ഗാസയിലെ അഭയാർത്ഥി ക്യാമ്പിൽ കുട്ടികൾക്കുള്ള പാൽ ശേഖരിക്കാൻ കാത്തുനിന്നവർക്ക് നേരെ ആയിരുന്നു ആക്രമണം. ആക്രമണത്തിൽ 92 പേർക്ക് പരിക്കുണ്ട്.
ദയർ അൽ ബലാഹ് റഫിദിയാ സ്കൂളിൽ നടന്ന ആക്രമണത്തിൽ സ്ത്രീകളും കുട്ടികളുമാണ് മരിച്ചത്. രാത്രിയിലടക്കം ഇവിടെ ആക്രമണം ഉണ്ടായിരുന്നു.
അതേസമയം ജബാലിയ ക്യാമ്പിന് നേരെ ഇസ്രേയൽ ആക്രമണം ശക്തമായതോടെ നിരവധി പേർ സുരക്ഷിത സ്ഥാനത്തേക്ക് മാറാൻ കഴിയാതെ കുടുങ്ങി കിടക്കുകയാണ്. വെള്ളിയാഴ്ച ഇവിടെ നടന്ന ആക്രമണത്തിൽ 20 പലസ്തീനികളാണ് കൊല്ലപ്പെട്ടത്.
ആക്രമണത്തിൽ നിരവധി വീടുകൾ അടക്കം തകർന്നിരുന്നു. ഗാസയിൽ ഇതേ ദിവസം ഇസ്രയേൽ നടത്തിയ ആക്രമണത്തിൽ 61 പേർ കൊല്ലപ്പെട്ടിരുന്നു.
