്തു.

ഹോര്‍മുസ് കടലിടുക്കില്‍ കപ്പലിന് നേരെ മിസൈല്‍ ആക്രമണം; പരിക്കേറ്റ 11 പേരും ഇന്ത്യക്കാര്‍.

POPULAR CATEGORY

ABOUT US

FOLLOW US